Academi Pêl-droed (Gwryw)

Fel rhan o’r Rhaglen Bêl-droed Academaidd byddwch yn astudio ystod eang o unedau megis Anatomeg a Ffisioleg, Hyfforddiant Ffitrwydd a Rhaglennu a Hyfforddi ar gyfer Perfformiad sy’n agor llwybrau i gyrsiau prifysgol, ysgoloriaethau a chyflogaeth ar ôl cwblhau’r cwrs.

Fel rhan o elfen ymarferol y cwrs, bydd y rhaglen bêl-droed yn cynnwys sesiynau hyfforddi wythnosol ar y cae, sesiynau cryfder a chyflyru, gemau cystadleuol a sesiynau dadansoddi. Bydd pob sesiwn yn cael ei chyflwyno gan hyfforddwyr cymwys UEFA a bydd y rhaglen yn agor cyfleoedd i lwybr chwarae pêl-droed Cymru.