Mae peirianwyr trydanol ac electroneg yn gweithio gyda'r dechnoleg sy'n pweru ein byd modern - o ffonau clyfar a chyfrifiaduron i systemau ynni adnewyddadwy a cheir trydan. Maen nhw’n dylunio, adeiladu a gwella cylchedau, synwyryddion a systemau rheoli sy'n gwneud dyfeisiau yn fwy smart, yn gyflymach a mwy effeithlon. Gall eu gwaith gynnwys unrhyw beth o raglennu micro-sglodion a datblygu robotiaid i ddylunio gridiau pwer neu systemau cyfathrebu blaengar. Os ydych chi'n chwilfrydig am sut mae trydan, teclynnau a thechnoleg yn gweithio - ac am greu'r genhedlaeth nesaf o arloesedd - gallai peirianneg drydanol ac electroneg fod yn addas i chi.
Mae'r rhan fwyaf o ddiwydiannau yn dibynnu ar ryw fath o systemau electroneg / trydanol, a chredir mai peirianneg drydanol ydy’r un o'r mwyaf amrywiol o holl ddisgyblaethau peirianneg. Oherwydd hyn, mae cyfleoedd cyflogaeth ar draws nifer o sectorau.
Mae'r cwrs hwn yn cwmpasu'r wybodaeth, y ddealltwriaeth a'r sgiliau canolradd sy'n ofynnol gan rywun sy'n gweithio yn y diwydiant peirianneg. Byddwch yn dysgu trwy gwblhau prosiectau ac asesiadau ymarferol sy'n seiliedig ar sefyllfaoedd, gweithgareddau a gofynion realistig yn y gweithle.
Bydd disgwyl i bob dysgwr llawn amser fynychu sesiynau sgiliau yn ogystal â'u cwrs galwedigaethol dewisol. Gofynnir i chi hefyd fynychu sesiynau tiwtorial fel rhan o amserlen eich cwrs llawn amser.
Beth fydda i'n ei ddysgu?
Mae'r Diploma Lefel 2 yn cynnwys yr unedau canlynol:
Ymwybyddiaeth o amgylchedd peirianneg, technegau peirianneg, egwyddorion Peirianneg, Egwyddorion trydanol ac electronig, Dulliau profi trydanol ac electronig, Systemau a dyfeisiau trydanol ac electronig Yr uned NVQ lefel 1 yw “Cydosod Cylchedau Electronig”.
Beth fydda i'n ei ddysgu?
4 TGAU gradd D neu’n uwch (gan gynnwys Mathemateg, Gwyddoniaeth a Saesneg neu Cymraeg Mamiaith), neu gymhwyster Lefel 1 gyda'r dewis priodol o unedau.
-
Asesiad
Asesir y cwrs drwy ystod o ddulliau, gan gynnwys arholiad ar-lein, prosiectau ymarferol, aseiniadau, astudiaethau achos a gwaith cwrs. Bydd eich arholiad a'ch portffolio yn cael eu graddio â gradd gyffredinol ar gyfer y cymhwyster.
Dilyniant Gyrfa
Ar ôl cwblhau'r cwrs hwn yn llwyddiannus, cewch gyfle i symud ymlaen i raglen Peirianneg Lefel 3, yn amodol ar gymeradwyaeth bwrdd graddio a chyfweliad llwyddiannus. Mae llawer o ddysgwyr hefyd wedi sicrhau prentisiaethau ar ôl cwblhau'r cwrs hwn.
Nodiadau Pellach
Os ydych chi'n llwyddo i ymuno â'r cwrs hwn, bydd gofyn i chi brynu Cyfarpar Diogelu Personol (PPE) sy'n addas ar gyfer y gwaith ymarferol a gynhelir.
Trafodwch hyn yn y cyfnod cyfweliad gyda'r aelod o staff.
Gall cymorth ariannol fod ar gael yn dibynnu ar amgylchiadau unigol.
