Diploma Lefel 1 City and Guilds mewn Rhaglenni TG ar gyfer Defnyddwyr TG; BTEC Lefel 1 Tystysgrif Ragarweiniol Technoleg Gwybodaeth, Sgiliau Hanfodol Cymru mewn Cyfathrebu neu Gymhwyso Rhif. Cyfle i sefyll arholiad TGAU mewn Saesneg a Mathemateg (yn ddibynnol ar eich graddau blaenorol).
Byddwch yn astudio rhaglenni meddalwedd Microsoft Office 365. Byddai hyn yn cynnwys, ond heb fod yn gyfyngedig i’r canlynol: • Cydweithio a chynhyrchiant • Defnyddio'r rhyngrwyd • Meddalwedd Dylunio • Cynhyrchion amlgyfrwng • Cyflwyniadau TG • Cyfathrebiadau TG (gan gynnwys llwyfannau cyfryngau cymdeithasol)
Does dim gofynion mynediad ffurfiol ar gyfer ymgeiswyr sy’n dilyn y cwrs hwn oherwydd efallai nad oes gan ymgeiswyr brofiad blaenorol, er y gallai fod gan rai brofiad/sgiliau lefel Mynediad 3 mewn TG/Cyfrifiadureg. Byddwn yn cyfweld ag unrhyw ddysgwr newydd i sicrhau bod gan yr ymgeiswyr y potensial a'r cyfle i ennill y cymwysterau yn llwyddiannus.
Byddwch yn cael eich gwahodd i gyfweliad a byddwn yn cynnal asesiad mewn llythrennedd a rhifedd i sefydlu'r cymorth sydd ei angen. Yng Ngholeg y Cymoedd byddem yn eich annog i wneud y gorau y gallwch yn eich asesiadau. Po orau fydd eich graddau, y mwyaf o opsiynau fydd gennych chi a gall olygu y byddwch yn cael mynediad at gwrs lefel uwch.
Mae’r holl ddysgu’n cael ei wneud yn ein hystafelloedd dosbarth TG modern sydd â digonedd o gyfarpar addas. Byddwch yn cwblhau asesiad ym mhob uned y gellir ei gynhyrchu drwy ystod o weithgareddau, gan gynnwys aseiniadau, chwarae rôl, perfformiad ymarferol a chyflwyniadau llafar. Bydd disgwyl i chi weithio i derfynau amser a chynnal ffeiliau eich cwrs a phob portffolio yn ôl y safonau gofynnol. Gydag arweiniad, bydd dysgwr yn gallu gweithredu meddalwedd neu galedwedd gwybodaeth a chyfathrebu gyda gwybodaeth a dealltwriaeth ar y lefel berthnasol mewn amrywiaeth o bynciau y byddant yn ymgymryd â nhw.
Ar ôl cwblhau’r cwrs yn llwyddiannus, gallech fod yn gymwys i symud ymlaen i gwrs Lefel 2, fel Lefel 2: Sgiliau Digidol a TG; Sgiliau Mynediad Lefel 2 ar gyfer Astudiaethau Pellach.