Diploma Lefel 2 City and Guilds mewn TG, Sgiliau Hanfodol Cymru mewn Cyfathrebu, a Chymhwyso Rhif. Bydd cyfle hefyd i sefyll arholiad TGAU mewn Saesneg a Mathemateg (yn ddibynnol ar eich graddau blaenorol).

Byddwch yn astudio rhaglenni meddalwedd Microsoft Office 365. Byddai hyn yn cynnwys, ond heb fod yn gyfyngedig i’r canlynol: • Cydweithio a chynhyrchiant • Defnyddio'r rhyngrwyd • Meddalwedd Dylunio • Cynhyrchion amlgyfrwng • Cyflwyniadau TG • Cyfathrebiadau TG (gan gynnwys llwyfannau cyfryngau cymdeithasol) • Hanfodion Diogelwch TG Bydd dysgwyr sy’n dilyn ymlaen o’n cwrs Lefel 1 yn adeiladu ar y sgiliau sylfaenol a ddysgwyd eisoes ac yn gwella eu gwybodaeth a’u sgiliau gyda Rhaglenni Digidol. Bydd disgwyl i bob dysgwr llawn amser fynychu sesiynau sgiliau yn ogystal â'u cwrs galwedigaethol dewisol. Hefyd, bydd gofyn i chi fynychu sesiynau tiwtorial fel rhan o amserlen eich cwrs llawn amser.

Bydd arnoch angen 4 TGAU gradd A* i D gan gynnwys Mathemateg/Rhifedd a Saesneg Iaith/Cymraeg (Iaith Gyntaf) neu Lefel 1 mewn pwnc galwedigaethol cysylltiedig. Byddwch yn cael eich gwahodd i gyfweliad a byddwn yn cynnal asesiad mewn llythrennedd a rhifedd i sefydlu'r cymorth sydd ei angen.

Yng Ngholeg y Cymoedd byddem yn eich annog i wneud y gorau y gallwch yn eich asesiadau. Po orau fydd eich graddau, y mwyaf o opsiynau fydd gennych chi a gall olygu y byddwch yn cael mynediad at gwrs lefel uwch.

Mae’r holl ddysgu’n cael ei wneud yn ein hystafelloedd dosbarth TG modern sydd â digonedd o gyfarpar addas. Byddwch yn cwblhau asesiad ym mhob uned y gellir ei gynhyrchu drwy ystod o weithgareddau, gan gynnwys aseiniadau, chwarae rôl, perfformiad ymarferol a chyflwyniadau llafar. Bydd disgwyl i chi weithio i derfynau amser a chynnal ffeiliau eich cwrs a phob portffolio yn ôl y safonau gofynnol. Gydag arweiniad, bydd dysgwr yn gallu gweithredu meddalwedd neu galedwedd gwybodaeth a chyfathrebu gyda gwybodaeth a dealltwriaeth ar y lefel berthnasol mewn amrywiaeth o bynciau y byddant yn ymgymryd â nhw.

Ar ôl cwblhau’r cwrs yn llwyddiannus, gallech fod yn gymwys i symud ymlaen i gwrs Diploma Lefel 3 mewn Rhaglenni TG ar gyfer Busnes.