Lefel 3 mewn Chwaraeon (Pêl-droed Merched)

Fel rhan o’ch cwrs, byddwch yn astudio ystod o bynciau megis anatomi a ffiisioleg, hyfforddiant a ffitrwydd, asesu risg, profi ffitrwydd ar gyfer chwaraeon ac ymarfer, hyfforddi chwaraeon, datblygiad mewn chwaraeon a chwaraeon ymarferol tîm. Ymhlith y meysydd arbenigol bydd: maeth chwaraeon, rheolau/rheoliadau a dyfarnu, ymarfer, iechyd a ffordd o fyw, seicoleg perfformiad mewn chwaraeon a hyfforddi gweithgareddau corfforol ac ymarfer.

Bydd angen 5 TGAU graddau A* - C gan gynnwys Mathemateg a Saesneg/Cymraeg neu gyfwerth neu Diploma Lefel 2 BTEC mewn Chwaraeon gyda gradd teilyngdod. Rydyn ni’n chwilio am fyfyrwyr brwdfrydig, yn meddu ar sgiliau cyfathrebu da ac agwedd broffesiynol tuag at ddysgu.

Cewch eich gwahodd i gyfweliad. Yn ystod y cyfweliad hwn asesir eich sgiliau llythrennedd a rhifedd er mwyn sefydlu a oes angen cymorth arnoch chi.

Er mwyn cyflawni Lefel 3 mewn Chwaraeon, rhaid i chi gwblhau aseiniadau mewnol ymhob uned. Caiff eich sgiliau ymarferol eu hasesu, a defnyddir dulliau asesu megis holi ar lafar, gwaith aseiniad a chwestiynau ysgrifenedig. Asesir pob uned a’u graddio a dyfernir gradd gyffredinol ar gyfer y cymhwyster.

Mae'r cwrs yn rhoi'r sgiliau fyddwch chi eu hangen i ddeall y sector chwaraeon a hamdden a'r cyfleoedd cyflogaeth sydd ar gael ar ôl cwblhau'r cwrs. Gall y cymwysterau hyn hefyd gyfrannu at eich cais i astudio addysg uwch lle gall dysgwyr ddilyn cwrs ar gyfer cymhwyster lefel gradd.