Bydd dysgwyr yn astudio ar gyfer cwrs Diploma Lefel 3 mewn Cynhyrchu yn y Cyfryngau Creadigol. Llwybr blwyddyn ydy hwn a luniwyd ar gyfer dysgwyr sydd â diddordeb mewn dilyn gyrfa greadigol, yn benodol ym maes creu cynnwys, y cyfryngau cymdeithasol a marchnata.
Gall prosiectau amrywio ond gallai dysgwyr gael y cyfle i greu marchnata digidol ar ffurf podlediadau, posteri, trêls, fideos byr ar gyfer y cyfryngau cymdeithasol, gwefannau, blogiau a flogiau. Wrth gwblhau’r prosiectau hyn, bydd dysgwyr yn creu gwaith i ddiwallu meini prawf unedau’r cwrs a welir isod. Unedau’r Cwrs - Rhagarweiniad i ddulliau a sgiliau cyfryngau creadigol. - Rhagarweiniad i dechnegau cynhyrchu yn y cyfryngau cymdeithasol - Deall cynulleidfa ym maes cynhyrchu ar gyfer y cyfryngau cymdeithasol - Ymchwil cyd-destunol ar gyfer cynhyrchu ar gyfer y cyfryngau cymdeithasol - Ystyried cynyrchiadau sain a thechnoleg - Ystyried cynyrchiadau gweledol a thechnoleg - Ystyried cynyrchiadau rhyngweithiol a thechnoleg - Prosiect personol mewn cynhyrchu yn y cyfryngau creadigol
4 TGAU gradd D neu uwch (yn cynnwys Mathemateg a Saesneg neu Gymraeg Mamiaith) neu gymwysterau lefel 1 cyfatebol.
Asesir pob uned ar sail gofynion penodol manylebau’r corff dyfarnu ac mae’n cynnwys cyfuniad o asesiad o brosiect ymarferol a chynllunio ysgrifenedig ymchwil, gwerthuso ac ystyriaeth. Llunnir prosiectau i ffocysu ar ddatblygu sgiliau sy’n mynd i’r afael ag anghenion cyflogwyr y sector creadigol a diwydiant. Asesir pob uned yn fewnol a’u safoni’n allanol er mwyn sicrhau bod Safonau Cenedlaethol yn cael eu diwallu.
Mae dilyniant gyrfaol yn y maes hwn, ac yn benodol yng Nghymru yn wir gyffrous. Mae creu cynnwys yn llwybr a all arwain at lwyddiant fel llawrydd neu fusnes personol. Ar ben hynny, mae prifysgolion lleol yn cynnal cyrsiau llwyddiannus mewn cynhyrchu yn y cyfryngau creadigol yn ogystal ag ym maes marchnata digidol, brandio a chysylltiadau cyhoeddus. Mae nifer o asiantaethau marchnata yng Nghymru, yng Nghaerdydd a thrwy’r DU. Hefyd, bydd y mwyafrif o fusnesau naill ai’n contractio gwaith allan i asiantaethau digidol creadigol a marchnata a neu â thîm marchnata mewnol ac felly mae’n hollol bosibl i symud ymlaen i swydd.
