Y prif bynciau y byddwch yn eu hastudio fydd Microbioleg a Chemeg ynghyd ag unedau ategol mewn Mathemateg a Sgiliau Astudio.
Mae datblygu Sgiliau Hanfodol yn hollbwysig i’ch datblygiad ac ar gyfer symud i fyd gwaith. Rhoddir pwyslais ar ddatblygu Sgiliau Astudio a bydd yn cynnwys ysgrifennu traethodau, ysgrifennu aseiniadau, cyfeirnodi gan ddefnyddio system Harvard a chyflwyno gwaith gan ddefnyddio TG. Rhennir pob uned yn dalpiau dysgu o unedau a allai fod ar lefel 2 h.y. safon TGAU neu lefel 3 h.y, safon Lefel A.
TGAU gradd C i gynnwys Saesneg Iaith neu Cymraeg Mamiaith a Mathemateg neu Rhifedd neu gwblhau asesiad mynediad llwyddiannus o Lythrennedd a Rhifedd. Os ydy’r cymwysterau yn hyn na 3 blynedd, bydd gofyn am asesiad mynediad.
Cewch eich asesu'n barhaus, sgiliau ymarferol, traethodau, prosiectau, llyfrau gwaith, trafodaethau a chyflwyniadau llafar gyda rhai profion ar ddiwedd uned. Bydd disgwyl i chi hefyd gynnal ffeiliau’ch cwrs a phob portffolio i’r safon angenrheidiol.
Ar ôl i chi gwblhau’r cwrs hwn, gallwch wneud cais i gyrsiau gradd Anrhydedd mewn Addysg Uwch mewn amrediad eang o Broffesiynau Nyrsio a Gofal Iechyd neu Raddau Gwyddorau Biofeddygol a Chemeg a chyrsiau mewn prifysgol neu sefydliad addysg uwch o’ch dewis neu chwilio am swydd.
