Rhennir y cwrs yn unedau unigol, gan weithio tuag at gymhwyster Tystysgrif yn y Cyfryngau Creadigol. Mae'r cwrs yn amrywiol gyda nifer o unedau cyffrous fel; ysgrifennu ar gyfer cylchgrawn, blog neu bapur newydd; dylunio, gwneud ac arddangos prosiectau celf a ffotograffiaeth gan ddefnyddio gwahanol feddalwedd greadigol e.e. animeiddio stop-symud; cyflwyno meddalwedd golygu a llawer mwy.
Ymhlith y cymwysterau ychwanegol mae’r cymhwyster Sgiliau Hanfodol Cymru mewn Cyfathrebu a Rhifedd ar lefel Mynediad 3.
Rhaid ichi fod yn gweithio ar Lefel Mynediad 2 mewn Llythrennedd a Rhifedd ac yn gweithio tuag at gymwysterau Mynediad 3.
Ar ôl ichi wneud cais, fe'ch gwahoddir i ddod i gyfweliad, a sefyll asesiad byr mewn llythrennedd a rhifedd, er mwyn pennu a oes angen unrhyw gefnogaeth arnoch.
Bydd eich gwaith yn cael ei asesu drwy ystod o ddulliau, gan gynnwys casgliad o unedau wedi'u cwblhau, portffolios ac arsylwadau ymarferol.
Fe'ch gwahoddir i fynychu ysgol haf, a nod yr ysgol haf fydd eich cyflwyno i fywyd coleg a'r dysgwyr eraill yn eich dosbarth.