Yn ystod eich blwyddyn gyntaf, byddwch yn astudio pedwar modiwl: Bydd y modiwl Electroneg ac Egwyddorion yn delio â meintiau cymhleth, theori cylched, cylchedau cysain a chylchedau electronig digidol. Bydd y modiwl Mathemateg yn cynnwys Matrics, Rhifau Cymhleth, Datrys Hafaliadau, Ffactorio, Mesur Radian, Calcwlws, Ystadegau, Tebygolrwydd a Matlab.
Bydd y modiwl Rhagarweiniad i Raglennu C a Systemau wedi’u Mewnblannu yn delio â’r canlynol: Hanfodion ysgrifennu rhaglen, araeau, goleddfwyr, ffwythiannau ystod newidiol, pwyntyddion ac araeau. Rhagarweiniad i systemau wedi’u mewnblannu, cymwysiadau nodweddiadol, pensaernïaeth a chydrannau hanfodol. Bydd y modiwl Rheolyddion Rhesymeg Raglenadwy (RhRhR/PLC) yn canolbwyntio ar roi Golwg Cyffredinol ar Dechnoleg RhRhR/PLC, amrediad o reolyddion 'PLC', cymwysiadau, rhesymeg ysgol ddringo a strwythurau rheoli sy’n defnyddio ffwythiant sylfaenol. Yn yr ail flwyddyn, byddwch yn astudio dau fodiwl: Bydd y modiwl cyntaf sef Cynllunio Gwaith Gosod Trydan yn cynnwys rheoliadau Argraffiad 17, systemau cyflenwi trydan, diogelu, ynysu, cyfarpar graddio offer. Mae’r ail fodiwl sef Rhagarweiniad i Reoli Ansawdd a’r Amgylchedd yn cynnwys Systemau Rheoli Ansawdd, deddfwriaeth, gofal cwsmeriaid a’r gyfraith, technegau 'six sigma', dibynadwyedd ac archwilio.
Gofynion arferol mynediad ond mae Coleg y Cymoedd yn ystyried pob cais yn unigol sy’n golygu y gallwn gynnig lleoedd ar sail cymwysterau, proffil a phrofiad personol. Derbynnir cyfuniad o gymwysterau a /neu TGAU. Fel arfer mae’r Coleg yn gofyn am 3 TGAU yn cynnwys Mathemateg a Saesneg Gradd C/Gradd 4 neu uwch, neu gymwysterau cyfwerth ond ystyrir amgylchiadau unigolion
Cewch eich asesu yn gyfnodol ymhob uned astudiaeth. Bydd eich asesiadau’n amrywiol ac yn dibynnu ar y modiwl y byddwch yn ei astudio. Yn gyffredinol, bydd asesiadau yn golygu 100% gwaith cwrs neu 50% gwaith cwrs a 50% arholiad ar ddiwedd uned.
Ar ôl cwblhau’r cwrs HNC yn llwyddiannus, gallech symud ymlaen i gwrs Gradd Sylfaen mewn Peirianneg Trydan ac Electroneg sy’n gymhwyster mynediad i gwrs gradd BSc (Anrh) ym Mhrifysgol De Cymru. Byddwch wedi caffael y wybodaeth a’r hyfforddiant i allu cwrdd ag anghenion y maes diwydiannol a masnachol modern. Ar ôl cwblhau'r cwrs hwn yn llwyddiannus byddwch yn derbyn dyfarniad Prifysgol De Cymru.
Dim ceisiadau gan fyfyrwyr tramor y tu allan i'r UE. Gall y ffioedd AU newid.
