Mae'r cwrs yn canolbwyntio ar ddatblygu sgiliau a gwybodaeth yn seiliedig ar arferion proffesiynol ar draws sbectrwm eang o gynhyrchu technegol ac unedau sy'n ymwneud â diwydiant, megis: cynhyrchu sain, cyfryngau rhyngweithiol, technegau cynhyrchu, cynhyrchu gweledol a phrosiect personol.
Bydd angen 4 TGAU graddau A * - D yn cynnwys Saesneg/Cymraeg a Mathemateg neu Ddiploma Lefel 1 ar radd Teilyngdod mewn pwnc creadigol neu TG. Fe'ch gwahoddir i fynychu cyfweliad. Bydd gofyn ichi hefyd sefyll asesiad cychwynnol mewn llythrennedd a rhifedd er mwyn sefydlu unrhyw gymorth sydd ei angen.
Mae pob uned yn cael ei asesu yn ôl gofynion penodol y manylebau a ddosberthir gan y corff dyfarnu ac mae'n cynnwys cyfuniad o asesu ymarferol yn seiliedig ar brosiectau a chynllunio, ymchwil, gwerthuso a myfyrio ysgrifenedig. Mae prosiectau wedi'u cynllunio i ganolbwyntio ar ddatblygu sgiliau sy'n mynd i'r afael ag anghenion cyflogwyr a diwydiant sector creadigol lleol. Caiff yr holl unedau eu hasesu'n fewnol a'u safoni'n allanol er mwyn sicrhau bod Safonau Cenedlaethol yn cael eu bodloni.
Gan adeiladu ar enw da Coleg y Cymoedd fel darparwr arbenigol o gyrsiau sy'n datblygu sgiliau diwydiannol unigryw y mae galw mawr amdanynt, bydd dysgwyr yn gweithio ar brosiectau sy'n gysylltiedig â’r diwydiant sy'n eu paratoi a'u hannog i dargedu cyfleoedd gyrfa a gynigir gan gyflogwyr y sector creadigol lleol, gan gynnwys: Pinewood Studios , S3 Advertising, Bad Wolf Studios a BBC Cymru. Bydd ehangu darpariaeth Cyfryngau Creadigol Coleg y Cymoedd yn gwella cyfleoedd dilyniant ymhellach o'n darpariaeth Lefel 1 i'n cyrsiau Lefel 3 Cynhyrchu Cyfryngau Creadigol (Teledu a Ffilm) ac Addysg Uwch arbenigol, gan gynnwys ein Gradd Sylfaen mewn Celf a Dylunio Gemau sydd wedi'i rhyddfreinio drwy Brifysgol De Cymru.