Mae’r cwrs yn ffocysu ar ddatblygu sgiliau a gwybodaeth yn seiliedig ar arferion proffesiynol ar draws sbectrwm eang o gynyrchiadau technegol ac unedau perthnasol i’r diwydiant megis: cynhyrchu sain, cyfryngau rhyngweithiol, technegau cynhyrchu, cynhyrchu gweledol a phrosiect personol.
4 TGAU gradd D neu uwch (yn cynnwys Mathemateg a Saesneg neu Gymraeg Mamiaith) neu gymwysterau lefel 1 cyfatebol.
Asesir pob uned ar sail gofynion manylebau penodol y corff dyfarnu ac mae’n cynnwys cyfuniad o asesiad ymarferol, yn seiliedig ar brosiectau, a chynllunio, ymchwil, gwerthuso a myfyrio ysgrifenedig. Llunnir prosiectau i ffocysu ar ddatblygu sgiliau sy’n mynd i’r afael ag anghenion cyflogwyr y sector creadigol a’r diwydiant. Asesir pob uned yn fewnol a’i safoni’n allanol er mwyn sicrhau bod Safonau Cenedlaethol yn cael eu diwallu.
Gan adeiladu ar enw rhagorol Coleg Cymoedd fel darparwr arbenigol o gyrsiau sy’n datblygu sgiliau unigryw, mwyaf cyfredol y diwydiant, bydd dysgwyr yn gweithio ar brosiectau perthnasol i’r diwydiant sy’n eu paratoi a’u hannog i dargedu cyfleoedd gyrfaol a gynigir gan gyflogwyr y sector creadigol, yn cynnwys stiwdios Pinewood, stiwdios Bad Wolf a BBC Cymru/Wales. Bydd ehangu darpariaeth y Cyfryngau Creadigol yng Ngholeg y Cymoedd yn gwella’r dilyniant o Lefel 1 i’n cyrsiau arbenigol Lefel 3 Cynhyrchu Creadigol yn y Cyfryngau (Teledu a Ffilm) a chyrsiau Addysg Uwch, yn cynnwys ein Gradd Sylfaen mewn Celf a Dylunio Gemau a ryddfreiniwyd drwy Brifysgol De Cymru.
