Mae hwn yn gymhwyster perthnasol i alwedigaeth ac mae'n cynnwys yr holl elfennau angenrheidiol i ddatblygu eich sgiliau ymarferol. Mae'r pedair uned orfodol yn cynnwys y wybodaeth ymarferol a damcaniaethol sy'n ofynnol i ddarparu gwasanaethau pen dull Indiaidd a monitro a chynnal arferion iechyd a diogelwch yn y salon, i sicrhau bod pob triniaeth yn cael ei chynnal gydag iechyd a diogelwch yn flaenoriaeth. Mae'r ddwy uned orfodol sy'n weddill yn darparu'r sgiliau ehangach sydd eu hangen i fod yn therapydd llwyddiannus ym maes gofal cleientiaid a chyfathrebu mewn diwydiannau sy'n ymwneud â harddwch a hyrwyddo ac ar gyfer gwerthu cynnyrch a gwasanaethau. Mae'r ddwy uned hyn yn mynd i'r afael â'r angen am i therapydd llwyddiannus ddeall pwysigrwydd manwerthu a gofal am gleientiaid.

Bydd y cymhwyster hwn yn eich paratoi ar gyfer rôl fel therapydd tylino arbenigol yn y sector gwallt, harddwch neu therapi cyflenwol mewn amrywiaeth o gyd-destunau: - Clinig therapi cyflenwol - Salon harddwch - Salon gwallt - Lleoliadau annibynnol/symudol/yn y cartref - Sba dydd neu sba cyrchfan Bydd y cymhwyster VTCT hwn mewn Tylino Pen dull Indiaidd ar lefel 3 yn eich cymhwyso i ddod yn therapydd arbenigol tylino pen dull Indiaidd, gan ganiatáu i chi gasglu tystiolaeth mewn amgylchedd gwaith realistig neu real.