Byddwch yn astudio un deg naw o unedau/modiwlau ar draws y ddwy flynedd os byddwch yn symud ymlaen i gwrs Diploma Estynedig Lefel 3: Bydd y flwyddyn gyntaf yn cynnwys: Hanfodion gwyddoniaeth, Technegau ymarferol gwyddonol; Gwyddoniaeth amgylcheddol; Gwyddoniaeth planhigion a phridd; Cymwysiadau diwydiannol adweithiau cemegol; Ffisioleg systemau’r corff dynol; Newidiadau egni; a Mathemateg ar gyfer gwyddoniaeth
Ar gyfer Uwch Fagloriaeth Cymru byddwch yn ystyried ystod eang o feysydd gan gynnwys sut mae Cymru’n ‘ffitio i mewn’ gydag Ewrop a gweddill y byd, iechyd y genedl a sut i fod yn fentrus. Byddwch hefyd yn cwblhau Sgiliau Hanfodol Cyfathrebu, TGCh a Chymhwyso rhif.
Bydd angen 5 TGAU graddau A* - C gan gynnwys Saesneg, Mathemateg ac o leiaf un pwnc Gwyddonol, neu Ddiploma Lefel 2 BTEC mewn Gwyddoniaeth Gymhwysol ar lefel rhagoriaeth neu brofiad diweddar perthnasol.
Cewch eich gwahodd i gyfweliad ac asesir eich sgiliau llythrennedd a rhifedd er mwyn sefydlu a oes angen cymorth arnoch chi. Gellir ystyried ymgeiswyr sydd â’r profiad addas ond sydd ddim, o angenrhaid, yn cwrdd â’r gofynion academaidd.
Cewch eich asesu ymhob uned drwy gwblhau gwaith aseiniad a osodir, adroddiadau ar waith labordy a chwblhau aseiniad galwedigaethol. Bydd disgwyl i chi hefyd gynnal ffeiliau’ch cwrs a’ch portffolio Sgiliau Hanfodol i’r safon angenrheidiol.
Ar ôl cwblhau’r cwrs hwn yn llwyddiannus, bydd dysgwyr llwyddiannus yn gallu symud ymlaen i gwrs Diploma Estynedig lefel 3 BTEC mewn Gwyddoniaeth Gymhwysol. os ydych yn symud i gyflogaeth, mae cyfleoedd gyrfaol gwych fel tehcnegydd/hyfforddaui ym mhob maes gwyddonol.