Gwybodaeth am y Cwrs

Lluniwyd y cwrs hwn fel rhagarweiniad i’r sgiliau sydd eu hangen i weithio fel cogydd proffesiynol yn y diwydiant, sylfaen i yrfa ym mhroffesiwn cyffrous Lletygarwch gyda’i ffocws ar y cwsmer.

Byddwch yn elwa o amrywiaeth o weithgareddau a luniwyd i wireddu’ch potensial a’ch galluogi i ddefnyddio’ch sgiliau a’ch gwybodaeth i symud ymlaen i gymhwyster Lefel 2 mewn Lletygarwch ac Arlwyo. Yn y rhaglen hon byddwch hefyd yn astudio Sgiliau Hanfodol Cymru.

Beth ddylwn i ei ddysgu?

Byddwch yn astudio unedau a fydd yn adlewyrchu anghenion y diwydiant arlwyo tra’n eich paratoi ymhellach ar gyfer gyrfa o fewn y sector hwn.

Byddwch yn astudio: Agweddau sylfaenol lletygarwch, Safonau Cyflogaeth, Iechyd a diogelwch, Gwasanaeth Cwsmeriaid a Sgiliau Hanfodol Cyfathrebu a Chymhwyso Rhif a Thechnoleg Gwybodaeth.

Bydd ein cyrsiau Lletygarch ac Arlwyo yn rhoi’r sgiliau sydd eu hangen arnoch chi i lwyddo yn y diwydiant. Cewch brofiad uniongyrchol ac ymarferol o weithio yn ein ceginau proffesiynol a’n bwytai. Mae ein bwytai hyfforddi ar agor i’r cyhoedd a bydd hyn yn gyfle gwych i chi brofi gweithio yn y diwydiant. Pan ddaw hi’n amser i chi chwilio am waith cyflogedig, byddwch eisoes wedi cael profiad o weithio mewn amgylchedd proffesiynol.

Gofynion Mynediad

Bydd angen 3 TGAU graddau A*- E gan gynnwys Saesneg a Mathemateg neu gymhwyster cwrs sylfaen gan gynnwys Sgiliau Hanfodol Cyfathrebu a Chymhwyso Rhif ar Lefel 3 Mynediad.

Cewch eich gwahodd i gyfweliad. Yn ystod y cyfweliad hwn asesir eich sgiliau llythrennedd a rhifedd er mwyn sefydlu a oes angen unrhyw gymorth arnoch chi. Bydd eich cyfweliad y cynnwys cyflwyniad i’r cwrs. Mae angen gwisg berthnasol a’r offer perthnasol ar gyfer y cwrs hwn, bydd rhestr gyflawn o'r dillad y cael ei rhoi i chi.

Asesiad

Cewch eich asesu drwy ystod o ddulliau sy’n cynnwys asesu parhaus, arsylwi’ch gwaith ymarferol, cwblhau portffolio, tystiolaeth ddamcaniaethol a gwaith aseiniad. Byddwch yn sefyll arholiadau allanol a pharatoi portffolios Sgiliau Hanfodol.

Ymwadiad

Gwna Coleg y Cymoedd pob ymdrech i sicrhau bod y wybodaeth ar y wefan hon yn gywir ar adeg ei chyhoeddi. Mae Coleg y Cymoedd yn arddel yr hawl i wneud newidiadau neu dynnu'n ôl unrhyw un o'r cyrsiau, cyfleusterau cwrs neu gymorth a ddisgrifir heb rybudd .