Yn ôl

Staff a myfyrwyr yn uno i fynd i'r afael â newid yn yr hinsawdd

20/09/2019

Mae pobl ifanc ledled cymoedd de Cymru wedi ymuno â miloedd ledled y wlad i ddangos eu hymrwymiad i frwydro yn erbyn newid yn yr hinsawdd.

Ymgasglodd cannoedd o ddysgwyr, gweithwyr addysg ac aelodau undeb yng Ngholeg y Cymoedd ar bedwar campws y coleg i ddangos eu cefnogaeth i'r ymdrech fyd-eang i dorri allyriadau carbon 45% dros y degawd nesaf.

 

Yn y safiad coleg cyfan, a gynhaliwyd ar y cyd â'r Undeb Prifysgol a Choleg (UCU) ar draws ei champysau Ystrad Mynach, Aberdâr, y Rhondda a Nantgarw, daeth staff, myfyrwyr ac aelodau undeb i gyd ynghyd i gydnabod eu pryder am yr argyfwng hinsawdd a'u hymrwymiad i weithredu.

Daw hyn ar ôl i Lywodraeth Cymru ddatgan argyfwng hinsawdd yn ôl ym mis Ebrill, gan amlinellu ofnau bod newid yn yr hinsawdd yn bygwth iechyd, economi, seilwaith ac amgylchedd naturiol Cymru.

Dywedodd Lynsey Jenkins, Cynrychiolydd Amgylcheddol Coleg y Cymoedd UCU: “Mae effaith newid yn yr hinsawdd yn bellgyrhaeddol, ac mae gan bawb eu rôl i’w chwarae i helpu i osgoi effeithiau niweidiol cynhesu byd-eang. Mae gan ddarparwyr addysg ac undebwyr llafur yn benodol gyfrifoldeb i arwain y ffordd o ran arfer gorau amgylcheddol i helpu i lunio cymdeithas a diwallu anghenion cenedlaethau'r dyfodol a'r blaned.“

Mae angen adeiladu cysylltiadau pwysig rhwng pobl ifanc, y mudiad undebau llafur a gweithwyr addysg yn y frwydr i amddiffyn ein cymunedau rhag anhrefn hinsawdd. Mae undebwyr llafur y DU, ochr yn ochr â brwdfrydedd gweithredwyr ifanc, yn hanfodol i achub y blaned. ”

 

Yn unol â’i ymrwymiad i leihau allyriadau carbon, mae Coleg y Cymoedd yr wythnos hon wedi datgelu addewid y bydd, fel cymuned, yn cefnogi ymdrechion i fynd i’r afael â newid yn yr hinsawdd.

Mae'r coleg wedi cyhoeddi cynlluniau i weithredu ystod o fesurau ar draws ei gampysau gan gynnwys: gosod pwyntiau gwefr drydan, disodli cerbydau coleg â dewisiadau amgen trydan / hybrid a sefydlu cofrestr rhannu ceir.

Mae hefyd wedi addo ystyried canlyniadau amgylcheddol wrth ystyried contractau rheoli ynni a gwastraff yn y dyfodol, yn ogystal â chynnal a chadw adeiladau a thechnolegau newydd.

Dywedodd Karen Phillips, Pennaeth Coleg y Cymoedd: “Fel darparwr addysg allweddol, mae'n bwysig ein bod ni'n cefnogi ein dysgwyr yn ogystal â gwneud ymrwymiad i fynd i'r afael â heriau cynhesu byd-eang fel sefydliad.“

Rydym yn annog staff a dysgwyr i fynegi eu pryder am yr her hinsawdd fyd-eang ac i ddangos eu cefnogaeth i newid. Rydyn ni am iddyn nhw fod yn fwy ymwybodol o effaith newid yn yr hinsawdd a gwneud ymrwymiad personol i wneud gwahaniaeth eu hunain. Ar yr un pryd, fel coleg rydym yn sicrhau arfer gorau o ran rheoli ein hystadau ac ym mhob prosiect adeiladu yn y dyfodol. ”

Yn dilyn y cyhoeddiad hwn, mae'r coleg yn herio dysgwyr a staff i fabwysiadu arferion mwy gwyrdd ac mae wedi gweithio ar y cyd ag UCU i ddatblygu rhestr o argymhellion arfer gorau amgylcheddol i'w rhannu gyda'i gymuned, gan gynnwys peidio â defnyddio plastigau untro, arbed ynni a dŵr yn pob cyfle, cerdded a beicio, rhannu ceir a mabwysiadu dull o 'leihau, ailddefnyddio ac ailgylchu'.

Mae hyn yn dilyn llu o brosiectau adeiladu ecogyfeillgar a weithredwyd yn y coleg dros y deng mlynedd diwethaf gan gynnwys: cynaeafu dŵr glaw, celloedd ffotofoltäig, mesuryddion clyfar, toeau gwyrdd, cychod gwenyn a datblygu mannau gwyrdd ar gyfer addysgu.

Ychwanegodd Karen: “Rydyn ni'n falch iawn o'r gwaith rydyn ni wedi'i wneud hyd yma yng Ngholeg y Cymoedd ac rydyn ni wedi ymrwymo i barhau â'r ymdrechion hyn a gweithio gydag undebau llafur, dysgwyr a sefydliadau i wneud gwahaniaeth."

Staff a myfyrwyr yn uno i fynd i'r afael â newid yn yr hinsawdd

CYMRAEGENGLISH
callus

Ffonio

Os oes gwell gennych sgwrsio ar y ffôn, ffoniwch ni!

Ffonio

whatsapp

Facebook

Defnyddiwch Facebook Messenger i gysylltu â ni!

Facebook

LiveChat

Sgwrs fyw

Cewch ymateb ar unwaith drwy’r Sgwrs Fyw

Sgwrs fyw

Croeso i Coleg y Cymoedd

Dewiswch eich dewis iaith. Drwy ddefnyddio'r wefan hon, rydych yn cytuno i'n defnydd o gwcis.Cliciwch am ragor o fanylion.

Welcome to Coleg y Cymoedd

Please select your language option. By using this site you agree to our use of cookies. Click here for more information.