Cronfa Ariannol wrth Gefn (FCF)

Cefnogaeth

Mae’r Gronfa Ariannol wrth Gefn (FCF) ar gyfer dysgwyr mewn aelwyd incwm isel. Gallant fod mewn perygl o adael y coleg oherwydd anawsterau ariannol ac amgylchiadau heriol.

Darperir yr FCF i Goleg y Cymoedd gan Lywodraeth Cymru i gefnogi ein dysgwyr. Mae’n gyfyngedig ac yn amodol ar newid o dymor i dymor yn unol â lefel y cyllid y mae Coleg y Cymoedd yn ei dderbyn gan Lywodraeth Cymru bob blwyddyn.

Cymhwystra ar gyfer cymorth FCF

I gael eich ystyried ar gyfer FCF mae’n rhaid i chi fod:

Dros 16 oed
Ar gwrs llawn amser

Mae meini prawf pellach yn dibynnu ar a ydych yn hawlio am:

Gymorth prydau bwyd am ddim
Cymorth arall

Cymhwystra i gael cymorth prydau bwyd am ddim

I fod yn gymwys rhaid i chi fod yn:

16-18 oed
Byw mewn aelwyd ag incwm nad yw’n fwy na £16,190
Derbyn (chi neu’ch rhieni/gwarcheidwaid) budd-daliadau penodol.

Rhestr o fudd-daliadau cymwys ar gyfer FCF

Cymorth Incwm.
Lwfans Ceisio Gwaith yn seiliedig ar Incwm (JSA).
Lwfans Cymorth Cyflogaeth yn seiliedig ar incwm (ESA).
Credyd Pensiwn Gwarantedig.
Hawlwyr o dan Ran VI o Ddeddf Mewnfudo a Lloches 1999. Bydd angen dogfen ategol gan y DU neu Lywodraeth Leol neu Gerdyn Cofrestru Lloches ar Geiswyr Lloches hefyd.
Credyd Treth Plant heb Gredyd Treth Gwaith (£16,190 uchafswm incwm gros blynyddol). Bydd angen P60 arnoch ynghyd â chyfriflen banc am ddau fis yn olynol.
Credyd Treth Gwaith am gyfnod ychwanegol. Bydd angen P60 arnoch ynghyd â chyfriflen banc am ddau fis yn olynol.
Credyd Cynhwysol (uchafswm o £7,400 o incwm a enillir blynyddol).

Nid yw Taliad Annibyniaeth Bersonol (PIP) na Lwfans Byw i’r Anabl (DLA) yn gymwys.

Gall pobl ifanc sy’n derbyn y budd-daliadau hyn yn uniongyrchol, yn hytrach na thrwy riant neu warcheidwad, wneud cais hefyd.

Nid yw’r budd-daliadau hyn yn rhan o unrhyw brofi modd ac ni ddylid eu cynnwys mewn cyfrifiadau ar gyfer Credyd Treth Plant neu Gredyd Cynhwysol.

Cymhwystra ar gyfer cymorth arall

Rydych chi’n gymwys i gael elfen gymorth arall yr FCF cyhyd â’ch bod:

yn derbyn naill ai’r Lwfans Cynhaliaeth Addysgol (LCA) neu Grant Dysgwyr Llywodraeth Cymru.
wedi llofnodi eich cytundeb dysgwr.
yn ddysgwr llawn amser nad ydynt yn cael eu cefnogi gan yr AALl i fod yn gymwys i gael cymorth teithio.

Pa gostau y gall yr FCF helpu gyda nhw?

Os ydych chi’n bodloni’r meini prawf ac rydych chi’n 16-18 oed, gallwch gael help gyda phrydau am ddim a chostau eraill sy’n gysylltiedig â’ch dysgu.

Os ydych chi dros 18 oed, ni allwch hawlio am brydau bwyd, ond gallwch gael help gyda threuliau eraill o hyd.

Gall dysgwyr cymwys o unrhyw oedran gael help gyda:

Chostau teithio
Cost cit ac offer ar gyfer eu cwrs
Cost gwiriad DBS ar gyfer eich cwrs
Costau gofal plant i ddysgwyr â phlant

Cymorth teithio

Efallai y byddwch yn gallu cael tocyn bws, ad-daliad trên neu grant teithio os nad ydych eisoes yn cael eich cefnogi gan yr Awdurdod Addysg Lleol (AALl).

Rydyn ni’n cefnogi teithio cynaliadwy ac yn annog y defnydd o drafnidiaeth gyhoeddus lle bo hynny’n bosibl.

Cymorth cit

Gallwch hawlio cost llawn y cit yn ôl os ydych wedi cofrestru ar gwrs llawn amser. Mae’r cyrsiau’n cynnwys, ond heb fod yn gyfyngedig i, Gwallt a Harddwch, Arlwyo a Chwaraeon.

Cymorth DBS

Gallwch hawlio cost lawn gwiriad DBS yn ôl os oes angen un arnoch fel rhan o’ch cwrs.

Cymorth gofal plant

Bydd y Coleg yn talu hyd at uchafswm o £70 y dydd am eich ffioedd gofal plant.

Os ydych chi’n dewis darparwr gofal plant sy’n codi mwy na £70 y dydd, eich cyfrifoldeb chi yw talu unrhyw ffioedd ychwanegol uwchlaw’r terfyn hwnnw.
Nid yw’r Coleg yn talu ffioedd cadw neu wyliau, felly bydd angen i chi dalu’r rhain eich hun os yw’ch darparwr gofal plant yn codi tâl amdanynt.
Mae’r Coleg ond talu ffioedd am gyfnodau pan fyddwch wedi’ch marcio ar y gofrestr fel presennol.

Mae’r gyllideb ar gyfer cymorth gofal plant yn gyfyngedig ac yn cael ei ddyrannu ar sail y cyntaf i’r felin.

Nid yw’r Coleg yn derbyn unrhyw atebolrwydd am eich dewis o ddarparwr gofal plant, nac unrhyw atebolrwydd am y gofal a ddarperir gan eich darparwr gofal plant dewisol.

Eich cyfrifoldeb chi yw sicrhau eich bod yn fodlon â’ch darparwr gofal plant cyn ymrwymo i gytundeb cyfreithiol priodol gyda nhw.

Y broses ymgeisio

Gallwch wneud cais am FCF drwy fewngofnodi i’ch cyfrif dysgwr.

Os bydd eich cais yn llwyddiannus, byddwch yn derbyn e-bost o gymeradwyaeth gan Wasanaethau Dysgwyr yn cadarnhau’r math o gymorth y cytunwyd arno a chyfarwyddiadau ynghylch beth i’w wneud nesaf.

Darparu tystiolaeth

TEr mwyn cefnogi eich cais am brydau am ddim, efallai y bydd angen i chi ddarparu copi o’r dadansoddiad llawn o’r Credyd Cynhwysol, gan gynnwys enw a chyfeiriad y derbynnydd.

Rhaid i chi uwchlwytho eich tystiolaeth i’r ffurflen gais pan fyddwch yn gwneud cais. Os na wnewch chi, ni ellir prosesu eich cais.

Ar gyfer cymorth arall, cyn belled â’ch bod wedi llofnodi eich cytundeb dysgwr gyda’r coleg a’ch bod yn derbyn naill ai: