Cwrs CSSC Lean Six Sigma

Darparwr Hyfforddaint:
Creative Difference

Hyd y cwrs:
3 diwrnod

Corff Dyfarnu:
CSSC

Cyflenwi:
ar-lein dan arweiniad tiwtor

Cliciwch yma i wneud cais am gyllid Tata Steel

Trosolwg

Dechreuwch ar eich taith ym myd “Lean Six Sigma” gyda’r cwrs Gwregys “Yellow Belt” hwn sydd wedi’i ariannu’n llawn, ac wedi’i achredu gan y Cyngor Ardystio “Sigma Six (CSSC)”. Byddwch yn dysgu egwyddorion craidd gwella prosesau, datrys problemau a lleihau gwastraff—sylfaen delfrydol i weithwyr proffesiynol sy’n awyddus i wneud gwahaniaeth yn eu gweithle. Mae’r cwrs lefel mynediad hwn ar gyfer oedolion cyflogedig yng Nghymru sydd eisiau meithrin eu hyder mewn gwella prosesau gan ddefnyddio “Lean Six Sigma”. Mae’n berffaith ar gyfer gweithwyr proffesiynol ym mhob sector—gan gynnwys rhai ym maes gofal iechyd, gweithgynhyrchu, gwasanaethau cyhoeddus, logisteg a manwerthu—sy’n newydd i “Lean Six Sigma” neu sydd eisiau cefnogi prosiectau gwella fel rhan o dîm ehangach.

Beth fydda i’n ei ddysgu

Mae’r cwrs ymarferol hwn yn cyflwyno egwyddorion “Lean thinking” a thechnegau “Sigma Six” trwy adnoddau a chysyniadau byd go iawn. Mae’r pynciau’n cynnwys y canlynol:

Egwyddorion allweddol “Lean”, gan gynnwys Gwelliant Parhaus, 5S, a’r 7 “Wastes”
Cyflwyniad i fframwaith DMAIC (Diffinio, Mesur, Dadansoddi, Gwella, Rheoli)
Diffinio problemau prosesau yn glir
Casglu Llais y Cwsmer
Cyfrifo Cost Ansawdd Gwael (COPQ)
Cymhwyso Egwyddor Pareto i flaenoriaethu materion
Technegau sylfaenol dadansoddi graffigol
Hanfodion Dadansoddi Achosion “Root Cause”
Gweithredu a chynnal gwelliannau proses ar raddfa fach

Erbyn diwedd y cwrs, bydd cyfranogwyr yn deall y cysyniadau craidd sydd eu hangen i gefnogi mentrau gwella a chyfrannu’n effeithiol at brosiectau “Lean Six Sigma”.

Gwybodaeth allweddol

Meini prawf cymhwysedd ar gyfer cyllido

Oedran yn 19+
Yn byw yng Nghymru

+ un o’r canlynol

Yn gyflogedig (yn cynnwys contractau asiantaeth a rhai dim oriau), yn ennill llai na £34,303*
Hunan-gyflogedig, yn ennill llai na £34,303*
Gofalwr/Gofalwraig amser llawn, yn ennill llai na £34,303*
Carcharor yn cael ei ryddhau am y dydd

Gofynion Mynediad

Dim

Asesu

Arholiad ar-lein

Dilyniant gyrfa

Ar ôl cwblhau’r cwrs hwn yn llwyddiannus, byddwch yn ennill Ardystiad “Lean Six Sigma Yellow Belt”, wedi’i achredu gan y Cyngor Ardystio “Six Sigma (CSSC)” — cymhwyster a gydnabyddir yn fyd-eang sy’n profi eich dealltwriaeth o fethodolegau “Lean Six Sigma”. Mae’r ardystiad hwn yn gosod y sylfaen ar gyfer astudiaeth bellach ar lefelau Green Belt neu Black Belt ac yn galluogi’r dysgwyr i wneud cyfranogiad gweithredol o fewn timau gwella.

Caiff dyddiadau’r cwrs eu trafod yn uniongyrchol gyda’r darparwr hyfforddiant ar ôl cwblhau’r cais am gyllid yn llwyddiannus. Efallai na fydd unrhyw ddyddiadau cwrs a drefnwyd gyda’r darparwr hyfforddiant cyn i chi sicrhau cyllid, yn cael eu hanrhydeddu – Dim ond ar ôl i’r cyllid gael ei gymeradwyo y bydd dyddiadau’r cwrs yn cael eu cadarnhau.

Darparwr Hyfforddaint:
Creative Difference

Hyd y cwrs:
5 Gweithdy sydd fel arfer yn cael eu cyflenwi ddwy waith y mis.

Corff Dyfarnu:
CSSC

Cyflenwi:
ar-lein dan arweiniad tiwtor

Cychwynnwch ar eich cais am gyllid

Cliciwch yma i wneud cais am gyllid Tata Steel

Trosolwg

Datblygwch eich sgiliau gwella prosesau gyda’r cwrs “Lean Six Sigma Green Belt” hwn, sydd wedi’i ariannu’n llawn ac sy’n cael ei gydnabod gan y diwydiant. Wedi’i achredu gan y Cyngor Ardystio Six Sigma (CSSC), mae’r cwrs hwn yn eich paratoi i arwain prosiectau gwella sy’n seiliedig ar ddata sy’n darparu canlyniadau mesuradwy a newid cynaliadwy.

Mae’r cwrs hwn wedi’i gynllunio ar gyfer oedolion cyflogedig yng Nghymru sydd eisiau datblygu’r gallu i arwain neu gefnogi prosiectau gwella o fewn eu sefydliad. Mae’n ddelfrydol ar gyfer gweithwyr proffesiynol, mewn sectorau fel gweithgynhyrchu, gofal iechyd, gwasanaethau cyhoeddus, logisteg a manwerthu, sy’n awyddus i wella prosesau, lleihau gwastraff a gwella perfformiad gan ddefnyddio methodolegau “Lean Six Sigma” strwythuredig.

Beth fydda i’n ei ddysgu

Bydd y cwrs “Green Belt” hwn yn dyfnhau eich dealltwriaeth o “Lean Six Sigma” trwy bum cyfnod DMAIC (Diffinio, Mesur, Dadansoddi, Gwella, Rheoli):

Cyfnod Diffinio: Dysgu sut i fynegi’r datganiad problem, datblygu siarter prosiect, defnyddio diagramau SIPOC, a chasglu Llais y Cwsmer i alinio ymdrechion gwella ag anghenion busnes. Byddwch hefyd yn archwilio technegau dewis prosiectau strategol ac ymgysylltu â rhanddeiliaid.
Cyfnod Mesur: Deall gwerth data o ansawdd. Dysgu sut i ddynodi ffactorau hanfodol i ansawdd, dylunio cynlluniau casglu data, a gwerthuso systemau mesur gan ddefnyddio astudiaethau Gauge R&R. Byddwch yn defnyddio adnoddau fel histogramau, siartiau rheoli, a phlotiau gwasgariad i asesu gallu a pherfformiad y prosesau.
Cyfnod Dadansoddi: Dynodi achosion sylfaenol gan ddefnyddio diagramau ‘fishbone’ a’r dechneg ‘5 Whys’. Dysgu dulliau adeiladu consensws a dilysu canfyddiadau gyda dulliau ystadegol gan gynnwys plotiau bocs, atchweliad, cydberthynas, a phrofi damcaniaethau.
Cyfnod Gwella: Cynhyrchu a blaenoriaethu atebion gan ddefnyddio trafod syniadau, Dadansoddiad Maes Grym, Matrics Pugh, dadansoddiad cost-budd a FMEA. Dysgu sut i brofi a chynnal peilot ar wneud gwelliannau cyn eu gweithredu’n llawn.

Cyfnod Rheoli: Datblygu a gweithredu cynlluniau rheoli, gweithdrefnau gweithredu safonol, ac adnoddau monitro fel siartiau rheoli. Byddwch hefyd yn canolbwyntio ar gynnal gwelliannau ac ymgorffori gwelliant parhaus mewn gweithrediadau dyddiol.

Gwybodaeth allweddol

Meini prawf cymhwysedd ar gyfer cyllido

Oedran yn 19+
Yn byw yng Nghymru

+ un o’r canlynol

Yn gyflogedig (yn cynnwys contractau asiantaeth a rhai dim oriau), yn ennill llai na £34,303*
Hunan-gyflogedig, yn ennill llai na £34,303*
Gofalwr/Gofalwraig amser llawn, yn ennill llai na £34,303*
Carcharor yn cael ei ryddhau am y dydd

Gofynion Mynediad

Yn ddelfrydol, bydd cyfranogwyr wedi cwblhau cwrs “Lean Six Sigma Yellow Belt” cyn cofrestru. Mae hyn yn sicrhau dealltwriaeth sylfaenol gadarn o gysyniadau “Lean Six Sigma” ac yn caniatáu dysgu mwy datblygedig yn ystod y rhaglen “Green Belt”.

Asesu

Arholiad ar-lein

Dilyniant gyrfa

 Ar ôl cwblhau’r cwrs hwn yn llwyddiannus, byddwch yn ennill Ardystiad “Lean Six Sigma Green Belt”, wedi’i achredu gan y Cyngor Ardystio “Six Sigma” (CSSC) — cymhwyster a gydnabyddir yn fyd-eang sy’n profi eich dealltwriaeth o fethodolegau “Lean Six Sigma”. Gall hyn gefnogi datblygiad gyrfa i swyddi sy’n canolbwyntio ar welliant parhaus, gweithrediadau a rheoli ansawdd.

Darparwr Hyfforddaint:
Creative Difference

Hyd y cwrs:
10 Gweithdy + Gwaith Prosiect. Cynhelir dau weithdy bob mis fel arfer.

Corff Dyfarnu:
CSSC

Cyflenwi:
ar-lein dan arweiniad tiwtor

Cychwynnwch ar eich cais am gyllid

Cliciwch yma i wneud cais am gyllid Tata Steel

Trosolwg

Dyrchafwch eich arbenigedd Lean Six Sigma i’r lefel nesaf gyda’r hyfforddiant “Gwregys Du/Black Belt” uwch hwn, sydd wedi’i ariannu’n llawn. Wedi’i achredu gan y Cyngor Ardystio “Six Sigma” (CSSC), mae’r cwrs hwn yn rhoi’r sgiliau strategol, dadansoddol ac arweinyddiaeth sydd eu hangen ar weithwyr proffesiynol profiadol i arwain mentrau gwella cymhleth ar draws unrhyw ddiwydiant. Mae’r cwrs hwn wedi’i gynllunio ar gyfer oedolion cyflogedig yng Nghymru sydd mewn rôl lle gallan nhw arwain prosiectau gwella uwch ar draws y sefydliad. Mae’n ddelfrydol ar gyfer gweithwyr proffesiynol mewn sectorau fel gweithgynhyrchu, gofal iechyd, logisteg, manwerthu a gwasanaethau cyhoeddus sy’n gyfrifol am ysgogi newid a gwelliannau perfformiad.

Beth fydda i’n ei ddysgu

Byddwch yn symud ymlaen trwy fframwaith DMAIC gyda phecyn cymorth cynhwysfawr:
Cyfnod Diffinio: Dysgu sut i fynegi datganiadau problem, mapio prosesau gan ddefnyddio diagramau SIPOC, a chasglu Llais y Cwsmer. Byddwch yn datblygu siarteri prosiect, yn dewis prosiectau’n strategol, ac yn cynllunio’n fanwl ac yn defnyddio offer cyfathrebu i ymglymu â rhanddeiliaid, gan ddefnyddio technegau uwch fel Mapio Llif Gwerth (Value Stream Mapping), SWOT, PESTLE, a modelau datblygu tîm (Belbin, Tuckman, Adair).
Cyfnod Mesur: Deall data ansawdd, dynodi CTQs, asesu cost ansawdd gwael, a chymhwyso gwerthusiadau system mapio prosesau a mesur (Gauge R&R). Defnyddio offer ystadegol a meddalwedd Minitab ar gyfer Dadansoddi Gallu (Capability) a dilysu data.
Cyfnod Dadansoddi: Datgelu achosion sylfaenol gan ddefnyddio diagramau Ishikawa a “5 Whys”. Dilysu achosion gan ddefnyddio plotiau blwch, atchweliad, cydberthynas, a phrofi damcaniaethau. Bydd y sgiliau pellach yn cynnwys Dylunio Arbrofion (DOE) a dadansoddeg uwch yn Minitab.
Cyfnod Gwella: Gwella eich arweinyddiaeth gyda sgiliau mewn trafod syniadau, rheoli gwrthdaro, adnoddau gwneud penderfyniadau (Dadansoddi Maes Grym/ Force Field Analysis, Matrics Pugh Matrix), a Mapio Cyflwr y Dyfodol/ Future State ar gyfer prosesau wedi’u optimeiddio.
Cyfnod Rheoli: Dysgu sut i weithredu systemau monitro cadarn, mentora timau, cymhwyso technegau gwella cynaliadwy uwch, a mewnosod “SOPs” ar gyfer llwyddiant parhaol.

Gwybodaeth allweddol

Meini prawf cymhwysedd ar gyfer cyllido

Oedran yn 19+
Yn byw yng Nghymru

+ un o’r canlynol

Yn gyflogedig (yn cynnwys contractau asiantaeth a rhai dim oriau), yn ennill llai na £34,303*
Hunan-gyflogedig, yn ennill llai na £34,303*
Gofalwr/Gofalwraig amser llawn, yn ennill llai na £34,303*
Carcharor yn cael ei ryddhau am y dydd

Gofynion Mynediad

Dylai cyfranogwyr fod mewn sefyllfa i arwain a chyflawni prosiect gwelliant sylweddol o fewn eu sefydliad. ‘Does dim angen ardystiad “Lean Six Sigma” ymlaen llaw, ond mae’n hanfodol cael dealltwriaeth gref o brosesau busnes a pharodrwydd i ysgwyddo cyfrifoldeb strategol.

Asesu

Bydd yr asesiad yn cynnwys cyflwyniad llwyddiannus ar gyflawni prosiect ac arholiad ar-lein.

Dilyniant gyrfa

Ar ôl cwblhau’r cwrs hwn yn llwyddiannus, byddwch yn ennill Ardystiad “Lean Six Sigma Black Belt”, wedi’i achredu gan y Cyngor Ardystio “Council for Six Sigma Certification (CSSC)” — cymhwyster a gydnabyddir yn fyd-eang sy’n profi eich dealltwriaeth o fethodolegau “Lean Six Sigma”. Gall yr ardystiad hwn arwain at rolau uwch mewn rheoli ansawdd, gwella prosesau, gweithrediadau a strategaeth fusnes ar draws amrediad o ddiwydiannau.