Pam Hyfforddi ac Astudio gyda ni?

Fel y coleg cyntaf yng Nghymru i gynnig academi bêl-droed amser llawn i fenywod, ynghyd ag addysg amser llawn, rydyn ni’n ymfalchïo mewn darparu darpariaeth o ansawdd uchel i’n holl ddysgwyr – os oes gennych angerdd am bêl-droed, yna gallai academi fod yn berffaith ar eich cyfer chi.

Fel rhan o’n Hacademi Pêl-droed Menywod, rydyn ni’n cynnig cyfleoedd i astudio cymwysterau BTEC mewn Chwaraeon neu Safon Uwch – a bydd y ddau yn eich galluogi i ddatblygu’r wybodaeth a’r arbenigedd sydd eu hangen arnoch i symud ymlaen i’r lefel nesaf, boed hynny o fewn gyrfa ddewisol neu lleoliad addysg.

Dyma rai elfennau allweddol sy’n gwneud ein rhaglen yn unigryw:

– 2-3 sesiwn hyfforddi yr wythnos

 – Rhaglen gynghrair a chystadlaethau cwpan cystadleuol

– Sesiynau 1-1 ar gyfer datblygu chwaraewyr unigol

– Rhaglen Cryfder a Chyflyru Unigol

– Hyfforddiant Datblygiad Gwybyddol drwy Rezzil

– Staff hyfforddi cymwys sy’n ymroddedig i ddatblygu pêl-droedwyr benywaidd

– Dadansoddiad Fideo Manwl gyda staff hyfforddi arbenigol

– Teithiau yn y DU a Thramor yn herio eich galluoedd ac yn datblygu sgiliau gwaith tîm ac arweinyddiaeth

Mae ein cyfleusterau gwych yn ein galluogi i greu’r amgylchedd gorau posibl ar gyfer eich datblygiad, gan gynnwys:

– Cyfleusterau hyfforddi/chwarae pob tywydd ardderchog

– Campfa Perfformiad Uchel

– Mynediad i glinigau anafiadau a thylino chwaraeon

Timau

Ar hyn o bryd mae gennym 2 dîm sy’n chwarae yng Nghynghreiriau Colegau Lloegr AOC ECFA – Categori 1 a’r Gynghrair Datblygu.

Mae ein carfan Categori 1 ECFA yn cystadlu gyda’r gynghrair Categori 1, sef y lefel uchaf yn System cynghrair Colegau Lloegr. Mae hwn yn fwy o amgylchedd sy’n cael ei yrru gan berfformiad uchel, lle mae chwaraewyr yn cael eu gwthio’n gyson i lefel nesaf eu gêm ac yn cystadlu yn erbyn chwaraewyr o ansawdd uwch.

Mae ein carfan Cynghrair Datblygu yn cynnwys chwaraewyr sy’n edrych i ddatblygu eu hunain a hyfforddi heb bwysau. Yn gyffredinol, mae’r rhain yn unigolion sy’n angerddol am gêm ond nad ydyn nhw’n chwilio am yrfa mewn pêl-droed ac yn chwarae er mwynhad pur.

Ochr yn ochr â gemau cynghrair, mae yna hefyd 3 Chystadleuaeth Cwpan y mae ein timau yn cymryd rhan ynddynt. Mae gemau’n cael eu chwarae ar ddydd Mercher.