ReACT
Gall ReAct+ eich helpu i ddychwelyd i gyflogaeth cyn gynted â phosibl ar ôl diswyddo. Mae’r cynllun yn rhan o Warant Pobl Ifanc Llywodraeth Cymru.
Sut all ReAct+ helpu?
Byddwch yn cael pecyn o gymorth wedi’i deilwra i helpu i gael gwared ar y rhwystrau i gyflogaeth. Gallai hyn gynnwys:
- Cymorth ariannol.
- Hyfforddiant sgiliau.
- Cymorth datblygiad personol.
- Cymorth gydag iechyd meddwl, magu hyder, sgiliau iaith a mwy.
Cymorth ariannol gan ReAct+
Yn dibynnu ar eich amgylchiadau, efallai y byddwch yn gallu hawlio:
- Hyd at £1,500 am gost hyfforddiant.
- Hyd at £2,100 i helpu i dalu costau gofal plant a gofal tra byddwch mewn hyfforddiant.
- Hyd at £200 o gymorth ychwanegol tuag at gostau eraill sy’n gysylltiedig â hyfforddiant, fel teithio a llety.
I ddarganfod yn union sut y gall ReAct+ eich helpu, bydd angen i chi drefnu apwyntiad gyda Gyrfa Cymru.
Cymhwystra ar gyfer cymorth ReAct+
I fod yn gymwys i gael cymorth ReAct+, rhaid i chi fod yn:
- 20+ oed.
- Preswylydd yng Nghymru sydd â’r hawl i fyw a gweithio yn y DU.
Rhaid i chi hefyd fodloni un o’r meini prawf canlynol:
- Rydych o dan rybudd ffurfiol o ddiswyddo.
- Rydych wedi cael eich diswyddo o fewn y chwe mis diwethaf.
- Rydych chi’n gyn-droseddwr neu’n droseddwr sy’n cwblhau dedfryd gymunedol.
ReAct+ ar gyfer cyflogwyr
Fel cyflogwr, gallwch hawlio cymorth gyda chyflogau a hyfforddiant sy’n gysylltiedig â swydd i ddarpar weithiwr o dan y cynllun ReAct+.
Gallech hawlio hyd at £4,000 tuag at gyflog y gweithiwr yn eu blwyddyn gyntaf yn gweithio i chi.
I fod yn gymwys i gael y cymorth i’ch darpar weithiwr:
- Rhaid i’r gweithiwr fod wedi bod allan o waith am o leiaf chwe wythnos pan fyddant yn gwneud cais i chi.
- Ni all y gweithiwr weithio i chi tan bod y cymorth wedi’i gymeradwyo.
Gall darpar gyflogwyr ReAct+ gysylltu â Busnes Cymru ar 03000 6 03000 i gael gwybod rhagor, neu gysylltu â thîm Partneriaethau Coleg y Cymoedd i weld sut y gallwn eich cefnogi gyda hyfforddiant gweithwyr.
Aberdâr
Stryd Wellington
Aberdâr
Rhondda Cynon Taf
CF44 8EN
Nantgarw
Heol y Coleg
Parc Nantgarw
Caerdydd
CF15 7QY
Rhondda
Llwynypia
Tonypandy
Rhondda Cynon Taf
CF40 2TQ
Ystrad Mynach
Heol y Twyn
Ystrad Mynach
Hengoed
CF82 7XR
