Hysbysiad Preifatrwydd

Rydyn ni’n amddiffyn eich gwybodaeth bersonol ac yn parchu eich hawliau preifatrwydd.

Rydyn ni’n casglu gwybodaeth pan fyddwch chi’n ymgeisio, yn ymrestru, neu’n defnyddio ein gwasanaethau
Rydyn ni’n defnyddio eich gwybodaeth i ddarparu addysg, i gefnogi eich dysgu, ac i fodloni gofynion cyfreithiol
Rydyn ni’n rhannu rhywfaint o wybodaeth gydag adrannau’r llywodraeth ac asiantaethau cymorth i’ch helpu chi i lwyddo
Mae gennych hawliau gan gynnwys i gael mynediad at eich gwybodaeth, i gywiro gwallau, ac i wneud cwynion
Rydyn ni’n cadw gwybodaeth yn ddiogel gan ddefnyddio mesurau diogelwch modern a staff sydd wedi’u hyfforddi
Cwestiynau? Cysylltwch â’n Swyddog Diogelu Data: data-protection@cymoedd.ac.uk

Ar gyfer dysgwyr o dan 18 oed: Mae gennych chi’r un hawliau preifatrwydd â dysgwyr sy’n oedolion. Efallai y byddwn ni’n cysylltu â’ch rhieni/gofalwyr os byddwch chi’n rhoi caniatâd i ni wneud hynny neu os oes risg ddiogelu. ganfyddedig.

Lawrlwythwch a darllenwch yr Hysbysiad Preifatrwydd llawn ar y dudalen Polisïau a dogfennau.

.

Neidiwch i…

Dechrau Arni
Y wybodaeth rydyn ni’n ei chasglu
Sut rydyn ni’n defnyddio eich gwybodaeth
Rhannu eich gwybodaeth
Preifatrwydd
Gwybodaeth dechnegol

Dechrau Arni

Pwy mae’r polisi hwn yn berthnasol iddynt

Mae’r polisi hwn yn egluro sut mae Coleg y Cymoedd yn ymdrin â gwybodaeth bersonol:

Dysgwyr presennol a darpar ddysgwyr (gan gynnwys prentisiaid a dysgwyr cyrsiau sy’n seiliedig ar waith)
Rhieni a gofalwyr (pan fydd dysgwyr wedi rhoi caniatâd)
Ymwelwyr â’r wefan ac unrhyw un sy’n defnyddio ein gwasanaethau digidol
Defnyddwyr o’r gymuned sy’n defnyddio cyfleusterau neu wasanaethau’r coleg

Beth mae “rheolydd data” yn ei olygu: Ni sy’n penderfynu sut a pham mae eich gwybodaeth bersonol yn cael ei defnyddio. Ystyriwch ni fel y sefydliad sy’n gyfrifol am gadw eich gwybodaeth yn ddiogel ac am ei defnyddio’n gywir.

Nodyn pwysig am raglenni a ariennir gan Lywodraeth Cymru: Os ydych chi’n astudio rhaglen a ariennir gan Lywodraeth Cymru, yna Llywodraeth Cymru sy’n gweithredu fel y rheolydd data ar gyfer rhywfaint o’ch gwybodaeth drwy Gofnod Dysgu Gydol Oes Cymru (LLWR) o 1 Awst 2024 tan 1 Ebrill 2026. O fis Ebrill 2026 ymlaen, Medr (Comisiwn Addysg Drydyddol ac Ymchwil Cymru) fydd yn prosesu data yn ymwneud â phrentisiaethau, addysg bellach, neu ddysgu cymunedol i oedolion ar ran Llywodraeth Cymru.

Ein haddewid gyfreithiol: Rydyn ni’n trin eich gwybodaeth yn deg, yn ddiogel, ac yn dilyn pob cyfraith diogelu data.

Cipolwg ar eich hawliau

O dan gyfraith diogelu data y Deyrnas Unedig, mae gennych yr hawliau canlynol:

Eich hawl	Beth mae hyn yn ei olygu	Sut i’w defnyddio
Mynediad	Cael copi o’r wybodaeth sydd gennym amdanoch chi	Anfon e-bost aton ni gyda phrawf o’ch hunaniaeth
Cywiro	Cywiro gwallau yn eich gwybodaeth	Cysylltu â’r Gwasanaethau Dysgwyr, anfon e-bost
Dileu	Gofyn i ni ddileu eich gwybodaeth (mewn rhai sefyllfaoedd)	Anfon e-bost aton ni yn esbonio pam
Gwrthwynebu	Gwrthwynebu’r modd rydyn ni’n defnyddio eich gwybodaeth	Anfon e-bost aton ni gyda’ch pryderon
Cyfyngu	Cyfyngu ar sut rydyn ni’n defnyddio eich gwybodaeth	Anfon e-bost aton ni yn esbonio beth hoffech chi ei gyfyngu
Cwyno	Cwyno wrth y rheoleiddiwr diogelu data	Cysylltu â Swyddfa’r Comisiynydd Gwybodaeth yn uniongyrchol neu drwyddon ni

Mae’r rhan fwyaf o geisiadau am ddim, a byddwn ni’n ymateb o fewn mis.

Cysylltiadau allweddol

Contact	Details	When to use
Swyddog Diogelu Data	Karen Workman data-protection@cymoedd.ac.uk Heol y Twyn, Ystrad Mynach, Hengoed, CF82 7XR	Cwestiynau preifatrwydd, ceisiadau am ddata, cwynion
Gwasanaethau Dysgwyr a Champws	enquiries@cymoedd.ac.uk	Ymholiadau cyffredinol, cywiriadau syml
Swyddfa’r Comisiynydd Gwybodaeth	ico.org.uk 0303 123 1113	Cwynion allanol

Rhif cofrestru: Z7228714

Amser ymateb: We aim to respond to all queries within 3 working days.

Y wybodaeth rydyn ni’n ei chasglu

Pan fyddwch chi’n ymgeisio neu’n ymrestru

Y wybodaeth sylfaenol sydd ei hangen arnon ni:

Enw, cyfeiriad, a manylion cyswllt
Dyddiad geni a rhywedd
Gwybodaeth hunaniaeth genedlaethol (i gadarnhau eich bod yn gymwys i gael cyllid)
Addysg a chymwysterau blaenorol
Manylion cyswllt mewn argyfwng

Gwybodaeth ychwanegol sy’n ein helpu ni i’ch cefnogi chi:

Anabledd neu anghenion cymorth dysgu (e.e., cymorth dyslecsia, mynediad ar gyfer cadair olwyn)
Cyflyrau iechyd a allai effeithio ar eich astudiaethau (e.e., diabetes, gorbryder)
Amgylchiadau ariannol (ar gyfer grantiau a chyllid y Gronfa Ariannol wrth Gefn)
Cefndir ethnig (i’n helpu i sicrhau mynediad teg)
Statws cyflogaeth a nodau gyrfa

Sail gyfreithiol:

Mae’r rhan fwyaf o wybodaeth yn ofynnol yn ôl y gyfraith neu’n angenrheidiol er mwyn i chi ymrestru (Erthygl 6(1)(b) a 6(1)(c) GDPR y Deyrnas Unedig)
Ar gyfer rhaglenni a ariennir gan Lywodraeth Cymru, rydyn ni’n prosesu eich data o dan Erthygl 6(1)(e) GDPR y Deyrnas Unedig (tasg gyhoeddus)
Caiff gwybodaeth categori arbennig (ethnigrwydd, anabledd, iechyd) ei phrosesu o dan Erthygl 9(2)(g) (budd sylweddol y cyhoedd) ac Erthygl 9(2)(j) (dibenion ystadegol) GDPR y Deyrnas Unedig

Pam rydyn ni’n gofyn: Mae hyn yn ein helpu ni i wneud y canlynol:

Darparu’r cymorth cywir ar gyfer eich dysgu
Bodloni ein dyletswyddau cyfreithiol i fonitro cydraddoldeb
Sicrhau eich bod yn cael eich ariannu’n briodol
Eich cadw’n ddiogel ar y campws
Cydymffurfio â gofynion ariannu Llywodraeth Cymru drwy Gofnod Dysgu Gydol Oes Cymru (LLWR)

Eich dewis chi: Rydyn ni’n nodi’n glir beth sy’n ddewisol a beth sy’n ofynnol

Yn ystod eich astudiaethau

Gwybodaeth academaidd:

Presenoldeb a chynnydd ar y cwrs
Canlyniadau asesu ac adborth
Cymorth dysgu a ddarperir
Materion disgyblu (os yw hynny’n berthnasol)

Gwasanaethau cymorth:

Cwnsela neu gymorth llesiant a gafwyd
Cymorth ariannol a gafwyd
Arweiniad gyrfa a gafwyd
Cymorth dysgu ychwanegol

Monitro diogelwch ar-lein:

Gweithgarwch rhyngrwyd ar ddyfeisiau dysgwyr gan ddefnyddio meddalwedd monitro Smoothwall
Gwefannau a thermau chwilio a ddefnyddiwyd ar ddyfeisiau sy’n cael eu darparu neu eu rheoli gan y coleg
Rhybuddion ac adroddiadau diogelwch ar-lein at ddibenion diogelu
Amser a dyddiad gweithgarwch ar-lein ar ddyfeisiau’r dysgwyr

Pam rydyn ni’n casglu hyn: I gefnogi eich dysgu, tracio eich cynnydd, darparu cymorth priodol, a bodloni ein rhwymedigaethau cyfreithiol fel darparwr addysg a gofynion ariannu Llywodraeth Cymru.

Prosesau ymchwilio a chwyno

Lluniau CCTV:

Recordiadau fideo o safle’r coleg ar gyfer diogelwch
Recordiadau sain lle mae caniatâd cyfreithiol ac arwyddion clir
Adnabod platiau rhif ceir yn awtomatig mewn meysydd parcio

Cymryd nodiadau gyda chymorth deallusrwydd artiffisial yn ystod ymchwiliadau:

Trawsgrifiad digidol o gyfarfodydd a chyfweliadau yn ystod ymchwiliadau
Crynodebau deallusrwydd artiffisial o bwyntiau allweddol a chamau gweithredu
Nodi themâu a phatrymau mewn cwynion yn awtomatig

Cofnodion ymchwiliadau:

Cwynion ffurfiol a’u canlyniadau
Achosion disgyblu a thystiolaeth
Datganiadau gan dystion a dogfennau i gefnogi
Asesiadau risg a mesurau diogelwch

Sail gyfreithiol: Rydyn ni’n prosesu’r wybodaeth hon er mwyn:

Ymchwilio i gwynion yn deg ac yn drylwyr
Sicrhau diogelwch ar y campws
Amddiffyn holl aelodau ein cymuned
Bodloni rhwymedigaethau cyfreithiol ar gyfer diogelu
Dysgu a gwella ein gwasanaethau

Ein hymrwymiadau deallusrwydd artiffisial moesegol

Principle	What we do	Your benefit
Trosolwg gan bobl	Mae’r holl gynnwys deallusrwydd artiffisial yn cael ei adolygu gan staff sydd wedi’u hyfforddi	Cywirdeb a thegwch
Canolbwyntio ar gywirdeb	Profi a diweddaru systemau deallusrwydd artiffisial yn rheolaidd	Cofnodion dibynadwy
Mynediad cyfyngedig	Dim ond staff ymchwilio awdurdodedig	Diogelu preifatrwydd
Storio diogel	Amgryptio a storio ddiogel	Diogelwch data
Cadw am gyfnod penodol	Dileu pan nad oes eu hangen	Storio llai o ddata
Tryloywder	Rhoi gwybod bob amser pan fydd CCTV/deallusrwydd artiffisial yn cael eu defnyddio	Dim gwyliadwriaeth gudd

Pwysig: Byddwch chi bob amser yn gwybod os bydd lluniau CCTV neu nodiadau deallusrwydd artiffisial yn cael eu defnyddio mewn unrhyw broses sy’n eich cynnwys chi.

Y wefan a gwasanaethau digidol

Pan fyddwch chi’n ymweld â’n gwefan ni:

Y tudalennau rydych chi’n mynd arnyn nhw a’r amser rydych chi’n ei dreulio yno
Y math o ddyfais a phorwr rydych chi’n ei ddefnyddio
Lleoliad cyffredinol (gwlad / rhanbarth)
Sut daethoch chi o hyd i’n gwefan

Pan fyddwch chi’n defnyddio ein gwasanaethau ar-lein:

Gwybodaeth mewngofnodi a gweithgarwch
Deunyddiau cwrs a agorwyd
Trafodaethau ar-lein a chyfraniadau

Pam rydyn ni’n casglu hyn: I wella ein gwefan, amddiffyn yn erbyn bygythiadau diogelwch, a chynnig gwasanaethau gwell ar-lein.

Sut rydyn ni’n defnyddio eich gwybodaeth

Cefnogi eich dysgu

Cyflwyno a rheoli cyrsiau:

Eich ymrestru ar gyrsiau
Tracio presenoldeb a chynnydd
Rhoi adborth ac asesu
Trefnu lleoliadau gwaith neu brentisiaethau

Cymorth i fyfyrwyr:

Nodi a darparu cymorth dysgu
Mesurau iechyd a diogelwch
Cymorth ac arweiniad ariannol
Cyngor gyrfa a chynnydd

Gwella ansawdd:

Dadansoddi effeithiolrwydd cyrsiau
Arolygon boddhad dysgwyr
Tracio cyrchfannau dysgwyr

Gofynion cyfreithiol

Adrodd i’r llywodraeth:

Niferoedd a demograffeg dysgwyr
Cyfraddau cwblhau cyrsiau
Canlyniadau cyflogaeth
Monitro cydraddoldeb ac amrywiaeth
Cyflwyniadau Cofnod Dysgu Gydol Oes Cymru (LLWR) ar gyfer rhaglenni a ariennir gan Lywodraeth Cymru

Cydymffurfiaeth ariannu:

Dilysu cymhwysedd
Monitro presenoldeb
Adrodd ar ganlyniadau
Gofynion archwilio

Diogelu:

Diogelu dysgwyr rhag niwed
Rhwymedigaethau dyletswydd atal
Cefnogi dysgwyr sy’n agored i niwed
Ymchwilio i ddigwyddiadau diogelwch gan ddefnyddio lluniau CCTV
Monitro diogelwch ar y campws ac atal troseddau
Monitro gweithgarwch ar-lein ar ddyfeisiau dysgwyr gan ddefnyddio Smoothwall i nodi pryderon diogelu a sicrhau diogelwch y dysgwyr

Ymchwiliadau a datrys cwynion:

Ymchwiliadau teg a thrylwyr i gwynion a phryderon
Achosion disgyblu gyda chofnodion cywir
Defnyddio lluniau CCTV i sefydlu ffeithiau a sicrhau diogelwch
Nodiadau gyda chymorth deallusrwydd artiffisial i greu cofnodion ymchwilio dibynadwy
Dadansoddi patrymau i nodi a mynd i’r afael â phroblemau systemig

Gwella ein gwasanaethau

Ymchwil a dadansoddi:

Deall anghenion dysgwyr
Gwella dulliau addysgu
Datblygu cyrsiau newydd
Cynllunio campysau

Mae’r holl ymchwil yn defnyddio gwybodaeth ddienw pan fo hynny’n bosib.

Rhannu eich gwybodaeth

Y llywodraeth a chyrff ariannu

Llywodraeth Cymru:

Cofnodion dysgwyr ar gyfer Cofnod Dysgu Gydol Oes Cymru (LLWR) ar gyfer yr holl raglenni a ariennir gan Lywodraeth Cymru
Data ariannu a pherfformiad
Gwybodaeth ystadegol ar gyfer datblygu polisi
Nodyn: Llywodraeth Cymru yw’r rheolydd data ar gyfer data LLWR o 1 Awst 2024 hyd at 1 Ebrill 2026. Wedi hynny, bydd Medr yn cymryd y cyfrifoldebau prosesu.

Asiantaethau Llywodraeth y Deyrnas Unedig:

Y Cwmni Benthyciadau Myfyrwyr (ar gyfer ariannu)
Yr Adran Gwaith a Phensiynau (ar gyfer cydlynu budd-daliadau)
CThEM (ar gyfer ardollau prentisiaethau)
Yr Adran Addysg (as gyfer Astudiaeth Canlyniadau Addysgol Hydredol – LEO)

Medr (o Ebrill 2026 ymlaen):

Y Comisiwn Addysg Drydyddol ac Ymchwil
Medr fydd yn prosesu data prentisiaethau, addysg bellach, a dysgu cymunedol i oedolion ar ran Llywodraeth Cymru

Pam rydyn ni’n rhannu: Gofynion cyfreithiol ar gyfer ariannu, adroddiadau ystadegol, a chydlynu gwasanaethau cymorth.

Sefydliadau cymorth

Awdurdodau Lleol:

Cefnogi pobl 16-25 oed i mewn i addysg a hyfforddiant
Cydlynu gwasanaethau lleol
Cyfrifoldebau diogelu

Gyrfa Cymru:

Cyngor ac arweiniad gyrfa
Tracio cyfranogiad mewn addysg a hyfforddiant
Cefnogi pobl ifanc i mewn i’r byd gwaith
Rhannu data uwch ar gyfer gwaith cyfateb cleientiaid a gwasanaethau cymorth

Sefydliadau ymchwil a gwerthuso:

Y Swyddfa Ystadegau Gwladol ar gyfer ystadegau cyfanredol a chywirdeb y cyfrifiad
Iechyd a Gofal Digidol Cymru ar gyfer ymchwil iechyd dienw
Amgylchedd Ymchwil Diogel Prifysgol Abertawe at ddibenion ystadegol ac ymchwil
Cwmnïau ymchwil a gomisiynir gan Lywodraeth Cymru (IFF Research, KPMG, PwC, BTP Associates, Mazars, RSM UK)

Cyrff addysg:

Estyn (arolygwyr addysg) ar gyfer cynllunio arolygiadau ac adolygiadau thematig
Cymwysterau Cymru ar gyfer dadansoddi ymrestriadau a chanlyniadau cymwysterau
Chwaraeon Cymru (ar gyfer rhaglenni chwaraeon)
Partneriaid addysg uwch ac addysg bellach (ar gyfer cyrsiau masnachfraint) e.e. Prifysgol De Cymru, y Brifysgol Agored, Academi Sgiliau Cymru

Sut rydyn ni’n amddiffyn eich gwybodaeth: Mae pob sefydliad yn llofnodi cytundebau ffurfiol sy’n ei gwneud yn ofynnol eu bod yn amddiffyn eich gwybodaeth ac yn ei defnyddio at y dibenion y cytunwyd iddynt yn unig.

Rhieni a chysylltiadau brys

Gall dysgwyr 16 oed neu’n hŷn benderfynu a ydyn ni’n rhannu gwybodaeth â rhieni neu ofalwyr.

Byddwn ni’n rhannu gwybodaeth gyda rhieni/gofalwyr:

Pan fyddwch chi wedi rhoi caniatâd i ni
Pan fydd argyfwng (e.e. meddygol, diogelu)
Pan fydd yn ofynnol yn ôl y gyfraith i ni wneud hynny (sefyllfaoedd prin)

Gallwch newid eich meddwl ynghylch cyswllt rhieni/gofalwyr ar unrhyw adeg drwy roi gwybod i’r Gwasanaethau Dysgwyr.

Eithriad: Mae’n bosib y bydd angen cymorth ychwanegol gyda’r penderfyniadau hyn ar ddysgwyr sydd ag anawsterau dysgu difrifol.

Eich Hawliau Preifatrwydd

Cael mynediad at eich gwybodaeth

Gallwch wneud cais am gopi o’r holl wybodaeth rydyn ni’n ei dal amdanoch chi.

Sut i wneud cais:

Anfonwch e-bost at data-protection@cymoedd.ac.uk gyda phrawf o’ch hunaniaeth
Byddwn ni’n cadarnhau eich hunaniaeth ac yn egluro beth fyddwn ni’n ei ddarparu
Byddwch yn cael eich gwybodaeth ymhen mis (bydd yn gynt na hyn fel arfer)

Beth fyddwch chi’n ei gael:

Yr holl wybodaeth bersonol sydd gennym
Esboniad o sut rydyn ni’n ei defnyddio
Manylion pwy rydyn ni’n ei rhannu â nhw
Am ba mor hir rydyn ni’n ei chadw
Lluniau CCTV pan fyddwch chi’n ymddangos ynddynt (os ydyn nhw’n dal yn ein meddiant)
Nodiadau a gynhyrchwyd â deallusrwydd artiffisial o unrhyw ymchwiliadau sy’n eich cynnwys chi
Cofnodion ymchwiliadau lle rydych chi’n cael eich crybwyll
Adroddiadau monitro Smoothwall yn ymwneud â’ch gweithgarwch ar-lein (os yw hynny’n berthnasol)

Mae’r gwasanaeth hwn am ddim oni bai eich bod yn gwneud ceisiadau gormodol.

Cywiro gwybodaeth

Os bydd gwybodaeth amdanoch chi’n anghywir, byddwn ni’n ei chywiro’n gyflym.

Cywiriadau syml (fel newid cyfeiriad): Cysylltwch â’r Gwasanaethau Dysgwyr
Cywiriadau cymhleth: Anfonwch e-bost at y Swyddog Diogelu Data: data-protection@cymoedd.ac.uk

Byddwn ni’n dweud wrthoch chi pan fydd cywiriadau’n cael eu gwneud ac yn rhoi gwybod i unrhyw un arall rydyn ni wedi rhannu gwybodaeth anghywir â nhw.

Hawliau a dewisiadau eraill

Gwrthwynebu prosesu: Gallwch wrthwynebu sut rydyn ni’n defnyddio eich gwybodaeth os oes gennych reswm penodol. Byddwn ni’n stopio gwneud hynny oni bai bod gennym sail gyfreithlon gymhellol i barhau.

Cyfyngu ar brosesu: Gallwch ofyn i ni gyfyngu ar y modd rydyn ni’n defnyddio eich gwybodaeth tra byddwn ni’n ymchwilio i gŵyn neu gais am gywiriad.

Cludo data: Gallwch gael eich gwybodaeth mewn fformat cludadwy i’w drosglwyddo i sefydliad arall (pan fydd hyn yn berthnasol).

Tynnu caniatâd yn ôl: Lle rydyn ni’n dibynnu ar eich caniatâd, gallwch ei dynnu’n ôl ar unrhyw adeg. Nid yw hyn effeithio ar brosesu blaenorol.

Gwneud cwyn:

Yn gyntaf, cysylltwch â ni i geisio datrys y mater: data-protection@cymoedd.ac.uk
Os nad ydych chi’n fodlon, cysylltwch â Swyddfa’r Comisiynydd Gwybodaeth (ICO)
Gallwch wneud hyn yn uniongyrchol neu gallwn ni eich helpu

Gwybodaeth dechnegol

Cwcis y wefan

Rydyn ni’n defnyddio cwcis i wella eich profiad ac i ddeall sut mae ein gwefan yn cael ei defnyddio.

Cwcis hanfodol:

Cofio eich dewis iaith (Cymraeg/Saesneg)
Eich cadw wedi’ch mewngofnodi i wasanaethau ar-lein
Cofio gosodiadau hygyrchedd

Cwcis dadansoddol (Google Analytics):

Cyfrif nifer yr ymwelwyr
Gweld pa dudalennau sydd fwyaf poblogaidd
Deall sut mae pobl yn llywio ein gwefan
Ein helpu ni i wella’r wefan

Dydyn ni ddim yn defnyddio cwcis dadansoddol i adnabod pobl unigol.

Cwcis rhannu cymdeithasol (AddThis):

Galluogi rhannu cynnwys ar y cyfryngau cymdeithasol
Cofio eich dewisiadau rhannu

Rheoli cwcis:

Gallwch analluogi cwcis yng ngosodiadau eich porwr
Gallai hyn effeithio ar y ffordd mae’r wefan yn gweithredu
Mwy o wybodaeth: aboutcookies.org

Cyfryngau cymdeithasol a marchnata

Rydyn ni’n hysbysebu ar lwyfannau cyfryngau cymdeithasol i gyrraedd darpar ddysgwyr.

Beth rydyn ni’n ei wneud:

Creu grwpiau o gynulleidfaoedd yn seiliedig ar ymweliadau gwefan
Dangos hysbysebion cwrs perthnasol
Tracio pa hysbysebion sy’n effeithiol

Pa wybodaeth gaiff ei defnyddio:

Eich cyfeiriad IP a gwybodaeth am eich dyfais
Y tudalennau rydych chi’n ymweld â nhw ar ein gwefan
Diddordebau cyffredinol (nid manylion personol)

Eich dewisiadau:

Addaswch eich gosodiadau preifatrwydd ar lwyfannau cyfryngau cymdeithasol
Defnyddiwch osodiadau eich porwr i gyfyngu ar y tracio
Optiwch allan gan ddefnyddio canolfannau dewisiadau llwyfannau

Dydyn ni ddim yn rhannu manylion personol fel enwau neu wybodaeth gyswllt â llwyfannau cyfryngau cymdeithasol.

Mesurau diogelwch

HSut rydyn ni’n amddiffyn eich gwybodaeth:

Diogelwch technegol:

Amgryptio data wrth ei storio a’i drosglwyddo
Profi a diweddaru mesurau diogelwch yn rheolaidd
Rheolaeth mynediad a chamau dilysu
Systemau wrth gefn diogel
Systemau CCTV sydd â storfa wedi’i hamgryptio a mynediad cyfyngedig
Systemau deallusrwydd artiffisial sydd â phrotocolau diogelwch a data dienw
System fonitro Smoothwall sydd â storfa ddata ddiogel a mynediad cyfyngedig i staff diogelu

Hyfforddiant staff:

Hyfforddiant ymwybyddiaeth diogelu data
Sesiynau adnewyddu rheolaidd
Polisïau a gweithdrefnau clir
Mynediad cyfyngedig yn dibynnu ar ofynion swyddi
Hyfforddiant arbenigol i staff ymchwilio ar ddefnyddio systemau deallusrwydd artiffisial a CCTV
Canllawiau moesegol ar brosesau deallusrwydd artiffisial cynorthwyol
Hyfforddiant arbenigol i staff diogelu ar ddefnyddio adroddiadau monitro Smoothwall

Diogelwch ffisegol:

Lleoliadau gweinydd a swyddfeydd diogel
Cypyrddau ffeilio gyda chlo ar gyfer cofnodion papur
Polisïau desg glir
Rheolaethau mynediad ymwelwyr
Monitro CCTV gydag arwyddion priodol
Storio diogel ar gyfer deunydd ymchwiliadau

Rydyn ni’n adolygu ac yn diweddaru ein mesurau diogelwch yn rheolaidd er mwyn amddiffyn yn erbyn bygythiadau newydd.

Cadw data

Dim ond cyhyd ag sydd angen y byddwn ni’n cadw gwybodaeth.

Tra byddwch chi’n astudio: Rydyn ni’n cadw’r holl wybodaeth berthnasol i gefnogi eich dysgu ac i fodloni gofynion cyfreithiol.

Ar ôl i chi orffen: Rydyn ni’n cadw rhywfaint o wybodaeth am rai blynyddoedd:

Cofnodion academaidd: Yn barhaol (i ddilysu cymwysterau)
Cofnodion ariannol: 7 mlynedd (at ddibenion archwilio)
Cofnodion cymorth: 3-7 mlynedd yn dibynnu ar y math
Cofnodion cyffredinol dysgwyr: 6 blynedd ar ôl i chi orffen
Data LLWR ar gyfer rhaglenni a ariennir gan Lywodraeth Cymru: 10 mlynedd (yn unol â gofynion Llywodraeth Cymru)
Lluniau CCTV: 30 diwrnod (oni bai bod eu hangen ar gyfer ymchwiliad)
Cofnodion ymchwiliadau: 6 blynedd ar ôl i’r achos gau
Nodiadau a gynhyrchwyd gan ddeallusrwydd artiffisial: Yr un cyfnod â’r ymchwiliad dan sylw
Data monitro Smoothwall: 12 mis (oni bai bod ei angen ar gyfer ymchwiliad diogelu)

Data ystadegol ac ymchwil: Mae’n bosib y bydd hwn yn cael ei gadw’n hirach, yn ddienw, at ddibenion datblygu polisi ac ymchwil Llywodraeth Cymru.

Rydyn ni’n dileu gwybodaeth yn ddiogel pan fydd cyfnodau cadw yn dod i ben.

Mae ein hamserlen cadw lawn yn cynnig mwy o fanylion – cysylltwch â ni i gael copi.

Newidiadau i’r polisi hwn

Rydyn ni’n adolygu’r polisi hwn yn flynyddol ac yn ei ddiweddaru:

pan fydd deddfau’n newid
pan fydd ein harferion yn newid
pan fydd adborth ar gyfer gwelliannau wedi’i dderbyn
pan fydd diweddariadau yng nghanllawiau Llywodraeth Cymru

Pan fyddwn ni’n gwneud newidiadau:

Byddwn ni’n cyhoeddi’r polisi wedi’i ddiweddaru ar ein gwefan
Os bydd newidiadau sylweddol, byddwn ni’n anfon e-bost at y dysgwyr presennol
Bydd fersiynau blaenorol ar gael ar gais

Diweddarwyd ddiwethaf: Mis Ionawr 2026 | Adolygiad nesaf: Mis Gorffennaf 2027