Y Gymraeg yn y Coleg

Dy Iaith Di; Dy Ffordd Di!

Croeso i dudalen Tîm y Gymraeg yng Ngholeg y Cymoedd

Beth am siarad Cymraeg? P’un a wyt ti’n dechrau o’r dechrau neu am loywi dy sgiliau, mae defnyddio’r Gymraeg yn ffordd wych o gysylltu â diwylliant a hunaniaeth Cymru. Hefyd, mae bod yn ddwyieithog yn sgil cyflogadwyedd gwerthfawr a all eich gosod ar wahân yn y farchnad swyddi, gan agor drysau i gyfleoedd gyrfa ledled Cymru.

Cwrdd â’r tîm

Lois Roberts

Rheolwr y Gymraeg

Rydw i’n rheoli Tîm y Gymraeg. Mae’r tîm yn gyfrifol am ddatblygu’r ddarpariaeth cyfrwng Cymraeg a dwyieithog; amddiffyn hawliau siaradwyr Cymraeg a chreu cyfleoedd i ddysgwyr a staff gadw a gwella eu sgiliau Cymraeg.

E-bost: lois.roberts@cymoedd.ac.uk

Liam Higgins

Swyddog Datblygu’r Gymraeg

Fi yw swyddog cangen y Coleg Cymraeg Cenedlaethol o fewn Coleg y Cymoedd. Fy rôl i yw i helpu hyrwyddo’r iaith Gymraeg a diwylliant Cymru ledled y coleg drwy gynnal gweithgareddau a digwyddiadau i fyfyrwyr a staff.

E-bost: liam.higgins@cymoedd.ac.uk

Lois Moremon

Hwylusydd y Gymraeg

Mae fy rôl yn gofyn i mi hwyluso defnydd y Gymraeg o fewn y meysydd blaenoriaeth Iechyd a Gofal Cymdeithasol ac Adeiladwaith.

E-bost: lois.moremon@cymoedd.ac.uk

Nerys Wyn Davies

Hwylusydd y Gymraeg

Mae fy rôl yn gofyn i mi hwyluso defnydd y Gymraeg o fewn y meysydd blaenoriaeth Busnes a’r Diwydiannau Creadigol.
Dwi’n cefnogi staff a dysgwyr i fagu hyder wrth ddefnyddio’r iaith Gymraeg a chael hwyl ar yr un pryd.

E-bost: nerys.davies@cymoedd.ac.uk

Rhys Ruggiero

Hwylusydd y Gymraeg

Mae fy rôl yn gofyn i mi hwyluso defnydd y Gymraeg o fewn y meysydd blaenoriaeth Chwaraeon, Gwasanaethau Cyhoeddus ac Adeiladwaith.

E-bost: rhys.ruggiero@cymoedd.ac.uk

Coleg Cymraeg Cenedlaethol

Mae’r Coleg Cymraeg yn creu cyfleoedd hyfforddi ac astudio yn y Gymraeg ac yn ysbrydoli dysgwyr,
myfyrwyr a phrentisiaid i ddefnyddio’r sgiliau Cymraeg sydd ganddyn nhw.
Rydym yn ddiolchgar i’r Coleg Cymraeg Cenedlaethol am y buddsoddiad a’r gefnogaeth.
Gallwch ddarllen mwy am with y Coleg Cymraeg Cenedlaethol yma.

Llysgenhadon a Phencampwyr y Gymraeg

Bob blwyddyn, rydyn ni’n rhoi’r cyfle i myfyriwr gael eu cyflogi fel ‘Llysgenhadon a phencampwyr y Gymraeg’.
Eu rôl yw hybu a hyrwyddo’r iaith ymhlith y dysgwyr.
Maen nhw’n helpu gyda digwyddiadau, diwrnodau agored ar y cyfryngau cymdeithasol.
Mae’n gyfle gwych i gwrdd â phobl ac yn rhywbeth gwych i roi ar y CV neu gais prifysgol.

Llun Llysgenhadon y Gymraeg. Picture of the Welsh Ambassadors

Defnyddio’r Gymraeg yn dy gwrs

Gyda nawdd y Coleg Cymraeg Cenedlaethol, rydyn ni’n cynnig darpariaeth ddwyieithog yn y meysydd

Gofal Plant
Iechyd a Gofal Cymdeithasol
Chwaraeon
Gwasanaethau Cyhoeddus
Diwydiannau Creadigol
Busnes
Adeiladwaith

Yn ogystal â hynny, mae mod astudio’r canlynol:

Cwrs UG ac Uwch Cymraeg
Cwrs Bagloriaeth Cymru Safon UG ac Uwch dwyieithog
Cwrs Ailsefyll TGAU Mathemateg cyfrwng Cymraeg

Dy hawl fel siaradwr Cymraeg

Mae gyda ti’r hawl i gael y canlynol yn Gymraeg. Rydyn ni’n dy annog di i ddefnyddio dy hawl.

Llythyrau, ffurflenni a gohebiaeth gan y Coleg
Llyfryn croeso a phrosbectws
Ymgeisio am gymorth ariannol
Tiwtor personol
Mynediad at wasanaeth cwnsela
Cyfarfodydd sy’n ymwneud â chwynion, materion disgyblu a chefnogaeth
Cyflwyno gwaith
Tystysgrifau

Os oes gyda ti gwestiynau am hyn, cofia gysylltu â Thîm y Gymraeg.

Cwtsh Cymraeg

Ar bob campws mae gyda Cwtsh Cymraeg – lle i ddod i ymlacio, cymdeithasu yn Gymraeg,
siarad Cymraeg, dysgu Cymraeg.
Mae croeso mawr i bawb yn y Cwtsh. Cysyllta â Thîm y Gymraeg am ragor o wybodaeth am y Cwtsh,
neu galwa heibio pan mae gyda ti 5 munud sbâr.

Cefnogaeth yn Gymraeg

Rydyn ni eisiau i ti ddefnyddio dy Gymraeg cymaint â phosib. Dyma restr o’r gefnogaeth sydd ar gael i dy helpu di i wneud hynny…

Cefnogaeth Gymraeg yn yr Hybiau Ymgysylltu
Cefnogaeth Gymraeg yn eich prif gymhwyster
Cefnogaeth Gymraeg mewn tiwtorialau
Cyfleoedd i fod yn Llysgennad y Gymraeg
Cyfleoedd gwirfoddoli Cymraeg
Cefnogaeth Tîm y Dyfodol Cymraeg
Cefnogaeth Lles a Diogelu yn Gymraeg
Cefnogaeth mathemateg yn Gymraeg
Mentora yn Gymraeg
Cefnogaeth ymgeisio UCAS/AU Cymraeg
Cymorth Dysgu yn Gymraeg
Adnoddau Cymraeg megis rhestrau termau

Gelli di hefyd ddefnyddio ein system archebu i drefnu sesiwn wyneb yn wyneb neu ar-lein i gael cymorth 1 i 1 gyda Hwylusydd neu gelli di ofyn i ni ddod i mewn i gefnogi yn dy wersi. Byddwn hefyd ar gael yn yr Hybiau Ymgysylltu ar bob campws.

Eisiau dysgu Cymraeg?

Mae gennym lu o adnoddau i’ch helpu i ddysgu Cymraeg.
Mae cyrsiau ar-lein rhad ac am ddim yma drwy’r Ganolfan Dysgu Cymraeg Genedlaethol,
oll wedi’u creu yn arbennig ar gyfer pobl ifanc.
Gwell gen ti wersi Cymraeg wyneb yn wyneb? Galwa i mewn i’n Hyb Ymgysylltu
neu Cwtsh Cymraeg ar bob campws am gefnogaeth 1-1 a llwyth o lyfrau, cylchgronau ac adnoddau eraill.