Cyfrif Dysgu Personol (CDP) Gwyrdd

Beth ydy Cyfrif Dysgu Personol (CDP/PLA)?

Mae’r Rhaglen Cyfrif Dysgu Personol yn cynnig cymorth ar draws Cymru ar gyfer pobl gymwys i ennill sgiliau uwch eu lefel a fydd yn galluogi’r unigolion hyn i gyrchu ystod ehangach o swyddi a/neu gyflogaeth uwch ei lefel.

Nod sylfaenol rhaglen Cyfrif Dysgu Personol ydy galluogi pobl i uwchsgilio ac ail-sgilio yn y sectorau â blaenoriaeth, i wella eu gyrfa a’u darpar enillion.

Ydw i’n gymwys ar gyfer y Cyfrif Dysgu Personol ?

Profir cymhwyster ar adeg gwneud y cais. Mae’r unigolion canlynol yn gymwys ar gyfer y rhaglen.

Rhaid i unigolion:

• Fod yn byw yng  Nghymru
• Bod yn 19 oed neu drosodd (profir hyn ar ddechrau’r cwrs)

Hefyd, rhaid i unigolion ddiwallu o leiaf un o’r meini prawf canlynol:

• Cyflogedig (yn cynnwys hunan-gyflogedig)
• Gweithwyr ar gontractau dim oriau
• Staff asiantaeth
• Troseddwyr  ryddheir am y dydd
• Gofalwyr llawn amser

Ni fydd unigolion yn gymwys ar yr adeg gwneud cais os ydyn nhw’n un o’r canlynol:

• O dan 19 oed
• Mynychu ysgol neu goleg llawn amser fel disgybl neu fyfyriwr
• Mewn addysg uwch llawn amser
• Yn mynychu Dysgu yn Seiliedig ar Waith a ariennir gan Lywodraeth Cymru
• Gwladolyn tramor anghymwys
• Yn derbyn Grant Dysgu’r Cynulliad neu Lwfans Cynhaliaeth Addysg
• Di-waith h.y. heb gontract cyflogaeth (oni bai eu bod yn diwallu un o’r meini prawf cymeradwy)

Fel rhan o’ch cais am arian, gofynnir i chi ddarparu dogfennaeth adnabod(ID) ategol yn dystiolaeth o’ch cymhwyster. Bydd hyn yn cynnwys:Os yn gyflogedig: 3x slip cyflog y 3 mis diwethaf. (Bydd tîm y CDP yn defnyddio hyn i benderfynu a ydy’ch incwm yn disgyn o dan y trothwy)Os yn hunan-gyflogedig, tystiolaeth o rif UTR a HEFYD tystiolaeth o incwm y 3 mis diwethaf (e.e. cyfrifon/ anfonebau banc), (bydd tîm y CDP yn defnyddio hyn i benderfynu a ydy’ch incwm o dan y trothwy).Os mewn perygl o gael eu diswyddo: Llythyr gan eich cyflogwr bod eich swydd mewn perygl.Os yn staff asiantaeth: 3x slip talu y 3 mis diwethaf (os yn bosibl – os na allwch eu cynnig, trafodwch gyda’r tîm pan fyddwn yn cysylltu â chi ar ôl cyflwyno’ch cynllun hyfforddi)

Sylwer, mai dim ond 90 diwrnod o ddyddiad cyflwyno’ch Cynllun Hyfforddi sydd gennych i gwblhau eich cais am arian, ar gyfer cymeradwyo’ch cais ac i gael eich ymrestru ar eich dewis gwrs. Os bydd eich cais yn hwyr, efallai na fyddwch yn gallu symud ymlaen gyda’ch cais cyfredol ac y byddwch angen cychwyn ar gais newydd am arian.

Os bydd eich ffurflen gais gychwynnol (Cynllun Hyfforddiant) yn llwyddiannus, byddwn yn cysylltu â chi drwy e-bost i ofyn am eich dogfennau adnabod ategol. Ar gyfer eich dogfennau adnabod ategol, bydd angen i chi ddarparu copïau clir heb eu golygu o’r dogfennau cymeradwy a restrir isod (lleiafswm o un ddogfen fesul grŵp) i ddangos tystiolaeth o’r wybodaeth a gofnodir ar eich ffurflenni cais. Casglwch y wybodaeth hon wrth ichi gyflwyno eich cais i baratoi ar gyfer derbyn e-bost gennym ni – Os ydych yn cael trafferth cael un o’r dogfennau cymeradwy, siaradwch ag aelod o’r tîm i drafod dewisiadau amgen posibl.

Cyrsiau sydd ar gael drwy PLA Craidd

Sut ydw i’n Gwneud Cais?