Y Corff Llywodraethol
Daw 20 aelod o Gorff Llywodraethol Coleg y Cymoedd o nifer o feysydd amrywiol, yn cynrychioli’n fras y gymuned y mae’n ei gwasanaethu.
Daw aelodau’r Corff Llywodraethol o fyd busnes neu fywyd cyhoeddus ac yn eu sgil ystod o sgiliau /arbenigedd sy’n bwysig i ddatblygiad a dyfodol Coleg y Cymoedd.
Mae’r Corff Llywodraethol yn gyfrifol am y canlynol:
Gellir cael amrediad o wybodaeth am y Corff Llywodraethol a hynny’n cynnwys cofnodion cyfarfodydd drwy wneud apwyntiad yn y Swyddfa Weithredol ar Gampws Nantgarw.
Am ragor o wybodaeth cysylltwch a:
Jennifer Owen
Swyddog y Drefn Lywodraethol, Coleg y Cymoedd
Heol y Coleg
Parc Nantgarw
Cardiff
CF15 7QY
Aelodaeth Pwyllgor: Adnoddau Tâl (Cadeirydd), Chwilio (Cadeirydd)
Dr Paul Smart – Cadeirydd
Ar ôl graddio gyda BSc a PhD mewn Peirianneg, cychwynnodd Paul ei yrfa mewn Ymchwil Weithredol yn y diwydiannau nwy a dur.
Wedi hynny, ymunodd â ffatri weithgynhyrchu cwmni cosmetig rhyngwladol yn y DU lle bu’n gweithio fel Rheolwr Cynhyrchu a Phennaeth Adnoddau Dynol. Yna, cychwynnodd ar swydd ym mhencadlys y cwmni fel Cyfarwyddwr Adnoddau Dynol y DU ar gyfer Gweithrediadau, Y Gadwyn Gyflenwi, Cyllid a TG.
Ar ôl 37 mlynedd gyda’r cwmni mae Paul bellach wedi ymddeol ond yn dal i weithio’n rhan amser fel Rheolwr Cyswllt Pensiwn ac Ymddiriedolwr y Gronfa Bensiwn ar gyfer y cwmni.
Aelodaeth pwyllgor: Adnoddau
David Price
Mae diddordebau proffesiynol David yn canolbwyntio ar ddatblygu a chymhwyso systemau perfformiad, deallusrwydd busnes, rheoli risg, rheoleiddio a llywodraethu mewn addysg bellach ac uwch.
Er 2017 mae David wedi gweithio’n bennaf fel ymgynghorydd annibynnol, hyfforddwr gweithredol a rheolwr dros dro, gan gynnwys cyfnodau fel Prif Weithredwr Colegau Cymru a Chyfarwyddwr y Brifysgol Agored yng Nghymru. Ei rôl barhaol ddiwethaf oedd Dirprwy Is-Ganghellor (Strategaeth a Pherfformiad) ym Mhrifysgol Metropolitan Caerdydd.
Mae David hefyd wedi gweithio mewn rôl llywodraethu gydag elusennau ac awdurdodau lleol, ochr yn ochr â’i rôl fel Llywodraethwr Coleg y Cymoedd.
Aelodaeth pwyllgor: Adnoddau (Cadeirydd), Chwilio, Tâl
Catherine Thomas – Aelod o’r gymuned
Mae Catherine yn weithiwr Adnoddau Dynol proffesiynol. Mae wedi gweithio ym maes Addysg Uwch ers 17 mlynedd, ar ôl gweithio yn y sectorau preifat, gwirfoddol a chyhoeddus.
Vacancy
Aelodaeth pwyllgor: Adnoddau
Aelodaeth pwyllgor: Archwilio, Cwricwlwm ac Ansawdd
Fran Green – Aelod o’r gymuned
Mae gan Fran dros 40 mlynedd o brofiad yn y sector Addysg Bellach. Yn gyntaf, fel myfyriwr amser llawn yn astudio trin gwallt a therapi harddwch yng Ngogledd Llundain ac yn fwy diweddar fel myfyriwr nos rhan amser, yn ceisio dysgu Sbaeneg.
Ar ôl cymhwyso, bu Fran yn gweithio yn y sector gwallt a harddwch fel steilydd, a rheolwr salon, a mwynhaodd weithio’n agos gyda phobl, yn gleientiaid a staff, ac mae’r angerdd hwnnw wedi parhau drwy gydol ei gyrfa. Yn ystod y cyfnod hwn, fe’i gwahoddwyd i ymgymryd ag ychydig oriau o ddysgu rhan amser yn ei hen goleg ac yn y pen draw daeth yn athrawes amser llawn.
Ym 1988, yn dilyn terfysgoedd Tottenham, croesodd Fran y bont ac symud i dde Cymru, i weithio fel Uwch Ddarlithydd yng Ngholeg Afan, Port Talbot, gan feddwl mai dim ond am dair blynedd y byddai’n aros yng Nghymru ar y mwyaf! Yn ystod ei blynyddoedd cyntaf, i Lundeiniwr, bu’n dasg anodd o ynganu enwau lleoedd Cymraeg a chofrestrodd mewn dosbarthiadau Cymraeg, gan gyrraedd lefel 3 Cymraeg sgyrsiol yn y pen draw.
Yn ystod ei gyrfa mae llawer o gyfleoedd am ddyrchafiad wedi codi yn ei maes ei hun ac fel rheolwr, gan arwain at swydd fel Pennaeth Cynorthwyol ar gyfer Ansawdd. Yn sgil y swydd hon mae Fran wedi wynebu dau arolygiad Estyn a’r Pandemig. Yn ogystal â hynny, mae Fran wedi bod yn Arolygydd Cymheiriaid gweithgar gydag Estyn, ac wedi eu cynorthwyo ar sawl arolygiad ar gyfer AB a DOG, gan ei galluogi i ddatblygu sbectrwm a phrofiad ehangach o’r maes addysgol yng Nghymru.
Aelodaeth pwyllgor: Adnoddau
Chris Joseph – Aelod Staff
Chris yw Pennaeth Gwasanaethau TG yng Ngholeg y Cymoedd, gyda dros 31 mlynedd o brofiad. Gan ddechrau fel cynorthwyydd TG dros dro ym 1994, mae Chris wedi symud ymlaen drwy rolau allweddol, wedi cyfrannu at nifer o brosiectau uno yn y coleg ac arwain prosiectau seilwaith TG mawr, gan sicrhau pontio llyfn i staff a dysgwyr.
Fel uwch arweinydd, mae Chris yn gyrru cynllunio strategol, caffael, a gweithredu systemau TG hanfodol. Yn aelod gweithredol o’r tîm rheoli ac amrywiol weithgorau, mae Chris yn cael ei gydnabod am berthnasoedd proffesiynol cryf, ymrwymiad i ddatblygu staff, a ffocws ar wella canlyniadau dysgwyr.
Aelodaeth pwyllgor: Adnoddau (Aelod o’r gymuned), Chwilio, Tâl
Andrew Diplock – Aelod Busnes Is-Gadeirydd
Mae Andrew wedi gweithio i lawer o gwmnïau yn y sectorau corfforaethol a busnesau bach a chanolig, wedi adeiladu busnes o’r cychwyn cyntaf i ymadael yn llwyddiannus. Bellach mae’n neilltuo ei amser i helpu busnesau eraill i ddechrau a thyfu fel buddsoddwr angel ac ymgynghorydd busnes. Mae hefyd yn cynghori Llywodraeth Cymru fel aelod o Dasglu Gweinidogol De Cymru.
He also advises Welsh Government as a member of the Ministerial Taskforce for the South Wales.
Aelodaeth pwyllgor: Adnoddau
Roxanna Dehaghani – Aelod Busnes
Mae Roxanna yn Ddarllenydd yn y Gyfraith ym Mhrifysgol Caerdydd lle mae’n ymgymryd ag ymchwil ac addysgu mewn cyfraith droseddol a chyfiawnder ac yn arwain ar greu traweffaith o ymchwil academaidd.
Mae hi wedi gweithio ym maes addysg uwch ers 2014, gan ennill ei PhD o Brifysgol Caerlŷr yn 2018. Cyn hynny bu’n astudio ar gyfer LLB yn y Gyfraith ym Mhrifysgol Queen’s Belfast ac LLM mewn Astudiaethau Fforensig, Troseddeg a’r Gyfraith ym Mhrifysgol Maastricht, yr Iseldiroedd.
Aelodaeth pwyllgor: Cwricwlwm ac Ansawdd
Kate Owen – Aelod Awdurdod Lleol
Ar ôl graddio gyda BA cydanrhydedd mewn Llenyddiaeth Saesneg ac Athroniaeth a TAR Uwchradd yn y Saesneg a Drama, mae Kate wedi dysgu mewn ysgolion uwchradd yn Ne Cymru ers 1998 fel athrawes Saesneg ac Addysg Grefyddol, Pennaeth Saesneg a Drama ac am 8 mlynedd fel Pennaeth Cynorthwyol gyda chyfrifoldeb am Les a Diogelu.
Aelodaeth pwyllgor: Archwilio
Alun Williams – Aelod Busnes
Mae Alun yn Weithiwr Proffesiynol Caffael a Chyflenwi Siartredig (MCIPS) gyda dros ugain mlynedd o brofiad arweinyddiaeth uwch a chynghori ar draws llywodraeth leol, llywodraeth ddatganoledig a llywodraeth ganolog y DU, y trydydd sector ac ymgynghoriaeth breifat.
Addysgwyd yn Ysgol Maes Garmon ac Ysgol Friars. Mae ganddo BA mewn Polisi Cyhoeddus a Rheolaeth o Brifysgol Swydd Bedford a Gradd Meistr mewn Gweinyddiaeth Gyhoeddus (MPA) o Brifysgol Robert Gordon.
Mae’n gweithredu cwmni ymgynghori (Mona Solutions) a leolir yng Nghymru sy’n cefnogi sefydliadau cyhoeddus a thrydydd sector ac yn dod â phrofiad o lywodraethu, archwilio, risg a chraffu gwerth am arian i’w rôl ar Fwrdd y Gorfforaeth a’r Pwyllgor Archwilio. Mae ganddo brofiad o lywodraethu ysgolion yn Swydd Aberdeen, Caerdydd a Chaerffili, gan ddod â safbwynt traws-awdurdod ar lywodraethu addysg.
Aelodaeth pwyllgor: Archwilio
Clare Wheatstone – Aelod Busnes
Mae Clare yn Gyfrifydd Cymwys sydd, dros y 25 mlynedd diwethaf, wedi gweithio mewn amrywiaeth o ddiwydiannau gan gynnwys theatr, manwerthu a chyllid asedau.
Ar hyn o bryd mae Clare yn gweithio i gwmni rhyngwladol mawr a’i brif fusnes yw gwerthu nwyddau harddwch a gofal gwallt, colur a phersawr. Mae Clare wedi gweithio i’r cwmni ers dros 15 mlynedd ac ar hyn o bryd hi yw Prif Gyfrifydd y DU ac Iwerddon ac ymhlith ei phrif gyfrifoldebau mae cydymffurfiaeth a chynghori ar gyfrifon.
Aelodaeth pwyllgor: Cwricwlwm ac Ansawdd
Richard Edmunds – Aelod Awdurdod Lleol
Richard (Ed) Edmunds yw Cyfarwyddwr Corfforaethol Addysg a Gwasanaethau Corfforaethol Cyngor Bwrdeistref Sirol Caerffili. Ymunodd Ed â’r Tîm Rheoli Corfforaethol ym mis Gorffennaf 2018 ac mae ganddo fwy na 30 mlynedd o brofiad mewn Llywodraeth Leol, ac mae 15 ohonynt wedi dod ar lefel arwain uwch.
Mae rôl bresennol Ed yn cynnwys arwain swyddogaethau Corfforaethol y Cyngor fel Cyllid, Adnoddau Dynol, TG a Chyfreithiol yn ogystal â goruchwylio swyddogaethau’r Awdurdod Addysg Lleol ac 87 o Ysgolion.
Aelodaeth pwyllgor: Archwilio (Cadeirydd), Chwilio
Peter Wright – Aelod Busnes
Mae Peter wedi gweithio yn y Sector Gwasanaethau Ariannol ers dros 40 mlynedd ar draws y DU gydag arbenigedd mewn cefnogi a thyfu busnesau bach. Yn flaenorol, roedd yn Bennaeth Buddsoddiadau yn Cyllid Cymru.
Bellach mae’n cyflawni nifer o rolau ymgynghorol / NED, gan gynnwys bod yn Entrepreneur Preswyl yng Ngholeg y Cymoedd yn ogystal â bod yn llywodraethwr.
Aelodaeth pwyllgor: Cwricwlwm ac Ansawdd, Adnoddau, Chwilio
Jonathan Morgan – Pennaeth
Aelodaeth pwyllgor: Cwricwlwm ac Ansawdd (Cadeirydd), Chwilio, Tâl
Robert Evans – Aelod o’r gymuned
Mae Rob wedi gweithio ym maes addysg bellach ers 30 mlynedd fel Pennaeth Adran a Dirprwy Bennaeth. Hefyd bu’n yn Arolygydd Cymheiriaid Estyn ers 20 mlynedd.
Aelodaeth pwyllgor: Cwricwlwm ac Ansawdd
Philip Thomas – Aelod Staff
Aelodaeth pwyllgor: Cwricwlwm ac Ansawdd
James – Aelod Fyfyriwr
Ar hyn o bryd mae James yn gwasanaethu fel Llywydd Cyngor Myfyrwyr Coleg y Cymoedd, ar ôl cael ei ethol gan ei gyfoedion ar gyfer y blynyddoedd academaidd 2024/25 a 2025/26. Mae hefyd yn Llysgennad Ddysgwr.
Nawr yn ei ail flwyddyn o astudio yng Ngholeg y Cymoedd, yn dilyn Diploma Estynedig Lefel 3 BTEC Pearson mewn Adeiladwaith a’r Amgylchedd Adeiledig, mae James yn anelu at barhau â’i astudiaethau ym Mhrifysgol Caerdydd ac yn y pen draw hoffai gymhwyso fel pensaer.
Mae’n ddarpar arweinydd ifanc brwdfrydig, sydd wedi ennill Gwobrau Efydd, Arian ac Aur Dug Caeredin ac wedi cwblhau Rhaglen Arweinwyr Ifanc Dug Caeredin a Rhaglen Arweinwyr Ifanc y Sgowtiaid yn llwyddiannus. Mae’n parhau i wirfoddoli’n rheolaidd gyda Sgowtiaid 1af Sirhywi fel Arweinydd Ifanc, gan ddangos ei ymrwymiad i ddatblygu ieuenctid a’r gymuned. I helpu i ariannu ei astudiaethau, mae James yn treulio ei hafau yn gweithio fel achubwr bywyd dŵr agored.
Aelodaeth pwyllgor: Cwricwlwm ac Ansawdd
Seren – Aelod Fyfyriwr
Ar hyn o bryd mae Seren yn astudio Safon Uwch: Celf, Seicoleg, Bagloriaeth Cymru ac Iechyd a Gofal Cymdeithasol yng Ngholeg y Cymoedd. Eu nod mewn bywyd yw bod yn athrawes.
Ar ôl cael profiad o fod mewn Gofal, gall Seren gynnig mewnwelediad pwysig ar rai o’r heriau y gallai ein dysgwyr fod yn eu hwynebu.
Aelodaeth pwyllgor: Archwilio (Is-Gadeirydd)
Lynne Wakefield – Aelod Busnes
Aelodaeth pwyllgor: Cwricwlwm ac Ansawdd (Is-Gadeirydd)
Gareth Reynolds – Aelod o’r gymuned
Mae gyrfa Gareth wedi ymwneud yn gyfan gwbl â dysgu, gan ddechrau gyda TAR (AG) yn 2005 ar Gampws Cyncoed UWIC ar y pryd. Mae wedi dal rolau amrywiol, gan gynnwys naw mlynedd fel Pennaeth Adran yng Ngholeg De Swydd Gaerloyw a Stroud a Phennaeth Cynorthwyol dros dro ysgol uwchradd.
Ers 2019, mae Gareth wedi gweithio fel Rheolwr Datblygu Cwricwlwm yn Pearson, gan gefnogi darpariaeth Colegau AB, Canolfannau Prifysgol, Awdurdodau Lleol, Chweched Dosbarth, Colegau Technegol Prifysgol a Sefydliadau Technoleg yn Ne Orllewin Lloegr, De Cymru, ac Ynysoedd y Sianel. Yn ddiweddarach daeth yn Arweinydd Cynnyrch ar gyfer Chwaraeon a Gweithgarwch Corfforol, gan gyfuno ei ddiddordebau â phortffolio cymhwysol, technegol, arbenigol a digidol. Yn gynnar yn 2023, cymerodd rôl Uwch Reolwr Cynnyrch ar gyfer Trawsnewid Digidol.
Gan barhau â’i ddysgu, enillodd MSc mewn Hyfforddi Chwaraeon fel dysgwr aeddfed ac yn ddiweddar cwblhaodd MBA amgen. Mae Gareth hefyd yn Ymddiriedolwr ar gyfer MAT yn Lloegr. Mae’n gyn-aelod o Bwyllgor Datblygiad Proffesiynol CIMSPA, ac yn gyn-athletwr a hyfforddwr carate rhyngwladol.
Aelodaeth pwyllgor: Archwilio
James Dunn (cyfetholedig)
Aelodaeth pwyllgor: Cwricwlwm ac Ansawdd
Helen Lawless (cyfetholedig)
Mae Helen yn Bennaeth Ysgol yng Ngholeg Gwent ac mae wedi gweithio ym myd addysg ers bron i 34 mlynedd. Mae ganddi ymagwedd sy’n canolbwyntio ar y dysgwr ym mhob agwedd ar ei swydd.
Yn ei rôl bresennol fel Pennaeth Ysgol, mae’n gyfrifol am ddatblygu’r cwricwlwm a sicrhau ansawdd ym meysydd Trin Gwallt, Therapi Harddwch, Colur Theatrig a’r Cyfryngau, Therapïau Cyflenwol a Sba, Estheteg, Lletygarwch ac Arlwyo a Theithio a Thwristiaeth ac mae’n rheoli dros 30 o staff.
Mae Helen yn ymwneud yn weithredol â Grŵp PAN Cymru lle mae holl reolwyr colegau’r sector yn cyfarfod bob tymor i drafod a rhannu arfer dda ac mae hi hefyd yn rhan o Adolygiadau Cymwysterau Cymru Gyfan gyda Cymwysterau Cymru. Mae ganddi hefyd gysylltiadau cryf â chyflogwyr lleol a cholegau eraill yn y DU.
Mae Helen a’i thimau yn gefnogol iawn i gystadlaethau Ysbrydoli Sgiliau Cymru a UK Skills/World Skills Byd ac yn cymryd rhan ynddynt ac mae’n frwd dros wella profiad y dysgwr i bobl ifanc.
Aelodaeth pwyllgor: Adnoddau
Sara Moggridge (cyfetholedig)
Mae gan Sara brofiad helaeth mewn Addysg Uwch, yn fwyaf diweddar fel Cofrestrydd Academaidd ym Mhrifysgol De Cymru.
Mae hi’n arbenigo mewn cydymffurfiaeth reoleiddiol, llywodraethu, ac arweinyddiaeth gwasanaethau academaidd a myfyrwyr. Ymhlith ei gwaith pwyllgor mae’r Bwrdd Academaidd, y Grŵp Strategaeth Ddigidol, Iechyd a Diogelwch, Diogelwch Gwybodaeth, Sicrwydd Ansawdd, a Dysgu ac Addysgu, gan adlewyrchu ei hymrwymiad cryf i oruchwyliaeth effeithiol ac atebolrwydd sefydliadol.
Aelodaeth pwyllgor: Adnoddau
Swydd wag (cyfetholedig)
Aelodaeth pwyllgor: Cwricwlwm ac Ansawdd
Alexandra Roberts (cyfetholedig)
Dechreuodd Alexandra ei gyrfa mewn Recriwtio ac Allgymorth Addysg Uwch yn 2010. Gyda dros ddegawd o brofiad yn cefnogi cymunedau lleol a grwpiau difreintiedig i gael mynediad at Addysg Uwch, Addysg Bellach a hyfforddiant, mae Alexandra wedi gweithio gydag unigolion o bob cefndir, ledled Cymru a’r DU yn fwy eang.
Astudiodd Alexandra fel Actor ym Mhrifysgol Cymru Y Drindod Dewi Sant, cyn ymuno â’u Tîm Ehangu Mynediad, ac yn ddiweddarach symudodd i Brifysgol De Cymru
Gyda angerdd am botensial trawsnewidiol dysgu gydol oes, mae Alexandra yn eiriol dros Fynediad teg a Llais y Dysgwr.
Aelodaeth pwyllgor: Archwilio
Claire Hall (cyfetholedig)
Cymhwysodd Claire fel nyrs gofrestredig yn 2008 ar ôl cwblhau BSc mewn Nyrsio Oedolion ym Mhrifysgol Caerdydd. Ers hynny mae hi wedi cyflawni MSc mewn Nyrsio Iechyd Cyhoeddus Arbenigol (Ymweliadau Iechyd) a Tystysgrif Ôl-raddedig mewn Addysg i Weithwyr Gofal Iechyd Proffesiynol o Brifysgol De Cymru.
Drwy gydol ei gyrfa nyrsio, mae Claire wedi ennill profiad mewn lleoliadau uwchradd a chymunedol. Yn fwyaf diweddar, mae hi wedi cymryd rôl Rheolwr Profiad a Gwella Lleoliadau yn Addysg a Gwella Iechyd Cymru (AaGIC). Yn rhinwedd y swydd hon, mae Claire yn cydweithio â sefydliadau Addysg Uwch, byrddau iechyd, ymddiriedolaethau, a’r sector annibynnol ledled Cymru. Mae ei gwaith yn canolbwyntio ar sicrhau bod myfyrwyr gofal iechyd israddedig yn elwa ar brofiadau mewn lleoliadau amrywiol o ansawdd uchel, gan gyfrannu yn y pen draw at ddatblygu gweithlu gofal iechyd sy’n barod i gwrdd â heriau a chyfleoedd ymarfer modern.
Pwyllgor Cwricwlwm ac Ansawdd
Pwyllgor Chwilio
Pwyllgor Adnoddau
Pwyllgor Archwilio
Pwyllgor Taliadau
Mae Coleg y Cymoedd yn croesawu ceisiadau gan bobl â diddordeb sy’n dymuno cael eu hystyried ar gyfer aelodaeth o’r Corff Llywodraethol.
E-bostiwch gopi o’ch CV at:- Jennifer Owen, Swyddog Llywodraethu jennifer.owen@cymoedd.ac.uk a chwblhau’r ffurflen gais ar-lein.
Aberdâr
Stryd Wellington
Aberdâr
Rhondda Cynon Taf
CF44 8EN
Nantgarw
Heol y Coleg
Parc Nantgarw
Caerdydd
CF15 7QY
Rhondda
Llwynypia
Tonypandy
Rhondda Cynon Taf
CF40 2TQ
Ystrad Mynach
Heol y Twyn
Ystrad Mynach
Hengoed
CF82 7XR
