Cymorth Ariannol

BETH SYDD ANGEN I CHI WYBOD

Mae’r Gronfa Ariannol Wrth Gefn yn gefnogaeth i ddysgwyr 16+ oed ar gwrs Addysg Bellach LLAWN AMSER. Darperir y gronfa gan Lywodraeth Cymru i golegau er mwyn cefnogi dysgwyr. Mae’r gronfa’n gyfyngedig a gall newid, codi neu ostwng o dymor i dymor oherwydd lefel y cyllid y mae’r Coleg yn ei dderbyn bob blwyddyn. (Nid yw Dysgwyr Addysg Uwch yn gymwys ar gyfer y gronfa hon).

Rhennir cymorth y Gronfa Ariannol Wrth Gefn yn ddau faes, gweler isod gan fod ychydig o bethau y bydd angen ichi eu gwirio i sicrhau eich bod yn gymwys i wneud cais:

CYMORTH PRYDAU AM DDIM:
Cyn i chi wneud cais am Brydau Am Ddim gwnewch yn siŵr eich bod yn gymwys i wneud cais. Rhaid eich bod yn derbyn unrhyw un o’r canlynol, cyn belled â nad yw cyfanswm incwm blynyddol eich cartref yn fwy na £16,390:

• Cymhorthdal Incwm
• Lwfans Ceisio Gwaith yn seiliedig ar incwm
• Lwfans Cyflogaeth a Chymorth sy’n gysylltiedig ag incwm
• Cymorth o dan Ran VI Deddf Mewnfudo a Lloches 1999
• Elfen warantedig y Credyd Pensiwn
• Credyd Treth Plant (ar yr amod nad oes gennych yr hawl hefyd i Gredyd Treth Gwaith a bod cyfanswm eich incwm blynyddol yn llai na £16,390)
• Credyd Treth Gwaith (ar yr amod bod cyfanswm eich incwm blynyddol yn llai na £16,390)
• Credyd Treth Gwaith dilynol – a delir am 4 wythnos ar ôl ichi beidio â bod yn gymwys ar gyfer Credyd Treth Gwaith
• Credyd Cynhwysol – os gwnewch gais ar 1 Ebrill 2018 neu ar ôl hynny, rhaid i incwm eich cartref fod yn llai na £7,400 y flwyddyn (ar ôl treth a heb gynnwys unrhyw fudd-daliadau a gewch)

Gall pobl ifanc sydd am dderbyn y budd-daliadau hyn yn uniongyrchol, yn lle drwy riant neu warcheidwad, wneud cais hefyd.

Er mwyn cefnogi’ch cais efallai y bydd angen ichi ddarparu un o’r canlynol fel tystiolaeth:

• copi o’r dudalen ” Sut mae’ch Cymhorthdal Incwm/Lwfans Ceisio Gwaith yn cael ei gyfrifo” o lythyr diweddar. Os nad oes gennych y dudalen hon, cysylltwch â’ch Asiantaeth Budd-daliadau lleol
• eich Hysbysiad Dyfarniad Treth cyfredol. Os nad oes gennych y ddogfen hon, cysylltwch â’r Llinell Gymorth Cyllid y Wlad ar 0845 300 3900

Pan fyddwch chi’n gwneud cais, mae’n rhaid ichi uwchlwytho’ch tystiolaeth i’r ffurflen gais. Os na fyddwch chi’n uwchlwytho’ch tystiolaeth, ni ellir prosesu’ch cais.

CYMORTH ARALL:
Os ydych yn derbyn LCA (Lwfans Cynhaliaeth Addysg) neu GDLlC (Grant Dysgu Llywodraeth Cymru) ac os ydych wedi llofnodi eich cytundeb dysgwr gyda’r Coleg, gallwch wneud cais am y canlynol heb uwchlwytho tystiolaeth i’r ffurflen gais.
Cymorth Teithio: Gallwch hawlio cost lawn y cit yn ôl
Cymorth DBS: gallwch hawlio’r gost am DBS lawn yn ôl
Cymorth Gofal Plant: Bydd y Coleg yn eich helpu gyda ffioedd gofal plant hyd at uchafswm o £50 y dydd. Nodwch y canlynol os gwelwch yn dda:

• Os dewiswch ddarparwr gofal plant sy’n codi mwy na’r uchafswm o £50 y diwrnod, cyfrifoldeb y dysgwr fydd talu unrhyw ffioedd ychwanegol uwchlaw’r uchafswm a ddyrennir gan y Coleg.
• Nid yw’r Coleg yn talu ffioedd cadw na ffioedd gwyliau. Cyfrifoldeb y dysgwr yw talu’r rhain hefyd.
• Mae’r gyllideb ar gyfer Cymorth Gofal Plant yn gyfyngedig ac fe’i dyrennir ar sail y cyntaf i’r felin.
• Nid yw’r Coleg yn derbyn unrhyw atebolrwydd am y dewis o ddarparwr gofal plant y mae’r dysgwr yn ei ddewis.
• Nid yw’r Coleg yn derbyn unrhyw atebolrwydd am y gofal a ddarperir gan y darparwr gofal plant rydych chi’n ei ddewis i ofalu am eich plentyn.
• Dim ond ar gyfer y cyfnodau y mae’r myfyriwr yn ‘bresennol’ ar gofrestr y Coleg y mae’r Coleg yn talu am ffioedd.
• Cyfrifoldeb y dysgwr yw sicrhau ei fod yn fodlon â’r darparwr gofal plant cyn ymrwymo i gytundeb cyfreithiol priodol gyda’r darparwr Gofal Plant.

Mae ffurflenni cais ar gyfer 22-23 ar gael yma drwy eich Cyfrif Prospect neu https://learnerhub.cymoedd.ac.uk/Page/U_FCFOoverview

Hefyd, gallwch gael rhagor o wybodaeth gan eich tîm Gwasanaethau Dysgwyr a Champws a leolir yn Nerbynfa eich Campws.

Os bydd eich cais yn llwyddiannus, byddwch yn derbyn e-bost o gymeradwyaeth gan y Swyddog Grantiau yn cadarnhau’r math o gymorth rydych wedi’ch cymeradwyo ar ei gyfer a chyfarwyddiadau ynghylch beth i’w wneud nesaf.