Mae Coleg y Cymoedd yn cyhoeddi tendrau lle bo hynny’n briodol ar gyfer amrywiol gontractau a chytundebau. Hefyd, mae gennym fynediad at fframweithiau a chytundebau sector cyhoeddus.

Fel corff sector cyhoeddus mae’r Coleg yn cydymffurfio â Chyfarwyddebau’r UE ar gyfer gwaith, nwyddau a gwasanaethau sy’n uwch na’r trothwyon. Mae unrhyw dendrau sy’n uwch na’r trothwyon yn cael eu hysbysebu ar Sell2Wales.

Polisi dim archeb prynu, dim tâl

Ni allwn eich talu chi heb rif archeb prynu ddilys (rhif PO). Rhaid ichi gael y rhif hwn gennym ni a’i ddyfynnu ar yr anfoneb inni.

Sicrhewch eich bod yn dyfynnu’r rhif PO perthnasol ar gyfer yr archeb benodol ac nad ydych yn dyfynnu hen rifau PO yn anfwriadol ar gyfer archebion newydd. Bydd hyn yn sicrhau y gallwn eich talu cyn gynted â phosibl.

Beth os na fyddaf yn derbyn archeb prynu?

Polisi’r Coleg yw bod yn rhaid gwneud pob cais am nwyddau a gwasanaethau gan ddefnyddio archeb prynu swyddogol. Dylech ofyn am archeb prynu cyn cyflenwi unrhyw nwyddau neu wasanaeth i’r Coleg. Os nad ydych wedi gwneud hynny, dylid cael rhif archeb prynu gan eich cyswllt yn y Coleg cyn gynted â phosibl.

Dim ond nwyddau a gwasanaethau a brynir drwy’r Cerdyn Prynu sydd wedi’u heithrio.

Sut olwg sydd ar rif yr archeb prynu?

Bydd gan rif PO dilys o’r Coleg wyth digid.

Beth fydd yn digwydd i’m hanfoneb os na ddyfynnaf rif archeb prynu ddilys?

Bydd anfonebau heb rif PO dilys yn cael eu dychwelyd i’r cyflenwr a rhaid iddynt wedyn gael rhif PO dilys. Dim ond ar ôl derbyn anfoneb ddilys (gan ddyfynnu Rhif PO) y bydd telerau talu yn cychwyn a fydd yn golygu oedi o ran eich talu.

Beth yw telerau talu’r Coleg?

Ein telerau talu safonol yw 30 diwrnod ar ôl derbyn anfoneb ddiamheuol gywir.

Beth yw dull talu’r Coleg?

Gwneir pob taliad drwy BACS.