Y Gymraeg

Cymraeg yng Ngholeg y Cymoedd

Croeso i Goleg y Cymoedd!

Cwrdd â’r Tîm

Lois Roberts
Rheolwr y Gymraeg or staff) Tutor
Yr hyn rwy’n ei wneud:

Rydw i’n rheoli Tîm y Gymraeg. Mae’r tîm yn gyfrifol am ddatblygu’r ddarpariaeth cyfrwng-Cymraeg a dwyieithog; amddiffyn hawliau siaradwyr Cymraeg a chreu cyfleoedd i ddysgwyr a staff gadw a gwella eu sgiliau Cymraeg.

E-bost: lois.roberts@cymoedd.ac.uk

Ffôn: 01443 810127

Alison Kitson
Tiwtor Cymraeg (i staff)
Yr hyn rwy’n ei wneud:

Rydw i’n cyflwyno’r rhaglen Cymraeg Gwaith i staff y Coleg ar wahanol lefelau ac yn cynnig cyfleoedd anffurfiol i ddysgwyr ddysgu Cymraeg.

E-bost: alison.kitson@cymoedd.ac.uk

Ffôn: 01443 810070

Gethin Gwyn
Tiwtor Cymraeg Gwaith (i fyfyrwyr)
Yr hyn rwy’n ei wneud:

Fy mhrif gyfrifoldeb yw cyflwyno’r Gymraeg i weithlu’r dyfodol, gan gynnig cymhwyster dwyieithog gwerthfawr i fyfyrwyr, fel y gallwn gynnig gwasanaeth gofal cwsmeriaid dwyieithog gwerthfawr.

E-bost: gethin.gwyn@cymoedd.ac.uk

Liam Higgins
Swyddog Datblygu Dwyieithrwydd or staff) Tutor
Yr hyn rwy’n ei wneud:

Fi yw swyddog cangen y Coleg Cymraeg Cenedlaethol o fewn Coleg y Cymoedd. Fy rôl i yw i helpu hyrwyddo’r iaith Gymraeg a’i diwylliant ledled y coleg drwy gynnal gweithgareddau a digwyddiadau ar gyfer myfyrwyr a staff.

E-bost: Liam.Higgins@cymoedd.ac.uk

Cwrdd â Llysgenhadon y Gymraeg

Iestyn Wilmot

Lefel 3 mewn Teithio a Thwristiaeth gyda Chriw Caban Awyr

Llinos Maynard

Lefel A – Astudiaethau crefyddol, cymdeithaseg a iechyd a gofal

Elan Evans

Lefel 1 Chwaraeon

Sophia Davies

Lefelau A – Cymdeithaseg, Iechyd a Gofal, ac Saesneg

Carys Roach

Lefel 2 Mynediad Sgiliau ar gyfer Astudiaeth Bellach (Gwyddoniaeth)

Mae croeso mawr ichi gysylltu â ni!

Fel coleg a leolir yng Nghymru, credwn ei bod yn bwysig dathlu ein treftadaeth falch a bod yn rhagweithiol wrth helpu ein dysgwyr i ddefnyddio eu sgiliau Cymraeg yn y dosbarth a’r tu allan i’r dosbarth – p’un a ydynt yn siaradwyr Cymraeg rhugl neu ddim ond yn gwybod tipyn bach. Mae gallu siarad Cymraeg yn cael ei werthfawrogi fwyfwy fel sgil ychwanegol yn y gweithle, felly gall cadw eich sgiliau Cymraeg fod yn fantais wirioneddol i chi yn y dyfodol.Felly, beth sydd angen ichi ei wybod am y Gymraeg yn y Coleg? Mae’r llyfryn hwn yn cynnwys yr holl wybodaeth ddiweddaraf.

Astudio drwy gyfrwng y Gymraeg neu’n ddwyieithog

Mae rhai pethau y gallwch chi eu hastudio drwy gyfrwng y Gymraeg neu’n ddwyieithog (yn amodol ar niferoedd hyfyw):-

Opsiynau dwyieithog newydd ar Lefel 2 a 3 ym maes Gofal Plant (a ariennir gan y Coleg Cymraeg Cenedlaethol)
Opsiynau dwyieithog newydd ar Lefel 2 a 3 ym maes Iechyd a Gofal Cymdeithasol (a ariennir gan y Coleg Cymraeg Cenedlaethol)
Opsiynau dwyieithog newydd ar Lefel 2 a 3 ym maes Gwasanaethau Cyhoeddus (a ariennir gan y Coleg Cymraeg Cenedlaethol)
Opsiynau dwyieithog newydd ar Lefel 2 a 3 ym maes Chwaraeon (a ariennir gan y Coleg Cymraeg Cenedlaethol)
Dosbarth ailsefyll TGAU Mathemateg cyfrwng-Cymraeg
Grwpiau Bagloriaeth Cymru dwyieithog ar lefel Uwch Gyfrannol a Safon Uwch drwy’r Ganolfan Safon Uwch;
Safon Uwch ac Uwch Gyfrannol yn y Gymraeg (Ail iaith)
Unedau Gofal Cwsmeriaid Cymraeg o’r enw Cymraeg Gwaith ar draws pob maes galwedigaethol. Mae’r rhain ar gyfer siaradwyr Cymraeg a’r rhai nad ydynt yn siarad Cymraeg fel ei gilydd.

Cymorth a Chefnogaeth

Felly, beth allwn ni ei wneud yn y Coleg i’ch helpu chi i gynnal neu wella’ch sgiliau Cymraeg neu i ddysgu ychydig o Gymraeg os nad ydych chi wedi ei dysgu o’r blaen?

Aelodaeth o’r Coleg Cymraeg Cenedlaethol
Mynediad at lu o adnoddau a ddarperir gan Goleg y Cymoedd a’r Coleg Cymraeg Cenedlaethol
Rhestrau o dermau dwyieithog
Cyfleoedd i ddysgwyr sy’n siarad Cymraeg ddefnyddio a datblygu eu sgiliau iaith mewn ffordd anffurfiol drwy fynychu ein clwb gweithgareddau cyfrwng-Cymraeg ar-lein, sef Clwb Cymraeg y Cymoedd
Cyfleoedd i ddysgwyr ddysgu Cymraeg drwy’r Ganolfan Dysgu Cymraeg Genedlaethol
Calendr o ddigwyddiadau Cymreig a Chymraeg drwy gydol y flwyddyn
Cyfle i siaradwyr Cymraeg gael eu cyflogi fel Llysgenhadon Cymraeg y Coleg Cymraeg Cenedlaethol

Eich Iaith; Eich Hawl

Mae’r Gymraeg yn perthyn i chi. O dan Fesur y Gymraeg (Cymru) 2011, mae gennych yr hawl i gael gwasanaethau a chymorth drwy gyfrwng y Gymraeg os mai dyna yw eich dymuniad. Fel coleg, hoffem eich annog i fanteisio ar yr hawliau hyn yn ystod eich amser gyda ni. Mae gennych yr hawl i’r canlynol:

Llythyrau, ffurflenni a gohebiaeth gan y Coleg yn Gymraeg
Llyfryn croeso a phrosbectws yn Gymraeg
Ymgeisio am gymorth ariannol yn Gymraeg
Tiwtor personol sy’n siarad Cymraeg
Mynediad at wasanaeth cwnsela cyfrwng-Cymraeg
Cyfarfodydd sy’n ymwneud â chwynion, materion disgyblu a chefnogaeth yn Gymraeg

Ac, yn amodol ar gymeradwyaeth corff dyfarnu eich cwrs, mae gennych yr hawl i’r canlynol:

Cyflwyno gwaith yn Gymraeg
Tystysgrifau yn Gymraeg

Calendr o ddigwyddiadau Cymraeg a Chymreig

Yma, yng Ngholeg y Cymoedd mae gennym galendr o ddigwyddiadau er mwyn dathlu ein cymreictod. Dyma restr o rai ohonynt. Ymunwch yn y dathlu ar draws y Coleg!

16 Medi – Diwrnod Owain Glyndŵr

15 Hydref – Diwrnod Shwmae Sumae

7 Rhagfyr – Diwrnod Hawliau’r Gymraeg

11 Rhagfyr – Diwrnod Llywelyn ein Llyw Olaf

25 Ionawr Diwrnod Santes Dwynwen

10 Chwefror – Dydd Miwsig Cymru

1 Mawrth – Dydd Gwyl Dewi

27 Chwefror – 3 Mawrth – Wythnos Gymreig

29 Mai – 3 Mehefin – Eisteddfod yr Urdd

Mehefin – Ffiliffest

Gorffennaf – Party Ponty

5-2 Awst – Eisteddfod Genedlaethol

Gwefannau defnyddiol

Coleg Cymraeg Cenedlaethol – Mae’r Coleg yn gweithio ledled Cymru i ddatblygu cyfleoedd cyfrwng Cymraeg i fyfyrwyr. Mae’n ariannu darlithwyr cyfrwng Cymraeg ac yn cynnig ysgoloriaethau i fyfyrwyr astudio trwy gyfrwng y Gymraeg. http://www.colegcymraeg.ac.uk/cy/

Cysill and Cysgeir – Gwiriwr sillafu Cymraeg a geiriadur – sydd ar gael ar holl gyfrifiaduron y Coleg dan y ffolder ‘Cysgliad’. Maent hefyd ar gael ar-lein https://www.cysgliad.com/

Y Termiadur Addysg – Terminoleg ar gyfer y byd addysg http://www.termiaduraddysg.org/

Llywodraeth Cymru – pob math o wybodaeth am ddeddfwriaeth a strategaethau Cymraeg. https://llyw.cymru/y-gymraeg/

Selar – Gwybodaeth ddiweddaraf a newyddion am y sîn gerddoriaeth gyfoes Gymreig. https://selar.cymru/ Wicipedia – Fersiwn Cymraeg Wikipedia https://cy.wikipedia.org/wiki/Hafan

Golwg 360 – Cylchgrawn wythnosol Cymraeg ar-lein https://golwg360.cymru/

Menter Iaith Rhondda Cynon Taf – sefydliad lleol yn RhCT sy’n annog brwdfrydedd lleol i ddefnyddio mwy o Gymraeg – maent yn trefnu pob math o weithgareddau ar gyfer pob oed. http://www.menteriaith.cymru

Menter Iaith Caerffili – sefydliad lleol yn ardal Caerffili sy’n annog brwdfrydedd lleol i ddefnyddio mwy o Gymraeg – maent yn trefnu pob math o weithgareddau ar gyfer pob oed. http://www.mentercaerffili.cymru/

S4C – Y sianel deledu Gymraeg http://www.s4c.cymru/

Y Ganolfan Dysgu Cymraeg Genedlaethol – https://dysgucymraeg.cymru/

Mae’ Coleg Cymraeg yn creu cyfleoedd hyfforddi ac astudio yn y Gymraeg ac yn ysbrydoli dysgwyr,
myfyrwyr a phrentisiaid i ddefnyddio’r sgiliau Cymraeg sydd ganddyn nhw.
Rydym yn ddiolchgar i’r Coleg Cymraeg Cenedlaethol am y buddsoddiad a’r
gefnogaeth. Gallwch ddarllen mwy am with y Coleg Cymraeg Cenedlaethol
yma.