Gyda gofid, ac ar ôl ystyried ac ymgynghori’n ofalus, rydyn ni’n cyhoeddi y bydd y feithrinfa ar gampws Ystrad Mynach yn cau o ddiwedd y flwyddyn academaidd hon (31 Gorffennaf 2024). Cyn gwneud y penderfyniad hwn, buom yn archwilio modelau gwahanol gyda rheolwyr y feithrinfa i benderfynu a allem fabwysiadu agwedd fwy hyblyg at y ddarpariaeth.

Gyda’r gostyngiad yn y galw am leoedd a chostau cynyddol, daethom i’r casgliad nad yw bellach yn ariannol hyfyw i barhau i gynnal y colledion ar gyfer gwasanaeth di-graidd.

Gall dysgwyr cymwys barhau i gael cymorth ariannol ar gyfer gofal plant mewn darpariaeth amgen. Cysylltwch â Gwasanaethau Dysgwyr a Champws ar 01443 816888 neu anfonwch e-bost at enquiries@cymoedd.ac.uk am ragor o wybodaeth.

Roedd yr adborth a gawsom yn ystod y broses ymgynghori yn pwysleisio gwerth y coleg a’r gymuned ehangach i’r ddarpariaeth a’r gwerthfawrogiad ohoni. Rydyn ni’n cytuno’n llwyr ac yn ddiolchgar i’r staff ymroddedig am eu hymrwymiad ac am y gofal plant o ansawdd uchel y maent wedi’i ddarparu dros y 29 mlynedd diwethaf.