ReACT

Os ydych wedi colli eich swydd, efallai y bydd gennych hawl i gael arian gan ReAct i ailhyfforddi neu ddiweddaru eich sgiliau. Os oes gennych gyflogwr newydd mewn golwg, gallent gael arian hefyd tuag at eich cyflog a hyfforddiant pellach.

Beth yw ReAct?

Mae ReAct yn darparu pecyn o gefnogaeth sy’n eich helpu i feithrin sgiliau newydd, goresgyn rhwystrau a gwella’ch siawns o ddychwelyd i’r gwaith cyn gynted ag y bo modd wedi ichi gael eich diswyddo.

Beth sydd ar gael?

Mae’r cymorth ariannol canlynol ar gael o dan ReAct*:

100% o’r costau hyfforddi i ddysgu sgiliau newydd (hyd at gyfanswm o £1,500)
cymorth tuag at dalu costau teithio i gyrsiau hyfforddi
costau llety dros nos, lle bo hynny’n briodol
cyfraniad tuag at gostau gofal plant tra bod cyrsiau hyfforddi yn cael eu mynychu (yn amodol ar gyfyngiadau a thelerau)
cymorth i dalu am gyfarpar arbennig sy’n angenrheidiol er mwyn ymgymryd â’r hyfforddiant

Os byddwch yn cael cynnig swydd ar ôl colli eich swydd yn ystod y 3 mis diwethaf, gallai eich cyflogwr newydd gael arian am eich cyflogi chi. Mae elfen Recriwtio a Hyfforddi ReAct yn gallu cynnig y canlynol i’ch cyflogwr*:

Hyd at £3000 am eich cyflogi
Hyd at £1000 tuag at gostau hyfforddi

* Trafodwch yr opsiynau cymorth ariannol sydd ar gael gyda’ch Cynghorydd Gyrfa

Sut i wneud cais

Os hoffech wneud cais am grant Hyfforddiant Galwedigaethol ReAct, yn gyntaf mae’n rhaid ichi weld eich Cynghorydd Gyrfa Oedolion yn eich swyddfa Gyrfa Cymru leol. Cysylltwch â nhw ar 0800 028 4844 i wneud apwyntiad. Bydd Gyrfa Cymru yn darparu eich pecyn cais.

Gallwch weld yr holl gyrsiau sydd ar gael o dan gyllid ReAct yma.

Os yw’ch darpar gyflogwr yn dymuno gwneud cais am Gymorth Recriwtio a Hyfforddi i Gyflogwyr, bydd angen iddynt gysylltu â Llywodraeth Cymru ar 03000 255 888.

I siarad ag aelod o’n tîm, ffoniwch ni ar 01443 663128 neu anfonwch e-bost at bis@cymoedd.ac.uk