Partneriaethau

Eich porth i hyfforddiant a chymwysterau a gydnabyddir gan y diwydiant – Ar gael drwy gydol y flwyddyn.

Helpu unigolion a busnesau i dyfu drwy hyfforddiant arbenigol, prosiectau a ariennir, a mannau hyblyg ar gyfer digwyddiadau amrywiol. Archwiliwch ein gwasanaethau neu siaradwch ag aelod o’n tîm.

Mae ceisiadau am gyllid PLA ar agor – gwnewch gais nawr

Cymerwch y cam nesaf heddiw gyda hyfforddiant wedi’i ariannu’n llawn sydd wedi’i gynllunio i’ch helpu i uwchsgilio neu ailhyfforddi. Gwnewch gais mewn munudau a dewiswch o blith amrywiaeth o gyrsiau ar draws pob diwydiant.

Gweld cyrsiau PLA a gwneud cais am gyllid

Partneriaethau yng Ngholeg y Cymoedd

Darganfyddwch sut y gall Coleg y Cymoedd helpu eich busnes i ddarparu hyfforddiant yn y gweithle a mwy.

Hyfforddiant diwydiant

Archwiliwch ein portffolio o gyrsiau, yn amrywio o gyrsiau byr sy’n hanfodol i’r diwydiant i ddiplomâu lefel uwch.

Chwilio am gyrsiau masnachol

Cyllid

Dewch o hyd i gyfleoedd cyllido ac adnoddau eraill a all helpu i dalu cost eich hyfforddiant.

Dod o hyd i gyfleoedd ariannu

Llogi ystafelloedd a digwyddiadau

Angen gofod? Mae gan Goleg y Cymoedd ystafelloedd, awditoria a chyfleusterau eraill y gallwch eu llogi ar gyfer cyfarfodydd, cynadleddau a digwyddiadau.

Llogi ystafell

Rhagor o wybodaeth…

Cysylltu â ni
Faint mae hyfforddiant yn ei gostio?
Prentisiaethau

Pam ddylwn i ddewis Partneriaethau yng Ngholeg y Cymoedd?

O hyfforddiant dan arweiniad arbenigwyr i gynnal digwyddiadau a llogi ystafelloedd, mae ein tîm yn gweithio mewn partneriaeth â diwydiant i gynnig atebion ymarferol sy’n gyrru canlyniadau. P’un a ydych chi’n awyddus i uwchsgilio, cael gafael ar gyllid neu ddod o hyd i’r lleoliad perffaith ar gyfer eich cyfarfod neu ddigwyddiad nesaf, rydyn ni yma i hwyluso hynny.

Mynediad at gyllid

Gydag ystod eang o opsiynau cyllido ar gael, mae ein cyfleoedd hyfforddi wedi’u cynllunio i fod yn fforddiadwy ac yn hygyrch i bawb.

Cyfleusterau busnes i’w llogi

Mae ein Tîm Digwyddiadau ymroddedig yn sicrhau gwasanaeth, gwerth am arian a chefnogaeth eithriadol i sicrhau llwyddiant eich digwyddiad. Ar draws ein 4 campws, rydyn ni’n cynnig ystafelloedd cynadledda modern, awditoria a chyfleusterau arbenigol, pob un gyda pharcio am ddim a chysylltiadau trafnidiaeth ardderchog, ac opsiynau arlwyo llawn.

Arbenigwyr diwydiant

Mae ein cyrsiau yn cael eu harwain gan weithwyr proffesiynol profiadol yn y diwydiant sy’n dod â’u harbenigedd yn fyw gyda phrofiad a straeon personol o’r byd go iawn.

Cyfleoedd rhyngwladol

Gall ein dysgwyr fwynhau profiadau rhyngwladol unwaith mewn oes i gyfoethogi eu haddysg, cryfhau sgiliau meddal hanfodol, ac ehangu eu rhwydwaith byd-eang. Mae’r cyfleoedd hyn wedi’u hariannu’n llawn.

Faint mae hyfforddiant yn ei gostio?

Rydyn ni’n cynnig ffioedd cwrs cystadleuol gyda chynlluniau rhandaliadau hyblyg i wneud dysgu yn hygyrch. Hefyd, drwy gydol y flwyddyn, mae gyda ni gynigion arbennig. Am y gwerth gorau, rydyn ni’n argymell siarad â’n tîm i gael clywed am y gostyngiadau sydd ar gael ac opsiynau archebu grŵp.

Rydyn ni’n cynnig amrywiaeth o opsiynau cyllido y gellir eu cymhwyso i’r rhan fwyaf o lwybrau hyfforddi. O gyllid Cyfrif Dysgu Personol ar gyfer unigolion i gefnogaeth wedi’i deilwra i fusnesau ac aelodau’r lluoedd arfog, yn ogystal ag academïau bŵtcamp a phrosiectau cymunedol wedi’u hariannu – mae rhywbeth at ddant pawb. Archwiliwch ein hystod lawn o gyfleoedd cyllido isod.

Cyrsiau’r Cynllun Credydau Dysgu Uwch (ELCAS) ar gyfer aelodau’r lluoedd arfog.
Bwrdd Hyfforddi’r Diwydiant Adeiladu (CITB) Grant i helpu i ariannu cyrsiau ar gyfer eich busnes.
Tata Steel UK Cefnogi gweithwyr Tata Steel i ennill sgiliau drwy gyllid PLA.
Cymorth Cyfrif Dysgu Personol i unigolion uwchsgilio neu ailhyfforddi.
Rhaglen Sgiliau Hyblyg Cymorth ariannol i helpu i uwchsgilio’ch staff.

Cysylltu â’r Tîm Partneriaethau

Gallwch ddod o hyd i Dîm Partneriaethau Coleg y Cymoedd ar gampws Ystrad Mynach. Rydyn ni’n cefnogi dysgwyr a sefydliadau gydag ystod eang o wasanaethau sy’n gysylltiedig â busnes ar draws y pedwar campws.