Rhieni a Gofalwyr

Rydyn ni’n falch iawn bod eich plentyn yn ystyried dod i Goleg y Cymoedd fel eu cam nesaf ar eu taith addysg. Mae dod i’r coleg yn cynnig llawer o gyfleoedd ac mae hefyd yn nodi dechrau bywyd mwy annibynnol ymhlith oedolion eraill.

Yng Ngholeg y Cymoedd, bydd dysgwyr yn cael eu hannog i gyrraedd eu llawn botensial, gan gynyddu eu hyder a rhoi profiadau go iawn iddyn nhw i sicrhau eu bod yn barod ar gyfer eu cam nesaf pan fyddan nhw’n gadael y coleg.

Mae ein dysgwyr yn astudio mewn cyfleusterau rhagorol, gan ddefnyddio’r dechnoleg ddiweddaraf a’u haddysgu gan staff arbenigol. Byddwn yn eu cefnogi i ennill y sgiliau a’r cymwysterau cywir i’w paratoi ar gyfer bywyd ar ôl coleg p’un a ydyn nhw’n mynd ymlaen i addysg uwch, dilyn prentisiaeth, yn cael swydd neu’n symud ymlaen i gam cyffrous nesaf eu datblygiad.

Mae ein perthynas â’r dysgwyr yn eich cynnwys chi fel eu rhiant neu warcheidwad. Byddwn yn cyfathrebu â chi yn rheolaidd er mwyn rhoi gwybod i chi am eu cynnydd.

Bydd pob dysgwr yn cael ei gefnogi gan diwtor personol i sicrhau eu bod yn aros ar y llwybr iawn i lwyddo a byddan nhw’n cael tiwtorialau un i un rheolaidd. Gallwch gysylltu â’r tiwtor personol os oes gennych unrhyw bryderon neu ymholiadau ynghylch eu cynnydd yn y coleg.

Cymorth a Chefnogaeth

Cyn iddyn nhw wneud cais i Goleg y Cymoedd, efallai y bydd gennych gwestiynau am y coleg, pa gymorth rydyn ni’n ei ddarparu, sut beth yw bywyd coleg, y broses ymgeisio neu rywbeth arall.

Rydyn ni wedi rhestru rhai o’r cwestiynau mwyaf cyffredin isod. Os oes rhywbeth rydych yn dal yn ansicr yn ei gylch, cysylltwch ag un o’n timau cyfeillgar sydd bob amser yn barod i helpu.

Diwrnodau Agored

Archwiliwch yr opsiynau sydd ar gael a dewch o hyd i’r cam nesaf cywir ar gyfer eich plentyn. Mae ein Diwrnodau Agored yn eich galluogi i weld ein cyfleusterau anhygoel ac i gwrdd â thiwtoriaid a’n timau cymorth.

mwy o wybodaeth

siarad â ni

Mae ein timau cymorth cyfeillgar yn barod i ateb unrhyw gwestiynau sydd gennych am gyrsiau, cludiant, grantiau/cymorth ariannol neu gymorth dysgu. Defnyddiwch y ffurflen ar-lein i gysylltu â ni

mwy o wybodaeth

Cwestiynau Cyffredin

Pa mor hir yw cwrs yng Ngholeg y Cymoedd?

Mae’r rhan fwyaf o’n cyrsiau yn para blwyddyn neu ddwy. Mae hyn yn dibynnu ar y cwrs a lefel y cwrs. Er mwyn gwybod union hyd y cwrs, gallwch drafod gyda’n tîm mewn Digwyddiad Agored, Digwyddiad Ymgynghori neu drwy gysylltu â ni.

Pa gymorth sydd ar gael i ddysgwyr?

Rydyn ni’n falch o’n gwasanaethau cymorth yng Ngholeg y Cymoedd. Mae ystod eang o gymorth ar gael i ddysgwyr gan gynnwys – Ariannol, Cymorth Astudio, Cymorth Dysgu, Llesiant a Diogelu, Cymorth Gyrfa, Cymorth Prifysgol. I gael rhagor o wybodaeth, ewch i’n tudalennau Cymorth: https://www.cymoedd.ac.uk/cymorth-i-ddysgwyr-2/?lang=cy

Beth os nad yw eu graddau TGAU Mathemateg neu Saesneg yn ddigon da?

Bydd dysgwyr yng Ngholeg y Cymoedd yn cael cyfle i ailsefyll eu TGAU Saesneg neu Fathemateg ochr yn ochr â’u prif gwrs. Os nad yw graddau dysgwyr yn cyfateb i’r gofynion mynediad ar gyfer y cwrs maen nhw am ei astudio, byddwn yn sgwrsio â nhw wrth iddyn nhw ymrestru i ddod o hyd i gwrs sy’n addas ar eu cyfer nhw a’u nodau.

Sut mae rhywun yn gwneud cais i Goleg y Cymoedd?

Mae gwneud cais am gwrs gyda ni yn hawdd.

Dewch o hyd i’r cwrs rydych chi am wneud cais ar ei gyfer drwy chwilio am y cwrs
Cliciwch ‘Gwneud Cais’ ar dudalen y cwrs, yna byddwch yn cael eich cyfeirio at dudalen cyfrif Dysgwr
Gallwch gyflwyno, gweld a golygu unrhyw geisiadau gyda ni yn eich cyfrif Dysgwr

I gael rhagor o wybodaeth, ewch i’n tudalen ‘Sut i Wneud Cais’

Beth sy’n digwydd ar ôl cyflwyno’r cais?

Byddan nhw’n cael neges destun/e-bost yn cydnabod eu cais gan y Tîm Derbyn. O fewn ychydig wythnosau, byddan nhw’n cael eu gwahodd i ddigwyddiad ymgynghori lle byddan nhw’n cael cyfle i siarad â staff y cwrs, cael taith o amgylch gweithdai/cyfleusterau a siarad â staff cymorth.

Cludiant – Sut gall dysgwyr gyrraedd y coleg?

Mae gan bob un o’n campysau gysylltiadau trafnidiaeth rhagorol, gyda phrif lwybrau bws a thrên o fewn pellter cerdded i bob safle. Mae meysydd parcio am ddim ar bob un o’n campysau.

Os ydyn nhw’n 18 oed ac iau, efallai y gallan nhw gael mynediad at gludiant coleg drwy eu cyngor lleol.

I gael rhagor o wybodaeth am gludiant coleg, ewch i’r dudalen Teithio i’r Coleg.

Cymorth Ariannol – A oes cymorth ar gael?

Mae amrywiaeth o gymorth ariannol a allai fod ar gael i ddysgwyr. I gael rhagor o wybodaeth, ewch i’r dudalen ‘Cymorth Ariannol’

Ydych chi’n cynnig gweithgareddau cyfoethogi/ychwanegol?

Ydyn wrth gwrs! Fel rhan o’n rhaglen CymoeddXtra, rydyn ni’n cynnig gweithgareddau ar draws pob campws, gan gynnwys timau chwaraeon, clybiau a chymdeithasau. Gallan nhw hyd yn oed ddysgu iaith newydd neu offeryn cerdd. Bydd ein gweithgareddau cyfoethogi/ychwanegol ar gael fel arfer ar ddechrau’r tymor (mis Medi). Ewch i weld sianel Instagram CymoeddXtra.

Oes gennych chi ap ar gyfer y coleg?

Oes, mae ein ap ar gael i ymgeiswyr a dysgwyr sydd wedi ymrestru. Pan fyddan nhw’n gwneud cais am gwrs gyda ni, bydd manylion am sut i gael mynediad at ap y coleg yn cael eu rhannu gyda nhw. Bydd modd iddyn nhw weld eu cais, gwneud unrhyw newidiadau os oes angen, gweld unrhyw ddyddiadau ymgynghori/cyfweliad a gweld statws eu cais.

Fydd ganddyn nhw amserlen?

Bydd, bydd amserlen yn cael ei darparu i bob dysgwr. Bydd modd gweld hwn ar ap y coleg neu drwy eu cyfrif Dysgwr

Beth yw eich gofynion mynediad ar gyfer eich cyrsiau?

Gall ein gofynion mynediad amrywio rhwng cyrsiau, ond yn gyffredinol dyma yw ein gofynion mynediad:

Lefel Mynediad – gweithio tuag at Fynediad 2
Lefel 1 – 3 TGAU A*-E
Lefel 2 – 4 TGAU A*-D
Lefel 3 – 5 TGAU A*-C
Lefel 4/5 – Cwrs Lefel 3 priodol
Lefel 6 – Cwrs Lefel 4/5 priodol

Rhagor o wybodaeth am ein Gofynion Mynediad

Cardiau Adnabod a Chortynnau Gwddf

Disgwylir i bob dysgwr sy’n astudio gyda ni wisgo eu cortynnau gwddf adnabod pan fyddan nhw ar y campws. Mae hyn yn sicrhau diogelwch yr holl staff, dysgwyr ac ymwelwyr ar y safle.

Cymorth Dysgu Ychwanegol

Mae Darpariaeth Dysgu Cyffredinol y Coleg yn cynnwys llawer o wahanol fathau o gymorth sydd ar gael i bob dysgwr. Mae ein tîm Darpariaeth Dysgu Ychwanegol cyfeillgar, profiadol a chymwys yn diwallu ystod o anghenion unigol.

Gallwch ddod o hyd i ragor o wybodaeth am ein darpariaeth dysgu ychwanegol yma.

Cefnogaeth Ffordd o Fyw Gyrfa Ddeuol

Ydych chi’n ystyried eich hun yn ddawnus / yn berfformiwr elitaidd mewn unrhyw gamp, ac yn cystadlu ar lefel ranbarthol, genedlaethol neu ryngwladol? Os mai ‘ydw’ yw’r ateb, gallwn ni helpu.

Datblygu Sgiliau yng Ngholeg y Cymoedd

Bydd dysgwyr yng Ngholeg y Cymoedd yn astudio sesiynau sgiliau craidd wythnosol yn ystod eu cwrs. Bydd y sgiliau craidd yma’n canolbwyntio ar Lythrennedd Digidol, Cyflogadwyedd neu Ailsefyll TGAU

Cymorth Dysgu

Mae Darpariaeth Dysgu Cyffredinol y Coleg yn cynnwys llawer o wahanol fathau o gymorth sydd ar gael i bob dysgwr. Rydyn ni’n cynnig cefnogaeth gyda sgiliau llythrennedd, rhifedd a digidol; cymorth lles a llesiant i helpu gyda materion personol yn ogystal â chymorth ac arweiniad tiwtoriaid.

Mae Darpariaeth Dysgu Ychwanegol y Coleg ar gyfer dysgwyr ag anabledd, nam ar y synhwyrau neu anghenion dysgu ychwanegol fel dyslecsia, dyspracsia, ADHD neu ASD. Os oedd gennych Ddatganiad (AAA) neu os oeddech yn cael cefnogaeth yn yr ysgol ac yn meddwl bod angen help ychwanegol arnoch yn y Coleg, yna rhowch wybod i ni.