Diogelu a Llesiant

Cefnogaeth

Mae gan Goleg y Cymoedd ystod o bolisïau a mesurau i sicrhau bod pob dysgwr yng Ngholeg y Cymoedd yn cael ei gefnogi.

Rydyn ni’n cymryd diogelu o ddifrif iawn i amddiffyn pawb yn y coleg rhag cam-drin a niwed.

Pob polisi a dogfen

Llesiant yng Ngholeg y Cymoedd

Mae Swyddog Llesiant ym mhob Campws Coleg y Cymoedd.

Mae Swyddogion Llesiant yn cynnig cymorth ymarferol i bob dysgwr ar draws ystod o faterion personol ac addysgol:

Lles emosiynol
Lles ariannol
Tai
Iechyd rhywiol
Problemau gartref
Cyngor ar berthynas
Diogelwch personol
Pryder
Sgiliau ymdopi ar gyfer arholiadau ac asesiadau

Cwrdd â’ch Swyddogion Llesiant

Trefnwch apwyntiad drwy e-bostio’r Tîm Llesiant ar: wellbeing@cymoedd.ac.uk, neu ymweld â nhw yn y coleg.

Dyma’r Swyddogion Llesiant dynodedig ar bob campws:

Cyfrinachedd

Rydym am i chi deimlo fel y gallwch siarad â’r Tîm Llesiant a Diogelwch am unrhyw beth ac mae eu gwasanaethau yn gyfrinachol.

Mae dyletswydd i roi gwybod am bryderon sylweddol ac ni fydd cyfrinachedd yn berthnasol os yw dysgwr neu rywun arall mewn perygl o niwed. Darllenwch ein strategaeth Llesiant 2023-2026 i ddysgu rhagor.

Cymorth llesiant ychwanegol

Gall y tîm Llesiant a diogelu gynnig cymorth mwy wedi’i dargedu i ddysgwyr sydd ei angen, gan gynnwys:

Gofalwyr ifanc ac oedolion
Plant mewn gofal – ‘Plant sy’n Derbyn Gofal’ (CLA)
Pobl ifanc sy’n gadael gofal

Diogleu yng Ngholeg y Cymoedd

Rydyn ni’n gweithio’n galed i gadw ein holl ddysgwyr yn ddiogel. Mae gan bob campws Gydlynydd Diogelu dynodedig sy’n rhan o’r Tîm Llesiant a Diogelu.

Os ydych chi’n poeni amdanoch chi’ch hun neu am rywun rydych chi’n ei adnabod, chwiliwch am y cortynnau porffor. Mae’r rhain yn cael eu gwisgo gan aelodau o staff y gallwch gysylltu â nhw am gefnogaeth drwy gyfnodau anodd. Gallwch hefyd fynd at eich tiwtor am help a chyngor.

Mae Cydlynwyr Diogelu yn ymateb i bob adroddiad o ddysgwr sydd mewn perygl o niwed sylweddol neu sy’n destun cam-drin anghyfreithlon a byddant yn gweithredu yn unol â:

Polisi Diogelu’r coleg
Gweithdrefnau Diogelu Cymru
Canllawiau Llywodraeth Cymru Cadw Dysgwyr yn Ddiogel

Ein pennaeth Llesiant a Diogelu yw Hannah McDowell (hannah.mcdowell@cymoedd.ac.uk).

Radicaleiddio ac eithafiaeth

Mae Coleg y Cymoedd wedi ymrwymo i leihau radicaleiddio ac eithafiaeth, er mwyn cadw ein holl ddysgwyr yn ddiogel.

Rydym yn dilyn canllawiau gan Prevent, strategaeth Llywodraeth genedlaethol sy’n gwrthsefyll terfysgaeth, radicaleiddio a safbwyntiau eithafol. Os ydych chi’n meddwl bod rhywun yn rhannu safbwyntiau eithafol, siaradwch â’r Tîm Llesiant a Diogelu.