Llwyddiant i ddysgwyr Coleg y Cymoedd yng Ngwobrau Cystadleuaeth Sgiliau Cymru 2025

24 Mawrth 2025

Mae dysgwyr o Goleg y Cymoedd wedi cymryd rhan yng Nghystadleuaeth Sgiliau Cymru 2025 yn erbyn cannoedd o bobl eraill ledled y wlad. Eleni, dangosodd 74 o ddysgwyr eu sgil, eu gallu a’u dealltwriaeth, gan ennill cyfanswm rhagorol o 13 medal (6 ohonynt yn aur), 20 gwobr cymeradwyaeth uchel.

Yn ogystal, enillodd Hazaifa Nasiri y wobr Gorau yn y rhanbarth ar gyfer De-ddwyrain Cymru, ochr yn ochr â’i fedal aur am Sgiliau Cynhwysol: Gwaith Coed.

Mae Cystadleuaeth Sgiliau Cymru yn rhoi’r cyfle i ddysgwyr, hyfforddeion a phrentisiaid brofi, cymharu a gwella eu sgiliau drwy gystadlu mewn gwahanol sectorau.

Mae Cystadleuaeth Sgiliau Cymru yn gyfres o gystadlaethau sgiliau ar lefel leol, sy’n cael ei chefnogi gan Lywodraeth Cymru a’i chyflwyno gan rwydwaith ymroddedig o golegau, darparwyr dysgu seiliedig ar waith a chyflogwyr. Mae’n cyd-fynd â WorldSkills a gofynion economi Cymru.

Dywedodd Janet Edwards, Rheolwr Derbyn a Thîm y Dyfodol Coleg y Cymoedd, am lwyddiant y dysgwyr: “Rydyn ni mor falch o’n holl ddysgwyr a gystadlodd eleni. Roedd y safon yn anhygoel o uchel, ond llwyddodd ein dysgwyr i ennill cyfanswm enfawr o fedalau.

“Rydyn ni’n diolch i bawb a gymerodd ran, o’r dysgwyr i’r tiwtoriaid a’r staff cymorth a helpodd i hwyluso’r cystadlaethau a’r hyfforddiant.

“Mae cystadlu mewn cystadlaethau sgiliau yn ffordd wych o wella eich sgiliau technegol a’r sgiliau cyflogadwyedd allweddol sy’n ofynnol ar gyfer cystadlu, megis gweithio o dan bwysau, rheoli amser, cynllunio a datrys problemau. Wrth gwrs, mae’r rhain yn cael eu hymarfer gyda thiwtoriaid cyn dyddiad y gystadleuaeth.

“Mae Cystadleuaeth Sgiliau Cymru yn helpu dysgwyr i fagu hyder, ennill profiad defnyddiol, dysgu gan weithwyr proffesiynol yn eu meysydd, ac yn y pen draw yn cynyddu eu cyflogadwyedd ar ôl coleg ac wrth iddynt symud ymlaen yn eu gyrfaoedd yn y dyfodol.”

Dathlu enillwyr medalau Cystadleuaeth Sgiliau Cymru 2025 o Goleg y Cymoedd

Llongyfarchiadau i’r 13 o ddysgwyr Coleg y Cymoedd a enillodd fedalau aur, arian ac efyd, a da iawn i bawb a gymerodd ran eleni:

Aur: