Gwobrau Pobl 2026: cydnabod y bobl tu ôl i’r gwaith

26 Mawrth 2026

Daeth cydweithwyr o bob rhan o Goleg y Cymoedd ynghyd ar gampws Aberdâr y mis hwn ar gyfer y Gwobrau Pobl blynyddol.

Mae’r digwyddiad yn cydnabod cyfraniad unigolion a thimau sy’n gwneud gwahaniaeth ar draws y coleg – gan gefnogi dysgwyr, cryfhau timau a gwella’r drefn o weithio o ddydd i ddydd.

Er bod y gwobrau’n adlewyrchu gwerthoedd ASPIRE y coleg, yr hanesion tu ôl i’r enwebiadau oedd yn denu’r sylw. Roedden nhw’n ymestyn o fod yn cefnogi cydweithwyr trwy gyfnodau anodd hyd at wella systemau’n ddi-ffwdan a chreu cyfleoedd newydd i ddysgwyr, ac roedd eu dylanwad yn glir ar draws pob categori.

Cyflwynwyd dwy wobr ar bymtheg ar y noson, gan gydnabod cyfraniadau ar draws y cwricwlwm a’r gweithrediadau.

Credadwy

Lesley Hughes (Cwricwlwm)
Wedi’i chydnabod am ei gwytnwch a’r ffordd y mae hi’n parhau i gefnogi ac ysbrydoli cydweithwyr trwy amgylchiadau heriol.
Alun Davies (Gweithrediadau)
Alun Davies (Gweithrediadau) Am ei gefnogaeth gyson i ddysgwyr sydd â gyrfa ddeuol, gan eu helpu i gadw cydbwysedd rhwng astudiaethau academaidd a chwaraeon ar lefel uchel.

Cefnogol

Caitlin Broom-Janaway (Cwricwlwm)
Am ei harweinyddiaeth a’i chefnogaeth o ddydd-i-ddydd i gydweithwyr, gan greu amgylchedd gwaith positif a hynod drefnus.
Rachel Hughes (Cwricwlwm)
Am ei chefnogaeth barhaus ar draws y campysau, yn arbennig wrth helpu cydweithwyr trwy gyfnodau o newid.

Canolbwyntio ar Bobl

Helen Wigley (Cwricwlwm)
Am ei gwaith yn canolbwyntio ar lesiant y tîm a chreu diwylliant cydweithredol a chefnogol.
Julia Thomas (Gweithrediadau)
Am ei harweinyddiaeth hawdd mynd ato a’r modd y mae’n cefnogi cydweithwyr i ddatblygu a thyfu.

Cynhwysol

Kevin Hall (Cwricwlwm)
Am greu cyfleoedd i ddysgwyr o bob gallu i gymryd rhan a llwyddo.
Helena Vickery (Gweithrediadau)
Am ei gwaith yn cefnogi dysgwyr a chydweithwyr drwy waith llesiant a diogelu.

Cyfrifold

Kathryn Bishop (Cwricwlwm)
Am ei gofal a chefnogaeth i gydweithwyr, yn arbennig yn ystod cyfnodau anodd.
Alex Carnie (Gweithrediadau)
Am wella diogelwch a chydymffurfiaeth drwy’r holl amgylchedd gweithdai.

Cydnerth

Rob Dempsey (Gweithrediadau)
Am ei rôl yn gwella’r seilwaith digidol ar draws y campysau.
Rebecca Bennett (Gweithrediadau)
Am arwain a datblygu timau yn y maes Iechyd a Gofal Cymdeithasol.

Cyflawniad Tîm

Tîm Pêl-rwyd yr Academi (Cwricwlwm)
Am feithrin rhaglen perfformiad uchel a chefnogi dilyniant i ddysgwyr.
Y Tîm Cyllid (Gweithrediadau)
Am eu gwaith yn cwblhau newid pwysig yn y system tra’n parhau i gynnal gweithgaredd o ddydd-i-ddydd.

Cyflogai Nodedig

Simon Evans (Cwricwlwm)
Am ei waith parhaus yn gwella systemau a phrosesau ar draws y coleg.
Clair Mapp (Gweithrediadau)
Am ei chefnogaeth i’r uwch arweinyddiaeth a’r sefydliad i gyd.

Gwobr y Pennaeth

Sean Thomas
Yn cael ei gydnabod am ei gyfraniad i’r Systemau Rheoli Gwybodaeth, gan gefnogi timau ar draws y coleg i ddarparu data ac adroddiadau cywir.

Mae Coleg y Cymoedd yn llongyfarch yr holl enillwyr, yn ogystal â’r rhai enwebwyd ac yn diolch i gydweithwyr drwy’r holl sefydliad am eu cyfraniad parhaus.