Mae ein Gradd Sylfaen mewn Ffotograffiaeth yng Ngholeg y Cymoedd, Campws Nantgarw yn gwrs dwy flynedd llawn amser, a ddyfernir gan Brifysgol De Cymru.
Anogir myfyrwyr i gwblhau eu blwyddyn olaf yn yr Atriwm, Prifysgol De Cymru i ennill gradd anrhydedd lawn BA (Anrh) Atodol. Bydd myfyrwyr sy’n dymuno astudio yn Nantgarw yn gallu defnyddio cyfleusterau’r Brifysgol (gan gynnwys y llyfrgell ac undeb y myfyrwyr) a byddant yn gallu mynychu sgyrsiau siaradwyr gwadd, sy’n cynnig profiad integredig cyffredinol.
Bydd y cwrs hwn yn rhoi ystod eang o sgiliau ffotograffig creadigol a thechnegol i fyfyrwyr drwy aseiniadau ysgogol. Mae hyn yn cynnwys ffotograffiaeth ddigidol, gwaith stiwdio a lleoliad eang (gan gynnwys teithiau maes) yn ogystal â ffotograffiaeth ffilm arian draddodiadol.
Gwneir ymweliadau rheolaidd ag amgueddfeydd ac orielau i ysbrydoli myfyrwyr ac i sicrhau eu bod yn archwilio’r ffordd y mae amrywiol artistiaid a ffotograffwyr cyfoes a hanesyddol yn gweithio. Mae hon yn radd ffotograffiaeth greadigol ac ymarferol sy’n seiliedig ar ddiwylliant gweledol, elfennau cyd-destunol a hanes ffotograffiaeth.
Mae’r cwrs hwn wedi cynhyrchu myfyrwyr sydd wedi ennill gwobrau ac wedi’i gynllunio i sicrhau bod myfyrwyr yn ennill y sgiliau, y profiad a’r hyder iawn i ymgeisio am swyddi perthnasol yn y diwydiannau creadigol a/neu ddeall sut i gymhwyso’r sgiliau hyn i’w busnes eu hunain ar ôl cwblhau’r cwrs. Nod y Radd Sylfaen mewn Ffotograffiaeth yw darparu profiad dysgu o ansawdd uchel i fyfyrwyr. Mae hyn yn cynnwys darlithwyr arbenigol pwnc sydd â chysylltiadau â diwydiant a phrofiad sy’n berthnasol i’r diwydiannau creadigol ar gyfer gwaith cyfoes.
Mae’r flwyddyn gyntaf yn cyflwyno’r sgiliau sylfaenol wrth ddefnyddio’r camera (digidol a ffilm), ystafell dywyll, stiwdio, delweddau symudol, meddalwedd Adobe arbenigol, cyd-destunoli cyfoes a hanesyddol a chanfyddiad ymarfer. Bydd myfyrwyr yn datblygu eu creadigrwydd a’u sgiliau technegol trwy ffotograffiaeth ddigidol a ffilm.
Wrth i’r cwrs fynd yn ei flaen, bydd disgwyl i fyfyrwyr ddangos chwilfrydedd eang tuag at arferion cysylltiedig ehangach yn y byd ffotograffig a ffilm. Bydd myfyrwyr yn cael eu hannog i feddwl yn feirniadol ac ystyried ffotograffiaeth a’i heffaith ar arferion cymdeithasol, diwylliannol, hanesyddol a chyfoes.
Blwyddyn 1
Blwyddyn 2
Ar ôl cwblhau’r Radd Sylfaen mewn Ffotograffiaeth, anogir myfyrwyr i symud ymlaen i’r BA (Anrh) Atodol ym Mhrifysgol De Cymru. Rhoddir cymorth gyda’ch cais i’r Brifysgol ac mae bwrsariaeth o £1000 ar gael ar hyn o bryd i’r myfyrwyr hynny sy’n dymuno astudio ar Lefel 6.
Ar ddiwedd y Radd Sylfaen dylai myfyrwyr allu:
Mae myfyrwyr ar y Radd Sylfaen mewn Ffotograffiaeth wedi cael cyfle i weithio gydag amrywiaeth o bartneriaid a gweithwyr proffesiynol y diwydiant ar friffiau byw a lleoliadau gwaith gan gynnwys:
Bydd angen 48 o bwyntiau UCAS ar fyfyrwyr, sy’n cyfateb i 2 Safon Uwch (Gradd D neu’n uwch) neu gymhwyster BTEC Lefel 3 perthnasol gyda Theilyngdod/Pas, Diploma Lefel 3 neu Pas/Pas/Pas, Diploma Estynedig Lefel 3 neu brofiad diwydiant perthnasol ar gyfer dysgwyr aeddfed.
Gall ymgeiswyr sydd â phrofiad sylweddol mewn cyflogaeth sydd dros 21 oed gael eu derbyn; bydd hyn yn amodol ar gyfweliad.
Bydd modd cael mynediad i’r drydedd flwyddyn BA (Anrh) Atodol a gyflwynir ym Mhrifysgol De Cymru ar gael ar ôl cwblhau’r Radd Sylfaen yn llwyddiannus.
Gwneud cais uniongyrchol
Ceisiadau UCAS
Cod y cwrs: W640
Cod y sefydliad: W01
Enw’r Campws: Coleg y Cymoedd (Nantgarw)
Cod campws: M
Ffioedd a Chyllid y Cwrs
Ffioedd y Cwrs ar gyfer y Radd Sylfaen mewn Ffotograffiaeth yw £7500 i ymgeiswyr llawn amser.
Fe all fod grantiau ar gael. Gall myfyrwyr llawn amser cymwys hawlio isafswm grant o £1,000 na fydd yn rhaid iddyn nhw ei dalu’n ôl, waeth beth fo incwm eu cartref, a bydd grantiau prawf modd o hyd at £8,100 ar gael i’r rhai sydd eu hangen fwyaf.
Gall myfyrwyr sy’n dymuno astudio ar lefel Addysg Uwch gysylltu â Cyllid Myfyrwyr Cymru am gymorth ariannol gyda ffioedd cyrsiau, ar yr amod eu bod yn byw yng Nghymru
I gael rhagor o wybodaeth, ewch i wefan Arian Myfyrwyr Llywodraeth Cymru.
Ffi Offer a Stiwdio
Mae’n bwysig bod gan fyfyrwyr eu camera SLR Digidol eu hunain gyda lensys cyfnewidiol a chyfrifiadur cartref neu liniadur gyda chamera a sain sy’n gweithio i ddechrau’r cwrs yn ogystal ag offer sylfaenol eraill h.y. deunydd ysgrifennu, llyfrau ac ati.
Gallai ystyriaethau cost eraill sy’n gysylltiedig â’r cwrs gynnwys: cardiau cof, tripodau, gyriannau/USB, ffeiliau / llyfrau braslunio a fframiau. Gellir prynu rhywfaint o’r deunyddiau hyn yn ein Siop Gelf am bris gostyngol i fyfyrwyr. Fel rhan o’r gofynion ar gyfer gwahanol fodiwlau bydd gofyn i chi dalu am eich printiau ffotograffig eich hun (mae gwasanaethau print ar gael).
Darperir opsiynau benthyg offer ar gyfer camerâu Canon, Nikon, Sony (digidol) a Pentax (ffilm) ac mae offer arbenigol arall ar gael fel meicroffonau allanol ac ati.
Mae ffioedd stiwdio yn daladwy sef £150 y flwyddyn. Mae’r ffioedd hyn i’w talu yn y brif dderbynfa yn ystod eich wythnos ymsefydlu lle rhoddir derbynneb i chi fel cadarnhad o daliad. Rhaid i chi gadw’r dderbynneb hon fel prawf o daliad i gasglu eich deunyddiau. Rhaid i chi gadw’r dderbynneb hon fel prawf o daliad i gasglu eich deunyddiau. Isod mae enghraifft o’r deunyddiau a gyflenwir fel rhan o’r ffioedd stiwdio. Defnyddir y rhan arall o’r ffi ar gyfer gwasanaethu, cynnal a chadw, tripiau a rhan o’r rhaglen siaradwr gwadd.
01443 663 310
Bloc C, NC202,
Campws Nantgarw
01443 663 012
Bloc C, NC202,
Campws Nantgarw
01443 663 303
Bloc C, NC202, Campws Nantgarw
01443 663 012
Bloc C, NC202,
Campws Nantgarw
“Rwy’n cael fy ysbrydoli gan ymrwymiad Jess a’i hymroddiad cyson i’w rôl addysgu, mae hi’n ei gwneud gymaint yn rhan o’i bywyd ac yn rhoi ei chalon a’i henaid i ddatblygu ei myfyrwyr a’i hadran yn llwyddiannus. Mae gen i 19 mlynedd o brofiad o gael fy ngoruchwylio fel Swyddog Heddlu ac 11 mlynedd o brofiad o fod yn ddadansoddwr rhwydwaith ar gyfer Nwy Prydain. Ond, yn ystod y cyfnod hwnnw, dydw i erioed wedi cwrdd â Goruchwyliwr, Rhingyll, Arolygydd nac Arweinydd Tîm sydd wedi fy natblygu i a chyfoedion eraill fel Jess. Mae hi’n glod llwyr i Goleg y Cymoedd/Prifysgol De Cymru, ac mae ei brwdfrydedd dros rannu ei harbenigedd a’i gwybodaeth mewn Ffotograffiaeth a’r Diwydiant heb ei ail.”
Ar ôl dysgu ei bod wedi ennill tair gwobr broffesiynol am waith o’i phortffolio coleg, dywedodd Tracey: “Roedd hi’n hollol anhygoel cael gwybod fy mod i wedi ennill nid dim ond un, ond tair gwobr. Nid fi yw’r person mwyaf hyderus felly mae cael y gydnabyddiaeth hon wedi bod yn hwb enfawr i fy hyder. Fel ffotograffydd, mae’r gwobrau wedi helpu i adeiladu fy hygrededd yn broffesiynol ac wedi fy ngalluogi i gael fy enw allan yna. Mae tiwtoriaid fy nghwrs, Jessica Emanuel ac Ian Burgum wedi bod yn wych, gan fy annog i geisio am y gwobrau, a’m cefnogi drwy gydol yr holl broses.”
Stryd Wellington
Aberdâr
Rhondda Cynon Taf
CF44 8EN
Heol y Coleg
Parc Nantgarw
Caerdydd
CF15 7QY
Llwynypia
Tonypandy
Rhondda Cynon Taf
CF40 2TQ
Heol y Twyn
Ystrad Mynach
Hengoed
CF82 7XR