Yn ystod blwyddyn 1, mae Dysgwyr yn dilyn rhaglen gyffredin. Byddwch yn dod i ddeall egwyddorion sylfaenol dylunio a chodi adeiladau isel a chanolig a’u strwythur ac egwyddorion gweithredu’r dyluniadau hynny.
Hefyd, byddwch yn ystyried dulliau adeiladu a ddefnyddir i godi adeiladau newydd a’r gwaith allanol cysylltiedig. Ym mlwyddyn 2 mae dysgwyr yn ymchwilio i wahanol lwybrau gyrfaol er enghraifft. Dylunio pensaernïol, gwaith Syrfëwr meintiau, Rheoli Safle, Syrfeo Tir, Peirianneg sifil a Syrfeo maes peirianneg. Rhoddir pwyslais ar ennill sgiliau academaidd a chyflogadwyedd: megis sgiliau ymchwil, gwaith tîm a sgiliau cyflwyno sy’n rhan bwysig o’r cwrs.
Bydd angen 4 TGAU arnoch radd A*- B gan gynnwys Cymraeg neu Saesneg a Mathemateg. Hefyd byddwch yn mynychu cyfweliad ffurfiol ac yn sefyll asesiad cychwynnol a osodir gan coleg mewn llythrennedd a rhifedd.
Bydd dysgwyr yn cwblhau ystod o dasgau ymarferol, aseiniadau ysgrifenedig ac arholiadau. Y graddfeydd a ddyfernir ar gyfer pob modiwl yn gyffredinol ydy Pas, Teilyngdod neu Ragoriaeth.
A dibynnu ar eich graddau yn gyffredinol bydd gennych ddewis o lwybrau dilyniant: Mynediad i raglenni gradd Prifysgol neu brentisiaethau gradd.
Dylai dysgwyr brynu ‘cof bach allanol’ i’w ddefnyddio yn ystod y cwrs yn ogystal â chyfarpar lluniadu a chaiff hyn ei drafod yn ystod y cyfnod ymrestru. Yn ogystal, ar gyfer y cwrs hwn, mae gofyn prynu esgidiau blaen dur a llawlyfr y cwrs.
