Bydd dysgwyr yn astudio am Ddiploma Estynedig RSL Lefel 4 ar gyfer Ymarferwyr Creadigol dros un flwyddyn. Ffocws y cymhwyster ydy cynnig yr amser a’r sgiliau i greu llwyfan proffesiynol gan ddefnyddio brandio a thechnegau uchel eu lefel.
O gwblhau’r cwrs, bydd dysgwyr yn gwneud prosiect terfynol o ansawdd masnachol (EP, Albwm, Rîl Arddangos ayb) a byddan nhw’n gallu ei ddosbarthu a’i farchnata ar eu llwyfannau sydd wedi’u brandio’n llawn a’u brandio’n broffesiynol.
Cwblhau Rhaglen 3 Lefel A neu gymhwyster Diploma Estynedig Lefel 3 galwedigaethol cyfwerth.
Cewch eich asesu drwy gyfuniad o gynlluniau ysgrifenedig, adroddiadau a gwerthusiadau sy’n mesur eich dealltwriaeth ddamcaniaethol o gysyniadau, cynnwys pwnc arbenigol a’ch gallu i hunan-adfyfyrio yn ogystal ag asesiadau ymarferol ar sail cymhwysedd sy’n gorffen gyda chwblhau prosiect mawr terfynol.
Bydd y cwrs hwn yn eich galluogi i symud ymlaen i gyrsiau uwch eu lefel mewn prifysgol, gwella’ch siawns o sicrhau cyfleoedd ariannu rhanbarthol a chynyddu’r tebygrwydd o yrfa lwyddiannus lawrydd fel artist, cyfansoddwr neu ymarferydd creadigol arall yn y dyfodol.
Cynhelir clyweliad fel rhan o’r broses gyfweld ar gyfer y cwrs hwn.
