Cymorth i’n Dysgwyr sy’n Siarad Cymraeg

Dy Iaith; Dy Hawl

Mae’r iaith Gymraeg yn perthyn i ti. O dan Reoliadau Safonau’r Gymraeg Mesur y Gymraeg (Cymru) 2011, mae gennyt yr hawl i gael gwasanaethau a chymorth trwy gyfrwng y Gymraeg os mai dyna yw dy ddymuniad. Fel Coleg, hoffem dy annog di i fanteisio ar yr hawliau hyn yn ystod dy amser gyda ni. 

Mae gennyt yr hawl i’r canlynol: 

• Llythyrau, ffurflenni a gohebiaeth gan y Coleg yn Gymraeg
• Llyfryn croeso a phrosbectws yn Gymraeg
• Ymgeisio am gymorth ariannol yn Gymraeg
• Tiwtor personol sy’n siarad Cymraeg
• Gwasanaeth cwnsela yn Gymraeg
• Cyfarfodydd yn ymwneud â chwynion, materion disgyblu a chefnogaeth yn Gymraeg

Ac, yn amodol ar gymeradwyaeth corff dyfarnu dy gwrs; mae gennyt yr hawl i’r canlynol: 

• Cyflwyno gwaith yn Gymraeg
• Tystysgrifau yn Gymraeg

Am restr lawn, ac union fanylion yr hawliau sydd gennych i ddefnyddio’r Gymraeg, ewch i Comisiynydd y Gymraeg –

Cymdeithasu yn Gymraeg

Clwb Dreigiau’r Cymoedd

Rydym wedi sefydlu ‘Clwb Dreigiau’ rhithiwir i siaradwyr Cymraeg y Coleg. Mae’n gyfle i gymdeithasu, gwneud ffrindiau a gwneud gweithgareddau, trwy gyfrwng y Gymraeg. 

Llysgenhadon Coleg Cymraeg Cenedlaethol

Mae gan Goleg y Cymoedd llysgennad Coleg Cymraeg Cenedlaethol. Eu rôl yw hyrwyddo’r Gymraeg yn y Coleg, hyrwyddo gweithgareddau’r Coleg Cymraeg Cenedlaethol yn y Coleg a bod yn lais dros siaradwyr Cymraeg y Coleg.

Menter Iaith Rhondda Cynon Taf – sefydliad lleol yn RhCT sy’n annog brwdfrydedd lleol i ddefnyddio mwy o Gymraeg – mae’r fenter yn trefnu pob math o weithgareddau ar gyfer pob oed.  http://www.menteriaith.cymru 

Menter Iaith Caerffili – sefydliad lleol yn ardal Caerffili sy’n annog brwdfrydedd lleol i ddefnyddio mwy o Gymraeg – mae’r fenter yn trefnu pob math o weithgareddau ar gyfer pob oed.  http://www.mentercaerffili.cymru/