Mae cynnwys y cwrs yn adlewyrchu'r wybodaeth hanfodol sydd ei hangen os ydych chi'n ystyried gyrfa yn y diwydiant awyrofod ac ymhlith y pynciau a astudir mae:
• Injans tyrbinau nwy • Cynnal a chadw awyrennau • Deunyddiau awyrennau • Theori hedfan • Egwyddorion mecanyddol • Iechyd a Diogelwch i Beirianwyr • Cyfathrebu i Beirianwyr • Mathemateg • Mathemateg Bellach • Deunyddiau a Chaledwedd • Arsylwi a Phrofi • Hydroligion • Gwthio • Prosiect peirianneg • Dylunio peirianneg • Egwyddorion a chymwysiadau gwyddoniaeth awyrennau • Egwyddorion mecanyddol Disgwylir i bob dysgwr llawn amser fynychu sesiynau sgiliau yn ogystal â'r cwrs galwedigaethol o'u dewis. Hefyd, gofynnir ichi fynychu sesiynau tiwtorial fel rhan o amserlen eich cwrs llawn amser.
5 TGAU gradd C neu uwch (gan gynnwys Mathemateg, Gwyddoniaeth a Saesneg neu Gymraeg Iaith Gyntaf), neu gymwysterau lefel 2 cyfatebol
Asesir drwy brofion gwybodaeth ar-lein a phortffolio ar sail gweithdy, lle byddwch yn cofnodi manylion yr asesiadau gwaith a gynhaliwyd.
Ar ôl cwblhau'r cwrs yn llwyddiannus mae yna sawl llwybr i symud ymlaen gan gynnwys addysg uwch drwy HNC neu Radd. Gallech fod yn symud ymlaen i Swydd mewn Diwydiant ar lefel technegydd, Prentisiaeth Fodern neu gyflogaeth mewn sefydliadau sifil neu filitaraidd.
Os cynigir lle i chi ar y cwrs hwn, bydd angen i chi brynu eich Cyfarpar Diogelu Personol (PPE) eich hun sy'n addas ar gyfer y gweithgareddau ymarferol y byddwch yn eu gwneud.
Gallwch siarad am hyn yn fanylach yn ystod eich cyfweliad gydag aelod o staff.
Efallai y bydd cymorth ariannol ar gael, yn dibynnu ar eich amgylchiadau personol.
