Lluniwyd Diploma Lefel 2 RSL ar gyfer Ymarferwyr Cerdd i gynnig y sgiliau i fod yn gerddor a datblygu arbenigedd mewn Perfformio Cerddoriaeth, Cynhyrchu Cerddoriaeth, Peirianneg Sain, Cynhyrchu Fideo Cerdd, Cyfansoddi, Ail-gymysgu a Busnes Cerdd. Mae’r cwrs yn cynnwys nifer o unedau craidd gorfodol ac unedau arbenigol, tra’n caniatáu hyblygrwydd i ddysgwyr ddilyn eu dewis o un o bedwar llwybr annibynnol – Perfformiad, Technoleg, Busnes a Chyfansoddi.
Ar y cwrs, bydd dysgwyr yn cael cyfle i berfformio mewn lleoliadau cerdd proffesiynol, y cyfle i gynrychioli’r Coleg yn genedlaethol yng nghystadlaethau blynyddol Sgiliau Cymru lle buon ni’n llwyddiannus ar nifer o achlysuron. Cewch hefyd gyfle i fynychu gweithdai gyda siaradwyr gwadd a sesiynau Holi ac Ateb gyda rhai o brif bobl broffesiynol y busnes megis Alan McGee (CEO Creation Records – sydd â’r canlynol ar ei lyfrau:Oasis, Primal Scream, Super Furry Animals ac mae wedi rheoli Happy Mondays, Libertines, Cast a llawer mwy). Romesh Dodangoda a enwebwyd am Wobr Grammy (Perchennog stiwdios Long Wave ac wedi cynhyrchu bandiau uchel eu parch megis Bring Me The Horizon, Motorhead, Funeral For A Friend, Nova Twins, Twin Atlantic, Kids in Glass Houses a llawer mwy.)
Byddwch yn ennill y sgiliau cerddorol a’r hyder fydd eu hangen arnoch chi mewn amgylchedd cefnogol a chreadigol dan arweiniad staff cymwys ymroddedig â thros 20 mlynedd o brofiad yn y diwydiant a gymeradwywyd i gyflenwi’r cwrs. Cynhelir y cwrs ar Gampws Nantgarw lle caiff dysgwyr ddefnyddio Stiwdios Recordio, Ystafelloedd Apple Mac llawn cyfarpar heb eu hail lle caiff dysgwyr gyrchu’r cyfleusterau a’r adnoddau mwyaf diweddar. Mae’r cwrs cyfwerth â un a hanner Lefel A gyda'r cyfle i symud ymlaen i’r cwrs Diploma Estynedig a fydd yn ddigon i fynychu prifysgol
Cewch gyfle hefyd i recordio cerddoriaeth wreiddiol drwy Label Recordio’r coleg sef ‘Cymoedd Creadigol Records’ a’ch caneuon yn cael eu dosbarthu ymhlith dros 200 o lwyfannu digidol ar-lein megis - Spotify
https://open.spotify.com/playlist/3Ofis8aTwxYYCYa2S7p4fz?si=7de4cbc800994d6e
Beth fydda i'n ei ddysgu?
Bydd dysgwyr yn astudio ar gyfer Diploma Ategol Lefel 3 RSL ar gyfer Ymarferwyr Cerddoriaeth dros flwyddyn gyda'r opsiwn i symud ymlaen i gwrs Diploma Estynedig Lefel 3 RSL ar gyfer Ymarferwyr Cerddoriaeth yn ystod blwyddyn dau. Bydd y Diploma Estynedig yn cynnig cymhwyster sy’n cyfateb i 3 Lefel A ac yn cael ei gydnabod gan bob Prifysgol yn y DU.
Mae blwyddyn gyntaf y cwrs yn cynnwys chwe uned sy’n delio â sbectrwm eang o gyfleoedd cyflogaeth sydd ar gael yn y diwydiant cerddoriaeth sef: • Traethawd Hir Cerddoriaeth
• Cymysgu Sain Stiwdio
• Recordio Sain Byw
• Cyfansoddi a Chynhyrchu
• Perfformio Cerddoriaeth yn Fyw
• Sgiliau Ymarfer Cerddoriaeth
Beth fydda i'n ei ddysgu?
5 TGAU gradd C neu uwch (yn cynnwys Mathemateg a Saesneg neu Cymraeg Mamiaith ) neu gymwysterau lefel 2 cyfatebol.
Cynhelir clyweliad fel rhan o’r broses gyfweld ar gyfer y cwrs hwn.
Asesiad
Cewch eich asesu’n barhaus drwy gydol y cwrs drwy aseiniadau ymarferol ac ysgrifenedig. Asesir pob uned yn fewnol a’u safoni’n allanol. Ar ôl cwblhau’r cymhwyster hwn yn llwyddiannus dyfernir gradd drwyddi draw - Pas, Teilyngdod neu Ragoriaeth.
Dilyniant Gyrfa
Diploma Estynedig, Lefel 4, Prifysgol, Cynhyrchydd Cerddoriaeth, Cerddor Sesiwn, Peiriannydd Sain ayb.
Nodiadau Pellach
Cynhelir clyweliad fel rhan o'r broses gyfweld ar gyfer y cwrs.
